完整藏文原文 · 德格版页 当前仅加载第 61 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ་པའི་ཡུལ་དང་ལུས་གཅིག་གིས་ཆོས་ཀྱི་དབྱིངས་རྒྱས་པར་འགེངས་པའི་ཡུལ་དང་། སེམས་ཅན་གཅིག་གིས་སེམས་བསྐྱེད་པ་རྣམས་ལ་སེམས་ཀྱི་སྐད་ཅིག་སེམས་ཀྱི་སྐད་ཅིག་རེ་རེ་ལ་ཡང་སྒོ་མཐའ་ཡས་པས་བསྒྲུབ་པའི་བྱང་ཆུབ་རྣམ་པར་མི་རྟོག་པའི་ཡུལ་
D185.061.0133a01.01དང་། འཇམ་དཔལ་དེ་ལ་སོགས་པ་ཡུལ་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད། གྲངས་མེད། བསམ་གྱིས་མི་ཁྱབ་པ་དེ་དག་བྱང་ཆུབ་སེམས་དཔའ་ལ་ཡང་དག་པར་འགྲུབ་བོ། །འཇམ་དཔལ་དགེ་བའི་བཤེས་གཉེན་གྱིས་ཡོངས་སུ་ཟིན་པའི་བྱང་ཆུབ་སེམས་
D185.061.0133a02.01དཔའ་ནི་འཇིག་རྟེན་གྱི་ཁམས་ཐམས་ཅད་འཇིག་རྟེན་གྱི་ཁམས་གཅིག་ཏུ་མོས་ཤིང་འཇུག་གོ། །འཇིག་རྟེན་གྱི་ཁམས་གཅིག་འཇིག་རྟེན་གྱི་ཁམས་ཐམས་ཅད་དུ་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་པད་མའི་གདན་གཅིག་དང་། དེ་བཞིན་གཤེགས་
D185.061.0133a03.01པའི་སྐུ་གཅིག་གིས་ཡོངས་སུ་ཁྱབ་པར་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་ནམ་མཁའི་ངོ་བོ་ཉིད་དུ་ཀུན་ཏུ་སྟོན་པར་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་སངས་རྒྱས་ཀྱི་རྒྱན་དུ་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་
D185.061.0133a04.01བྱང་ཆུབ་སེམས་དཔའི་ལུས་ཀྱིས་ཡོངས་སུ་ཁྱབ་པར་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་སྐྲ་ཙམ་གྱི་ཁྱོན་གཅིག་ལ་འཇོག་པར་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་ལུས་གཅིག་ཏུ་འཇུག་པ་དང་ལྡན་པར་མོས་ཤིང་འཇུག་གོ། །
D185.061.0133a05.01འཇིག་རྟེན་གྱི་ཁམས་ཐམས་ཅད་དེ་བཞིན་གཤེགས་པ་གཅིག་གི་བྱང་ཆུབ་ཀྱི་ཤིང་དང་བྱང་ཆུབ་ཀྱི་སྙིང་པོས་ཡོངས་སུ་ཁྱབ་པར་མོས་ཤིང་འཇུག་གོ། །འཇིག་རྟེན་གྱི་ཁམས་ཐམས་ཅད་སྒྲ་སྐད་གཅིག་གིས་གོ་བར་བྱེད་ཅིང་སེམས་ཅན་གྱི་ཁམས་སྣ་ཚོགས་ཀྱི་སྒྲ་ལ་འཇུག་པས་
D185.061.0133a06.01ཚིམ་པར་བྱེད་པར་མོས་ཤིང་འཇུག་གོ། །སེམས་ཅན་ཐམས་ཅད་ཀྱི་ངོ་བོ་ཉིད་དང་ལུས་སུ་མོས་ཤིང་འཇུག་གོ། །སེམས་ཅན་གྱི་ཁམས་ཐམས་ཅད་སེམས་ཅན་གཅིག་གི་ལུས་ལ་འཇུག་པ་དང་ལྡན་པར་མོས་ཤིང་འཇུག་གོ། །སེམས་ཅན་གྱི་ཁམས་ཐམས་ཅད་བྱང་ཆུབ་
D185.061.0133a07.01