完整藏文原文 · 德格版页 当前仅加载第 57 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས། ཨ་ལ་ལ་ཆོས་ཞེས་ལན་གཉིས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་པ་མཛད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཆོས་ཞེས་བགྱི་བ་འདིའི་གཞིའི་དོན་གང་ལགས།
D145.057.0055a01.01བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཐམས་ཅད་ཀྱི་གཞིའི་དོན་ནི་གཞི་མེད་པའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་དངོས་པོ་མེད་པའི་གཞིའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་ནམ་མཁའི་གཞིའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་བླང་
D145.057.0055a02.01བ་མེད་པའི་གཞིའི་དོན་ཏོ། །ཆོས་ཐམས་ཅད་ཀྱི་གཞིའི་དོན་ནི་དོར་བ་མེད་པའི་གཞིའི་དོན་ཏོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོས་གསོལ་པ། བཅོམ་ལྡན་འདས་འོ་ན་ཅིའི་སླད་དུ་ཆོས་ཐམས་ཅད་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་
D145.057.0055a03.01ཆོས་ཐམས་ཅད་ཅེས་བྱ་བ་ནི་མིག་དང་། རྣ་བ་དང་སྣ་དང་ལྕེ་དང་ལུས་དང་ཡིད་དང་དེ་བཞིན་དུ་ཁམས་རྣམས་དང་། སྐྱེ་མཆེད་རྣམས་དང་རྟེན་ཅིང་འབྲེལ་བར་འབྱུང་བ་སྟེ། རིགས་ཀྱི་བུ་འདི་ནི་ཆོས་ཐམས་ཅད་ཅེས་བྱའོ། །རིགས་ཀྱི་བུ་གཞན་ཡང་ཆོས་ཐམས་ཅད་ནི་གཟོད་མ་ནས་
D145.057.0055a04.01མ་སྐྱེས་པའི་ཕྱིར་སྟོང་པའོ། །དེ་ནས་ཡང་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཀུན་དུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དཀོན་མཆོག་ཏ་ལ་ལའི་གཟུངས་འདི་ཇི་ལྟར་གཟུང་བར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་
D145.057.0055a05.01དཔའ་ཀུན་ཏུ་བཟང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །དེ་བཞིན་ཉིད་བསྟན་པ་དང་། སྐྱེ་བ་མེད་པའི་དེ་བཞིན་ཉིད་དང་། འབྱུང་བ་མེད་པའི་དེ་བཞིན་ཉིད་དང་། མཚན་ཉིད་མེད་པའི་དེ་བཞིན་ཉིད་དང་། ནམ་མཁའི་དེ་བཞིན་ཉིད་དང་། དངོས་པོ་མེད་
D145.057.0055a06.01པའི་དེ་བཞིན་ཉིད་དང་། ངོ་བོ་ཉིད་ཀྱི་དེ་བཞིན་ཉིད་དང་། དངོས་པོ་མེད་པའི་ངོ་བོ་ཉིད་ཀྱི་དེ་བཞིན་ཉིད་དུ་གཟུངས་འདི་གཟུང་བར་བྱ་སྟེ། རིགས་ཀྱི་བུ་དཀོན་མཆོག་ཏ་ལ་ལའི་གཟུངས་འདི་གཟུང་བ་དང་། ཀུན་དུ་གཟུང་བ་དང་། བསྒོམ་པ་དང་། རྣམ་པར་དཔྱད་པ་དང་། གདགས་པ་
D145.057.0055a07.01