完整藏文原文 · 德格版页 当前仅加载第 57 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
བཀང་སྟེ། །སྐྱེས་བུ་ཆེན་པོ་རྣམས་ལ་མཆོད་པ་བྱེད། །ཕྱོགས་བཅུ་དག་ན་མེ་ཏོག་ཕྲེང་བ་དང་། །སྤོས་བྱུག་རིན་ཆེན་རིན་ཆེ་ཇི་སྙེད་པ། །དེ་དག་བྱང་ཆུབ་ཤིང་དྲུང་བཞུགས་པ་ཡི། །རྒྱལ་རྣམས་མཆོད་ཕྱིར་ལག་པའི་མཐིལ་ནས་འབྱིན། །གོས་དང་ཕྱེ་མ་རིན་ཆེན་ཇི་སྙེད་དང་། །རྒྱལ་
D145.057.0067b01.01མཚན་བ་དན་གདུགས་མཆོག་སྣ་ཚོགས་དང་། །གསེར་གྱིས་བརྒྱན་པའི་རིན་ཆེན་བླ་རེ་རྣམས། །དེ་དག་ལག་པའི་མཐིལ་ནས་ཆར་དུ་འབེབས། །ཕྱོགས་བཅུ་དག་ན་ཡོ་བྱད་མཐའ་ཡས་གང་། །དྲང་སྲོང་ཆེན་པོ་རྣམས་ལ་མཆོད་འོས་པ། །དེ་དག་ལག་པའི་མཐིལ་ནས་ཆར་འབེབས་
D145.057.0067b02.01ཤིང་། །བྱང་ཆུབ་ཤིང་དྲུང་བཞུགས་པའི་རྒྱལ་བ་མཆོད། །ཕྱོགས་རྣམས་དག་ན་རོལ་མོ་ཇི་སྙེད་པ། །རྔ་དང་རྫ་རྔ་སྒྲ་སྙན་པི་བང་དང་། །སིལ་སྙན་སྒྲ་དང་སྒྲ་ཆེན་གླིང་བུ་རྣམས། །དེ་དག་ལག་པའི་མཐིལ་ནས་རབ་ཏུ་སྒྲོགས། །ཕྱོགས་བཅུ་ཀུན་གྱི་དཔེ་ཟླ་མེད་རྣམས་ཀྱི། །ཡང་
D145.057.0067b03.01དག་ཡོན་ཏན་བསྔགས་པ་སྣ་ཚོགས་དང་། །བསྟོད་པའི་ཚིགས་བཅད་སྒྲུབ་པ་སྣ་ཚོགས་པ། །དེ་དག་ལག་པའི་མཐིལ་ནས་རབ་ཏུ་སྒྲོགས། །འོད་ཟེར་གང་དག་ལས་དགེས་ཡོངས་བསགས་པ། །ལག་པ་གཡས་ནས་ཡོངས་སུ་འགྱེད་བྱེད་ཅིང་། །སྤོས་ཆུས་རྒྱལ་བའི་ཞིང་
D145.057.0067b04.01རྣམས་ཐམས་ཅད་དུ། །འབེབས་ཤིང་འཇིག་རྟེན་སྒྲོན་མ་རྣམས་ལ་མཆོད། །འོད་ཟེར་བཀོད་དང་ལྡན་པ་མཛེས་པའི་འོད། །པད་མའི་རྒྱན་ཕྲེང་བསམ་ཡས་རབ་འཕྱང་བ། །པད་མ་མཚན་རབ་གཟུགས་ཅན་དུ་མ་དག །ལག་ནས་རྒྱལ་བ་རྣམས་ལ་མཆོད་པར་བྱེད། །མེ་ཏོག་
D145.057.0067b05.01ཕལ་ཆེན་མེ་ཏོག་བླ་རེ་དང་། །མེ་ཏོག་བཀོད་པའི་འོད་ཟེར་རབ་བཀྱེ་སྟེ། །མེ་ཏོག་སྣ་ཚོགས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །བདུག་པ་ཕལ་ཆེན་བདུག་པའི་བླ་རེ་དང་། །བདུག་པ་བཀོད་པའི་འོད་ཟེར་རབ་བཀྱེ་སྟེ། །བདུག་པ་སྣ་ཚོགས་ཀུན་དུ་བཀྲམ་
D145.057.0067b06.01བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །ཕལ་ཆེན་སྤོས་དང་སྤོས་ཀྱི་བླ་རེ་དང་། །སྤོས་ཀྱིས་བཀོད་པའི་འོད་ཟེར་རབ་བཀྱེ་སྟེ། །སྣ་ཚོགས་སྤོས་རྣམས་ཀུན་དུ་བཀྲམ་བྱས་ཤིང་། །བདག་ཉིད་ཆེན་པོ་དེ་དག་རྒྱལ་བ་མཆོད། །ཕྲེང་བ་ཕལ་ཆེན་ཕྲེང་བའི་བླ་རེ་དང་། །ཕྲེང་
D145.057.0067b07.01