完整藏文原文 · 德格版页 当前仅加载第 57 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཡོངས་སུ་བསྐྱང་བར་བགྱིའོ། །ཆོས་སྨྲ་བའི་དགེ་སློང་དེ་དག་ལ་ཡང་ཡོངས་སུ་བསྐྱང་བར་བགྱིའོ། །བསྟི་སྟང་དུ་བགྱིའོ། །བཙུན་པར་བགྱིའོ། །རིམ་གྲོར་བགྱིའོ། །མཆོད་པར་བགྱིའོ། །རྗེད་པར་བགྱིའོ། །གསོལ་བར་བགྱིའོ། །དེ་ནས་བཅོམ་ལྡན་འདས་
D145.057.0063a01.01ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་གཉིས་པོ་དེ་དག་ལ་ཡང་དག་པར་སྐུལ་བའི་ཚིགས་སུ་བཅད་པ་འདི་དག་གསུངས་སོ། །ཡོན་ཏན་ཕ་རོལ་ཕྱིན་པ་དེ་དག་གི། །ཡོན་ཏན་ཀུན་བཤད་ཐམས་ཅད་ང་ལས་ཉོན། །ང་རྒྱལ་
D145.057.0063a02.01རྒྱགས་དང་བག་མེད་སྤང་བྱོས་ལ། །དགའ་ཞིང་མགུ་བའི་ཡིད་ཀྱིས་མཉན་པར་གྱིས། །མ་ག་དྷཱ་འདིར་ཤིང་དབང་བྱང་ཆུབ་དྲུང་། །རང་བྱུང་མི་ཡི་སེང་གེ་བཞུགས་ཞེས་གྲག །ཏིང་འཛིན་རྣམ་པར་ཐར་བ་མཆོག་ལ་གནས། །ཤིང་རྒྱལ་ཆེན་པོ་དེ་ཡི་དྲུང་ན་བཞུགས། །ཕྱོགས་
D145.057.0063a03.01བཅུའི་ཞིང་རྡུལ་སྙེད་དང་དེ་ཐབས་ཅིག །སྐྱེས་བུ་དམ་པ་རྣམས་ཀྱིས་དཔའ་བོ་བསྐོར། །སངས་རྒྱས་ཕལ་ཆེན་ཞེས་བྱའི་ཏིང་ངེ་འཛིན། །ཏིང་འཛིན་དེ་ལ་མི་ཡི་དབང་པོ་གནས། །མི་དབང་དེ་ནི་སྙོམས་པར་ཞུགས་རྟོགས་ནས། །འཇམ་དཔལ་གཞོན་ནུ་ཤར་གྱི་ཕྱོགས་
D145.057.0063a04.01ལོགས་ནས། །སངས་རྒྱས་ཞིང་བཅུ་རྡུལ་སྙེད་ལྷན་ཅིག་ཏུ། །སྐྱེས་བུ་དམ་པ་རྣམས་དང་རྒྱལ་དྲུང་འོངས། །དེ་བཞིན་སྦྱར་ཏེ་ཕྱོགས་བཅུའི་ཞིང་ཀུན་ནས། །སངས་རྒྱས་སྲས་པོ་དཔལ་ཞེས་བྱ་བ་ཀུན། །ཕྱོགས་བཅུའི་ཞིང་རྡུལ་སྙེད་དང་ལྷན་ཅིག་ཏུ། །སྐྱེས་བུ་དམ་པ་རྣམས་དང་
D145.057.0063a05.01ལྷགས་པར་གྱུར། །དེར་འདུས་གྱུར་ནས་འཇིག་རྟེན་ཕན་འདོད་པ། །འཇམ་དཔལ་གྲགས་པ་མཐའ་ཡས་ལྡན་རྣམས་ལ། །སེམས་ཅན་དམ་པ་བཟང་པོའི་དཔལ་གྱིས་དྲིས། །སངས་རྒྱས་སྲས་ཀྱི་སྤྱོད་གང་ཡོན་ཏན་ཅི། །དེ་ནས་སེམས་དཔའ་འཇམ་དཔལ་ཞེས་བྱ་བ། །རྙོག་
D145.057.0063a06.01པ་མེད་པས་བྱང་ཆུབ་ཡོན་ཏན་དང་། །བདེ་ཡངས་ཡོན་ཏན་ལྡན་གྱི་སྤྱོད་ཡུལ་གཙང་། །སེམས་ཅན་དམ་པ་བཟང་པོའི་དཔལ་ལ་དྲིས། །སངས་རྒྱས་སྲས་པོ་རྣམས་ཀྱི་སྤྱོད་ཡུལ་གཙང་། །རྒྱལ་བས་བསྟེན་པ་བདག་གིས་འདིར་སྨྲས་ཀྱིས། །ཁྱོད་ཀྱང་སངས་རྒྱས་སྲས་ཀྱི་ཡོན་ཏན་
D145.057.0063a07.01