完整藏文原文 · 德格版页 当前仅加载第 57 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཀུན་དུ་བཟང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བཞུད་ལ་ཕྱི་མའི་ཚེ་ཕྱི་མའི་དུས་ན་མདོ་སྡེའི་རྒྱལ་པོ་འཛིན་པ་ཆོས་སྨྲ་བ་དེ་དག་ལ་ཀུན་དུ་བསྲུང་བ་དང་། ཡོངས་སུ་བསྐྱང་བ་མཛད་པར་དེ་བཞིན་གཤེགས་
D145.057.0056a01.01པ་ལ་གསོལ་བ་ཐོབ་ཤིག །དེ་ནས་འཇམ་དཔལ་གཞོན་ནུར་གྱུར་པས་རང་གི་ཆོས་ཀྱི་སྟན་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་དག་ཆོས་ཀྱི་རྣམ་གྲངས་འདི་འཛིན་པ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་
D145.057.0056a02.01ཡང་དག་པར་སྟོན་པར་བགྱིད་པ། ཆོས་སྨྲ་བ་དེ་དག་གི་ཡོན་ཏན་གྱི་ཁྱད་པར་རྣམས་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དགེ་སློང་མདོ་སྡེའི་རྒྱལ་པོ་འཛིན་པ་ཆོས་སྨྲ་བ་དེ་དག་ནི་ངའི་ཆོས་ཀྱི་སྐུ་ལ་ངེས་པར་འབྱུང་བར་
D145.057.0056a03.01འགྱུར་རོ། །དེ་དག་ནི་སངས་རྒྱས་ཀྱི་བྱང་ཆུབ་ཐོབ་པར་འགྱུར་རོ། །དེ་དག་ནི་སངས་རྒྱས་ཀྱི་ཆོས་རྣམས་ལ་ཉེ་བར་འགྱུར་རོ། །དེ་དག་ལ་བདུད་དང་བདུད་ཀྱི་རིས་ཀྱི་ལྷའི་བུ་གླགས་ལྟ་བ་རྣམས་ཀྱིས་གླགས་མི་རྙེད་པར་འགྱུར་རོ། །རིགས་ཀྱི་བུ་གང་སུ་དག་ཆོས་སྨྲ་བའི་དགེ་སློང་དེ་ལ་སེ་
D145.057.0056a04.01གོལ་གཏོགས་པ་གཅིག་ཙམ་སྲིད་ཅིག་མི་བྱམས་པའི་སེམས་སྐྱེད་པ་དེ་དག་ནི་མིར་འགྱུར་བ་ལས་ཀྱང་རིང་དུ་གྱུར་པ་ཡིན་ན་སངས་རྒྱས་ཀྱི་བྱང་ཆུབ་ལས་ལྟ་སྨོས་ཀྱང་ཅི་དགོས། འཇམ་དཔལ་གཞན་ཡང་གང་དག་མདོ་སྡེའི་རྒྱལ་པོ་འདི་འཛིན་པའི་དགེ་སློང་རྣམས་ལ་མ་དད་པའི་སེམས་
D145.057.0056a05.01སྐྱེད་པ་དེ་དག་ནི་སོ་ཐགས་ངན་པར་འགྱུར། ལྕེ་དང་སྣ་མེད་པར་འགྱུར། རྐ་ལག་ཕྱི་ཕྱོགས་སུ་འགྱུར། ལུས་ནད་བུ་ཅན་དུ་འགྱུར། མིག་མེད་པར་འགྱུར། ཤེས་རབ་འཆལ་པའི་རང་བཞིན་ཅན་དུ་འགྱུར། བརྩོན་འགྲུས་ཆུང་བར་འགྱུར་ཏེ། འཇམ་དཔལ་འདི་དག་ནི་མི་གཏི་མུག་པ་
D145.057.0056a06.01དེ་དག་གི་སྐྱོན་དུ་གྱུར་པའོ། །འཇམ་དཔལ་མདོར་བཤད་ན་དེ་དག་འཆི་བའི་དུས་ཀྱི་ཚེ་དེ་དག་གི་སྤུའི་ཁུང་བུ་རེ་རེར་ཡང་སེམས་ཅན་དམྱལ་བའི་སྡུག་བསྔལ་དཔག་ཏུ་མེད་པར་འཇུག་གོ། །གལ་ཏེ་མིར་སྐྱེས་ན་ཡང་རྟག་ཏུ་དམུས་ལོང་དུ་འགྱུར། ལྕེ་མེད་པར་འགྱུར་རོ། །འཇམ་
D145.057.0056a07.01