完整藏文原文 · 德格版页 当前仅加载第 61 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་རྙེད་ལ། དེ་སེམས་དང་བས་ལངས་ཏེ། དེ་ལ་ཐལ་མོ་སྦྱར་ནས་ཕྱག་འཚལ་ཏེ། ཅི་ནུས་ཅི་ལྕོགས་སུ་དེ་ལ་ཡོངས་སུ་བཟུང་བ་བྱས་ན། འདི་ཉིད་དེ་བས་ཆེས་སངས་རྒྱས་ཀྱི་ཡེ་ཤེས་ཐོབ་པར་འགྱུར་བའི་བསོད་ནམས་གྲངས་མེད་པ་སྐྱེད་དོ། །
D185.061.0143a01.01འཇམ་དཔལ་དེ་ལྟ་བས་ན་སངས་རྒྱས་ཀྱི་ཡེ་ཤེས་འདོད་པའི་བྱང་ཆུབ་སེམས་དཔས་ཆོས་ཀྱི་རྣམ་གྲངས་འདི་མཉན་པའི་ཕྱིར་འཇིག་རྟེན་གྱི་ཁམས་མེས་ཡོངས་སུ་གང་བ་གང་གཱའི་ཀླུང་གི་བྱེ་མ་སྙེད་དག་ཀྱང་རྒལ་ཏེ་འགྲོ་བར་བྱའོ། །འཇམ་དཔལ་བྱང་ཆུབ་སེམས་དཔའ་གང་
D185.061.0143a02.01ལ་ལ་ཞིག་གིས་བསྐལ་པ་བྱེ་བ་སྟོང་ཕྲག་བརྒྱད་དུ་ཕ་རོལ་ཏུ་ཕྱིན་པ་ལྔ་ལ་སྤྱད་པ་བས། འཇམ་དཔལ་བྱང་ཆུབ་སེམས་དཔའ་གཞན་གང་ཞིག་དེ་བཞིན་གཤེགས་པ་ནི་རྟག་པའོ་སྙམ་དུ་མོས་པར་བྱེད་ན་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་
D185.061.0143a03.01དཔལ་བྱང་ཆུབ་སེམས་དཔའ་གང་ལ་ལ་ཞིག་གིས་སངས་རྒྱས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ལ་ལྷའི་ཟས་རོ་བརྒྱ་དང་ལྡན་པ་དང་། ལྷའི་ན་བཟའ་དག་ཉིན་གཅིག་བཞིན་དུ་འབུལ་ཞིང་། དེ་ལྟར་འབུལ་བ་བསྐལ་པ་གང་
D185.061.0143a04.01གཱའི་ཀླུང་གི་བྱེ་མ་སྙེད་དག་ཏུ་འབུལ་བ་བས། འཇམ་དཔལ་བྱང་ཆུབ་སེམས་དཔའ་གཞན་གང་ཞིག་དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པའི་ཆོས་ཀྱི་རྣམ་གྲངས་འདི་ལ་མོས་པའི་བྱང་ཆུབ་སེམས་དཔའ་ལ་ངོ་
D185.061.0143a05.01མཚར་དུ་འཛིན་པར་གྱུར་ནས། ཁྱོད་ཆོས་ཀྱི་རྣམ་གྲངས་འདི་ལ་མོས་པ་ལེགས་སོ་ལེགས་སོ། །ཁྱོད་ནི་ལྷ་དང་བཅས་པའི་འཇིག་རྟེན་གྱིས་ཕྱག་བྱ་བའི་འོས་ཡིན་ནོ་ཞེས་བསམ་པ་ཐག་པ་ནས་ལེགས་སོ་ཞེས་བྱ་བ་བྱིན་ལ། ཁྱོད་དེ་བཞིན་གཤེགས་པ་ཐམས་ཅད་ཀྱི་
D185.061.0143a06.01གསང་བའི་གནས་རྣམས་སུ་ཞུགས་ལ་ཆོས་ཀྱི་འཁོར་ལོ་སྐོར་ཅིག་ཅེས་བྱས་ན། འཇམ་དཔལ་བྱང་ཆུབ་སེམས་དཔའ་ནི་དེ་བས་ཆེས་བསོད་ནམས་གྲངས་མེད་པར་འཕེལ་ཏེ། བསོད་ནམས་མངོན་པར་འདུ་བྱ་བ་འདི་ལ་སྦྱིན་པ་ལས་བྱུང་བའི་བསོད་ནམས་སྔ་མ་དེས་
D185.061.0143a07.01