完整藏文原文 · 德格版页 当前仅加载第 57 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་གཞན་ཡང་གང་དག་ཆོས་ཀྱི་རྣམ་གྲངས་འདི་སྤོང་བ་དེ་དག་ནི་ཚེ་འདི་ཉིད་ལ་ལུས་མཛེ་ཅན་དུ་འགྱུར། མཆུ་འཇིགས་འཇིགས་ལྟར་འདུག་པར་འགྱུར། ལུས་ཞོམ་པར་འགྱུར། ལུས་གཅེར་བུར་འགྱུར། ལུས་སྐམ་པོར་འགྱུར། {ཡི་དགས་,ཡི་དྭགས་}འདྲ་བར་འགྱུར་རོ། །འཇམ་དཔལ་
D145.057.0056b01.01གཞན་ཡང་མི་གཏི་མུག་པ་དེ་དག་གང་དུ་སྐྱེ་བར་འགྱུར་བ་དེ་དག་གི་གནས་ནི་ངས་སངས་རྒྱས་ཀྱི་ཡེ་ཤེས་བསམ་གྱིས་མི་ཁྱབ་པས་མཁྱེན་ཏོ། །འཇམ་དཔལ་གཞོན་ནུར་གྱུར་པས་གསོལ་པ། བཅོམ་ལྡན་འདས་ཀྱིས་ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་
D145.057.0056b02.01དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཁ་རོག་དེ་སྐད་མ་འདྲི་ཤིག །འདི་ལ་ལྷ་དང་བཅས་པའི་འཇིག་རྟེན་མྱོས་པར་འགྱུར་ཏེ་སྐྲག་པར་འགྱུར། དངང་བར་འགྱུར། རབ་ཏུ་དངང་བར་འགྱུར་རོ། །འཇམ་དཔལ་གྱིས་གསོལ་པ། སེམས་ཅན་འདི་དག་
D145.057.0056b03.01གིས་འདི་ལྟ་བུ་ཐོས་ནས་སླན་ཆད་ནམ་ཡང་དམ་པའི་ཆོས་སྤོང་བར་མི་འགྱུར་བར་བགྱི་བའི་སླད་དུ་ཐུགས་བརྩེ་བར་དགོངས་ཏེ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སའི་འོག་ན་སེམས་ཅན་དམྱལ་བ་ཡོད་པའི་
D145.057.0056b04.01མིང་ལ་འདི་ལྟ་སྟེ། ཚ་བ་དང་། རབ་ཏུ་ཚ་བ་དང་། ཐིག་ནག་དང་། ཀུན་དུ་འབར་བ་དང་། རབ་ཏུ་འབར་བ་དང་། རེག་དཀའ་བ་དང་། དྲག་པོ་དང་། མཆུ་རྣོན་དང་། ལྕགས་ཀྱི་ཐུ་ལུམ་དང་། ལྕགས་ཀྱི་བེ་ཅོན་དང་། མུན་ཁུང་དང་། མགོ་བསྟོད་དང་། སྤྱིའུ་ཚུགས་དང་། སྤྲིའུ་གདོང་དང་།
D145.057.0056b05.01རྟག་ཏུ་རབ་འབར་དང་། རུལ་པ་དང་། རྟག་ཏུ་དྲི་ང་དང་། རབ་འཇོམས་དང་། དེས་འཇོམས་དང་། ཤིན་ཏུ་གནོད་འཇོམས་རྣམས་ཏེ་འཇམ་དཔལ་མི་གཏི་མུག་པ་དེ་དག་གང་དུ་སྐྱེ་བར་འགྱུར་བའི་སེམས་ཅན་དམྱལ་བ་ནི་འདི་དག་གོ། །དེ་ནས་བཅོམ་ལྡན་འདས་ལ་བྱང་ཆུབ་
D145.057.0056b06.01སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་སྨྲ་བ་དེ་དག་འདི་ནས་ཤི་འཕོས་ནས་གང་དུ་སྐྱེ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དུ་བཟང་པོ་ཁྱོད་ཀྱིས་ཞུས་པ་དེ་ལེགས་པར་ཞུས་སོ། །ཀུན་དུ་བཟང་པོ་རིགས་ཀྱི་
D145.057.0056b07.01