完整藏文原文 · 德格版页 当前仅加载第 61 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཟིལ་གྱིས་མནན་ཏེ། ལམ་མེ། ལྷན་ནེ། ལྷང་ངེའོ། །འདི་ལྟ་སྟེ། དཔེར་ན་ཉི་མས་འོད་ཟེར་བྱེ་བ་ཁྲག་ཁྲིག་འབུམ་ཕྲག་གྲངས་མེད་པ་ཕྱུང་སྟེ་སྲིན་བུ་མེ་ཁྱེར་ཐམས་ཅད་ཟིལ་གྱིས་མནན་ནས་ལམ་མེ། ལྷན་ནེ། ལྷང་ངེའོ། །དེ་བཞིན་དུ་བཅོམ་
D185.061.0114a01.01ལྡན་འདས་ཀྱང་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་ཟིལ་གྱིས་མནན་ཏེ་ལམ་མེ། ལྷན་ནེ། ལྷང་ངེའོ། །འདི་ལྟ་སྟེ། དཔེར་ན་ཟླ་བ་ཡར་གྱི་ངོ་ཚེས་{བཅྭ་,བཅོ་}ལྔ་ལ་ཟླ་བའི་དཀྱིལ་འཁོར་སྤྲིན་གྱི་དྲ་བ་ལས་གྲོལ་བ་ནི་སྐར་མའི་ཚོགས་ཐམས་
D185.061.0114a02.01ཅད་ཟིལ་གྱིས་མནན་ནས་ལམ་མེ། ལྷན་ནེ། ལྷང་ངེའོ། །དེ་བཞིན་དུ་བཅོམ་ལྡན་འདས་ཀྱང་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་སྤ་བཀོང་སྟེ་ཟིལ་གྱིས་མནན་ནས་ལམ་མེ། ལྷན་ནེ། ལྷང་ངེ་སྟེ། རིའི་རྒྱལ་པོ་རི་རབ་ལྟར་དཔལ་
D185.061.0114a03.01གྱིས་རབ་ཏུ་འབར་ཏེ། སྐུ་མི་གཡོ། མི་འགྱུར། མི་འགུལ་བར་ལམ་མེ། ལྷན་ནེ། ལྷང་ངེའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་
D185.061.0114a04.01སྲས་དེ་བཞིན་དུ་དེ་བཞིན་གཤེགས་པ་འདི་ནི་སྐུ་མི་གཡོ། མི་འགྱུར། མི་འགུལ་བར་བཞུགས་སོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་
D185.061.0114a05.01སོ། །འཇམ་དཔལ་དེ་བཞིན་གཤེགས་པ་འདི་ལ་འཁོར་འདི་ཉིད་ཀྱི་ནང་ནས་ཁ་ཅིག་གིས་ནི་རབ་ཏུ་འབྱུང་བར་མངོན་དུ་ཕྱོགས་ཤིང་ཁྱིམ་ནས་མངོན་པར་འབྱུང་བར་ཤེས་སོ། །ཁ་ཅིག་གིས་ནི་རབ་ཏུ་བྱུང་ཞིང་དཀའ་བ་སྤྱོད་པ་ལ་གནས་པར་ཤེས་སོ། །འཁོར་འདི་ཉིད་ཀྱི་ནང་
D185.061.0114a06.01ནས་ཁ་ཅིག་གིས་ནི་བྱང་ཆུབ་ཀྱི་སྙིང་པོར་གཤེགས་པར་ཤེས་སོ། །ཁ་ཅིག་གིས་ནི་བྱང་ཆུབ་ཀྱི་སྙིང་པོ་ལ་བཞུགས་པར་ཤེས་སོ། །འཁོར་འདི་ཉིད་ཀྱི་ནང་ནས་ཁ་ཅིག་གིས་ནི་བདུད་འཁོར་གྲངས་མེད་དཔག་ཏུ་མེད་པས་བསྐོར་བ་བཅོམ་པར་ཤེས་སོ། །ཁ་ཅིག་གིས་ནི་ལྷ་དང་།
D185.061.0114a07.01