完整藏文原文 · 德格版页 当前仅加载第 61 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱང་ཐམས་ཅད་མཁྱེན་པ་ཉིད་ཀྱི་ལམ་རྒྱུན་མ་བཅད་པ་ཤ་སྟག་གོ། །ཐམས་ཅད་ཀྱང་ཐམས་ཅད་མཁྱེན་པ་ཉིད་ལས་ཡིད་ཕྱིར་མ་ལོག་པ་ཤ་སྟག་གོ། །ཐམས་ཅད་ཀྱང་ཤེས་རབ་དང་ཡེ་ཤེས་མངོན་པར་གྲུབ་པའི་ཡིད་དང་ལྡན་པ་ཤ་སྟག་གོ། །
D185.061.0107a01.01ཐམས་ཅད་ཀྱང་ཐམས་ཅད་མཁྱེན་པའི་ཡེ་ཤེས་དང་ལྷག་མཐོང་དམ་པའི་ཕ་རོལ་ཏུ་ཕྱིན་པ་ཤ་སྟག་གོ། །ཐམས་ཅད་ཀྱང་ཐབས་ཀྱི་ཡུལ་དང་། སྤྱོད་ཡུལ་ལ་ངེས་པར་བྱུང་བ་ཤ་སྟག་གོ། །དགེ་སློང་མ་སྐྱེ་དགུའི་བདག་མོ་ཆེན་མོ་དང་། དགེ་སློང་མ་གྲགས་
D185.061.0107a02.01འཛིན་ལ་སོགས་པ་དགེ་སློང་མ་འབུམ་ཕྲག་དྲུག་ཅུ་རྩ་གཉིས་དང་ཡང་ཐབས་ཅིག་སྟེ། ཐམས་ཅད་ཀྱང་དཀར་པོའི་ཆོས་ཤིན་ཏུ་ཡོངས་སུ་བསྡུས་པ་ཤ་སྟག་གོ། །ཐམས་ཅད་ཀྱང་ཐམས་ཅད་མཁྱེན་པའི་ཡེ་ཤེས་ལ་ཉེ་བར་གྱུར་པ་ཤ་སྟག་གོ། །ཐམས་ཅད་ཀྱང་
D185.061.0107a03.01ཐམས་ཅད་མཁྱེན་པ་ཉིད་ཀྱི་སྣང་བའི་ཚུལ་ལ་ཞུགས་པ་ཤ་སྟག་གོ། །ཐམས་ཅད་ཀྱང་ཆོས་ཐམས་ཅད་དངོས་པོ་མེད་པར་རབ་ཏུ་རྟོགས་པ་ཤ་སྟག་གོ། །ཆོས་ཐམས་ཅད་ལ་མཚན་ཉིད་མེད་པར་ཞུགས་པ། ཆོས་ཐམས་ཅད་ཡང་དག་པའི་མཐར་རིག་པ། ཆོས་ཐམས་
D185.061.0107a04.01ཅད་མ་སྐྱེས་པ་དང་། མ་འགགས་པ་དང་། གཉེན་པོ་མེད་པར་མོས་པ། བསམ་གྱིས་མི་ཁྱབ་པའི་རྣམ་པར་ཐར་པ་དང་། ཏིང་ངེ་འཛིན་ལ་རབ་ཏུ་གནས་པ་ཤ་སྟག་གོ། །ཐམས་ཅད་ཀྱང་འདུལ་བའི་སེམས་ཅན་ཇི་ལྟ་བ་དེ་བཞིན་དུ་རྣམ་པར་མི་རྟོག་ཅིང་ལྷུན་གྱིས་
D185.061.0107a05.01གྲུབ་པར་གཟུགས་དང་། ལུས་དང་། ཁ་དོག་དང་། སྤྱོད་ལམ་ཤིན་ཏུ་སྟོན་པ་ཤ་སྟག་གོ། །བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་བརྗོད་དུ་མེད་པ་བྱེ་བ་ཁྲག་ཁྲིག་འབུམ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བྱང་ཆུབ་སེམས་དཔའི་དགེ་
D185.061.0107a06.01འདུན་ཆེན་པོ་དང་ཡང་ཐབས་ཅིག་པ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་། ཀུན་ནས་འདྲེན་དང་། ཀུན་ཏུ་སྤྲུལ་དང་། ཀུན་ཏུ་ཤེས་རབ་དང་། ཀུན་ཏུ་མིག་དང་། ཀུན་ཏུ་འོད་དང་། ཀུན་ཏུ་སྣང་བ་དང་། ཀུན་ཏུ་འོད་
D185.061.0107a07.01