完整藏文原文 · 德格版页 当前仅加载第 57 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་པོས་སྨྲས་པ། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གི་རྣ་ལམ་དུ་འདི་ལྟ་བུའི་ཆོས་འདི་དག་གྲག་པར་གྱུར་བའི་སྐྱེས་བུ་དམ་པ་དེ་དག་ཀྱང་སངས་རྒྱས་ཀྱི་ཆོས་རྣམས་ལ་ལུང་བསྟན་པར་རིག་པར་བྱ་བ་ཡིན་ན། ཆོས་ཀྱི་རྣམ་གྲངས་
D145.057.0051a01.01འདི་གང་དག་གིས་ལག་ཏུ་ཐོབ་པ་ལྟ་སྨོས་ཀྱང་ཅི་དགོས། དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟིགས་སུ་གསོལ། བདག་གིས་འདི་ལྟ་བུའི་ཆོས་འདི་དག་མ་
D145.057.0051a02.01འཚལ་བས་བདག་ནི་དམུས་ལོང་དང་འདྲ་ལགས་སོ། །བཅོམ་ལྡན་འདས་བདག་གཅིག་པུ་དམུས་ལོང་ལྟ་བུར་གྱུར་པར་ཡང་མ་བས་ཀྱི། བཅོམ་ལྡན་འདས་སེམས་ཅན་གང་དག་གིས་ཆོས་ཀྱི་རྣམ་གྲངས་འདི་མ་ཐོས་པ་དེ་དག་ཐམས་ཅད་ཀྱང་དམུས་ལོང་ལྟ་
D145.057.0051a03.01བུར་གྱུར་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གནས་བརྟན་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །ཤ་ར་དྭ་ཏིའི་བུས་གསོལ་པ། བཅོམ་ལྡན་འདས་ཀྱིས་བསམ་གྱིས་མི་ཁྱབ་པ་ཉིད་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།
D145.057.0051a04.01ཤ་ར་དྭ་ཏིའི་བུ་སོང་ལ་བརྒྱ་བྱིན་དང་། ཚངས་པ་དང་འཇིག་རྟེན་སྐྱོང་བ་ཐམས་ཅད་སྐུལ་ཅིག །དེ་བཞིན་གཤེགས་པའི་བཀའ་ཡང་སྒྲོགས་ཤིག །ཆོས་ཀྱི་ཕྱག་རྒྱ་དམ་པ་དཀོན་མཆོག་ཏ་ལ་ལ་ཞེས་བྱ་བའི་གཟུངས་འདི་ཡང་འཁོར་དེར་སྒྲོགས་ཤིག །དེ་ནས་ཚེ་དང་
D145.057.0051a05.01ལྡན་པ་ཤ་ར་དྭ་ཏིའི་བུས་དེ་བཞིན་གཤེགས་པའི་བཀའ་ཐོས་ནས་དཀོན་མཆོག་ཏ་ལ་ལའི་གཟུངས་འདིའི་དོན་གྱི་ཕྱིར་ཡོངས་སུ་སྐོམ་པས་བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་དེ་དག་ལ་དོན་འདིའི་སྐབས་བརྗོད་དེ་ཆོས་ཉན་པ་ཐམས་ཅད་འདུ་བར་གྱིས་ཤིག །དེ་བཞིན་
D145.057.0051a06.01གཤེགས་པ་དཀོན་མཆོག་ཏ་ལ་ལའི་གཟུངས་འཆད་ཅིང་བསམ་གྱིས་མི་ཁྱབ་པ་ཉིད་ཀྱང་སྟོན་པར་འགྱུར་གྱིས་འདུ་བར་གྱིས་ཤིག །ཁྱེད་ཕྱིས་འགྱོད་པར་གྱུར་ཏ་རེ། ཀྱེ་གྲོགས་པོ་དག་མདོ་སྡེ་རིན་པོ་ཆེ་འདི་ལྟ་བུ་དག་འཇིག་རྟེན་དུ་འབྱུང་བ་ནི་ཤིན་ཏུ་རྙེད་པར་དཀའོ། །
D145.057.0051a07.01