完整藏文原文 · 德格版页 当前仅加载第 61 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པ་ཉིད་དུ་སྒྲུབ་པ་ལ་མཁས་པའི་གཏེར་དང་། སངས་རྒྱས་ཐམས་ཅད་མཐོང་བ་དང་མི་འབྲལ་བའི་གཏེར་དང་། སྒྱུ་མར་གྱུར་པའི་བསྐལ་པ་བསམ་གྱིས་མི་ཁྱབ་པ་ཡོངས་སུ་འགྲུབ་པར་འཇུག་པ་ལ་མཁས་པའི་གཏེར་དང་། སངས་རྒྱས་དང་། བྱང་ཆུབ་
D185.061.0129b01.01སེམས་དཔའ་ཐམས་ཅད་ལ་དགའ་བ་དང་། མཆོག་ཏུ་དགའ་བ་དང་། དང་བ་ཆེན་པོ་འཐོབ་པའི་གཏེར་རོ། །འཇམ་དཔལ་དགེ་བའི་བཤེས་གཉེན་གྱིས་ཡོངས་སུ་ཟིན་པའི་བྱང་ཆུབ་སེམས་དཔའ་ནི་དབང་བཅུ་འཐོབ་པར་འགྱུར་ཏེ། བཅུ་གང་ཞེ་ན།
D185.061.0129b02.01འདི་ལྟ་སྟེ། ཚེའི་ཚད་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་དག་ཏུ་བྱིན་གྱིས་རློབ་པའི་ཕྱིར་ཚེ་ལ་དབང་བ་དང་། ཏིང་ངེ་འཛིན་དཔག་ཏུ་མེད་གྲངས་མེད་པ་དག་ལ་ངེས་པར་སེམས་པའི་ཡེ་ཤེས་ལ་འཇུག་པའི་ཕྱིར་སེམས་ལ་དབང་བ་དང་། འཇིག་རྟེན་གྱི་
D185.061.0129b03.01ཁམས་ཐམས་ཅད་བཀོད་པ་དང་། རྒྱན་དུ་མས་བརྒྱན་པའི་བྱིན་གྱི་རླབས་ཀུན་ཏུ་སྟོན་པའི་ཕྱིར་ཡོ་བྱད་ལ་དབང་བ་དང་། འཇིག་རྟེན་གྱི་ཁམས་ཐམས་ཅད་དུ་སྐྱེ་བ་ཀུན་ཏུ་སྟོན་པའི་ཕྱིར་སྐྱེ་བ་ལ་དབང་བ་དང་། དུས་ཇི་ལྟ་བ་བཞིན་དུ་ལས་ཀྱི་རྣམ་པར་སྨིན་པ་བྱིན་གྱིས་རློབ་པ་
D185.061.0129b04.01ཀུན་ཏུ་སྟོན་པའི་ཕྱིར་ལས་ལ་དབང་བ་དང་། འཇིག་རྟེན་གྱི་ཁམས་ཐམས་ཅད་སངས་རྒྱས་ཀྱིས་གང་བར་བྱིན་གྱིས་རློབ་པ་ཀུན་ཏུ་སྟོན་པའི་ཕྱིར་མོས་པ་ལ་དབང་བ་དང་། དུས་གང་དང་། གང་གི་ཚེ་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པའི་དུས་དེ་དང་དེར་བྱང་
D185.061.0129b05.01ཆུབ་མངོན་པར་རྫོགས་པར་འཚང་རྒྱ་བ་དང་། སངས་རྒྱས་ཀྱི་ཞིང་གང་དང་། གང་དུ་འདོད་པའི་སངས་རྒྱས་ཀྱི་ཞིང་དེ་དང་དེར། བྱང་ཆུབ་མངོན་པར་རྫོགས་པར་འཚང་རྒྱ་བའི་ཕྱིར་སྨོན་ལམ་ལ་དབང་བ་དང་། སངས་རྒྱས་ཀྱི་ཞིང་ཐམས་ཅད་དུ་རྫུ་འཕྲུལ་དང་།
D185.061.0129b06.01རྣམ་པར་འཕྲུལ་པ་ཀུན་ཏུ་སྟོན་པའི་ཕྱིར་རྫུ་འཕྲུལ་ལ་དབང་བ་དང་། མཐའ་དང་དབུང་མེད་པའི་ཆོས་ཀྱི་སྒོ་སྣང་བ་ཀུན་ཏུ་སྟོན་པའི་ཕྱིར་ཆོས་ལ་དབང་བ་དང་། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་དང་། མཚན་དང་དཔེ་བྱད་བཟང་
D185.061.0129b07.01