完整藏文原文 · 德格版页 当前仅加载第 61 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་དག་ནི་རིགས་ཆེན་པོར་སྐྱེ་བ་ཐོབ་པར་བྱེད་ན། ཐལ་མོ་སྦྱར་བ་ལྟ་ཅི་སྨོས། བདུག་པ་ཕུལ་བ་ལྟ་ཅི་སྨོས། དེ་བཞིན་དུ་མར་མེ་ཕུལ་བ་ལྟ་ཅི་སྨོས། སྤོས་ཕུལ་བ་ལྟ་ཅི་སྨོས། མེ་ཏོག་ཕུལ་བ་ལྟ་ཅི་སྨོས། མཆོད་པ་
D185.061.0128a01.01རྣམ་པ་མང་པོ་གཞན་ཕུལ་བ་ལྟ་ཅི་སྨོས། ཚིགས་སུ་བཅད་པ་གཅིག་ཙམ་ཡང་ཉན་པ་དང་། ཀློག་པ་དང་། འཛིན་པ་ལྟ་ཅི་སྨོས། དམ་པའི་ཆོས་རྣམ་པ་མང་པོ་ཡོངས་སུ་འཛིན་པ་ལྟ་ཅི་སྨོས་ཏེ། དེ་བས་ཆེས་གྲངས་མེད་པའི་སངས་རྒྱས་ཀྱི་
D185.061.0128a02.01མཛད་པས་ཉེ་བར་གནས་པར་འགྱུར་རོ། །འཇམ་དཔལ་བྱང་ཆུབ་སེམས་དཔའ་བསྐལ་པའམ། བསྐལ་པ་བརྒྱའམ། བསྐལ་པ་དཔག་ཏུ་མེད་གྲངས་མེད་པར་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དང་། གཤིན་
D185.061.0128a03.01རྗེའི་འཇིག་རྟེན་དུ་སྐྱེ་བ་ཐོབ་པ་ནི་བླའི། བྱང་ཆུབ་སེམས་དཔའ་སངས་རྒྱས་མཉེས་པར་མ་བྱས། ཆོས་དང་དགེ་འདུན་མཉེས་པར་མ་བྱས་པ་ནི་དེ་ལྟ་མ་ཡིན་ནོ། །འཇམ་དཔལ་དེ་ལ་སངས་རྒྱས་མི་མཉེས་པར་བྱེད་པ་དང་། ཆོས་དང་། དགེ་འདུན་མི་མཉེས་པར་
D185.061.0128a04.01བྱེད་པ་ནི་ཐ་ན་བདག་གི་ཆུང་མ་ལ་མི་ཚངས་པར་སྤྱོད་པ་ལས་བྱུང་བའི་ཚུལ་བཞིན་མ་ཡིན་པ་ཡིད་ལ་བྱེད་པ་དང་། བྱང་ཆུབ་སེམས་དཔའ་ལ་རྣམ་པར་ཞེ་སྡང་བ་དང་། བྱང་ཆུབ་སེམས་དཔའ་ལ་བརྙས་པ་དང་། བྱང་ཆུབ་སེམས་དཔའ་ལ་ཁྱད་དུ་གསོད་པ་དང་།
D185.061.0128a05.01ཆོས་སྤོང་བ་དང་། ཆོས་འདོན་པ་དང་། བྱང་ཆུབ་སེམས་དཔའ་ལ་གུས་པར་མི་བྱེད་པ་དང་། དགེ་བའི་བཤེས་གཉེན་ལ་བསྙེན་བཀུར་མི་བྱེད་པ་དང་། སེམས་ཅན་ཡོངས་སུ་སྨིན་པར་བྱེད་པ་འདོར་བ་དང་། བླ་མ་དང་། སྦྱིན་པའི་གནས་དང་། སློབ་
D185.061.0128a06.01དཔོན་དང་། ཕ་མ་དང་། དགེ་སྦྱོང་དང་། བྲམ་ཟེ་ཡང་དག་པར་སོང་བ་དང་། ཡང་དག་པར་ཞུགས་པ་ལ་གུས་པར་མི་བྱེད་པ་དང་། ཆོས་སྨྲ་བ། ཆོས་ཁྱད་པར་ཅན་རྟོགས་པ། ཆོས་རྒྱ་ཆེན་པོ་སྟོན་པ། ཐེག་པ་ཆེན་པོ་ལ་ཡང་དག་པར་གནས་པ།
D185.061.0128a07.01