完整藏文原文 · 德格版页 当前仅加载第 61 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པའི་ཆོས་ཀྱི་རྣམ་གྲངས་འདི་ལ་ཐ་ན་མོས་པར་བྱེད་ན་འདི་ཉིད་དེ་བས་བསོད་ནམས་ཆེས་གྲངས་མེད་པར་སྐྱེད་དོ། །འཇམ་དཔལ་ཆོས་ཀྱི་རྣམ་གྲངས་འདི་ལ་མོས་པའི་བྱང་ཆུབ་སེམས་དཔའ་ནི་ཕ་རོལ་ཏུ་ཕྱིན་པ་བྱེ་བ་ཁྲག་ཁྲིག་འབུམ་
D185.061.0139b01.01ཕྲག་དཔག་ཏུ་མེད་གྲངས་མེད་པ་དག་ཡོངས་སུ་རྫོགས་པར་བྱེད་དོ། །ས་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད་གྲངས་མེད་པ་དག་གནོན་ཏོ། །བསྐལ་པ་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད་གྲངས་མེད་པ་དག་ཕྱིར་སྙིལ་བར་བྱེད་དོ། །སངས་རྒྱས་ཀྱི་རྣམ་པར་རོལ་པ་བྱེ་བ་ཁྲག་
D185.061.0139b02.01ཁྲིག་འབུམ་ཕྲག་དཔག་ཏུ་མེད་གྲངས་མེད་པ་དག་རབ་ཏུ་ཤེས་སོ། །ང་རྒྱལ་གྱི་རི་དཔག་ཏུ་མེད་གྲངས་མེད་པ་དག་རྣམ་པར་འཇིག་པར་བྱེད་དོ། །ཕྲག་དོག་དང་སེར་སྣའི་རྒྱལ་མཚན་དཔག་ཏུ་མེད་གྲངས་མེད་པ་དག་སྙོལ་བར་བྱེད་དོ། །སྲིད་པའི་ཆུ་ཀླུང་དཔག་ཏུ་མེད་གྲངས་མེད་པ་དག་
D185.061.0139b03.01སྐེམས་པར་བྱེད་དོ། །སྐྱེ་བའི་རྒྱ་མཚོ་དཔག་ཏུ་མེད་གྲངས་མེད་པ་དག་ལས་རྒལ་བར་བྱེད་དོ། །བདུད་ཀྱི་ཞགས་པ་དཔག་ཏུ་མེད་གྲངས་མེད་པ་དག་གཅོད་དོ། །ཉི་ཟླ་རྣམས་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་ཀྱི་གཟི་བརྗིད་ཟིལ་གྱིས་མནན་ཏེ་
D185.061.0139b04.01འདུག་གོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོའོ། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། {ཡི་དགས་,ཡི་དྭགས་}དང་། གཤིན་རྗེའི་འཇིག་རྟེན་དུ་སྐྱེས་པའི་སེམས་ཅན་རྣམས་ཀྱི་སྐྱབས་སུ་འགྱུར་རོ། །སངས་རྒྱས་རྣམས་དང་བྱང་ཆུབ་སེམས་དཔའ་
D185.061.0139b05.01རྣམས་དང་ཡང་ཕྲད་པར་འགྱུར་རོ། །རྒྱ་མཚོའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ཀྱང་འཐོབ་བོ། །ཆོས་ཐམས་ཅད་ཡང་དག་པར་འདུ་བ་ཞེས་བྱ་བའི་ཏིང་ངེ་འཛིན་ཀྱང་འཐོབ་བོ། །ཆོས་ཐམས་ཅད་ལ་དབང་བྱེད་པ་ཞེས་བྱ་བའི་ཏིང་ངེ་འཛིན་ཀྱང་འཐོབ་བོ། །རྣམ་པར་བཀོད་པ་ཞེས་
D185.061.0139b06.01བྱ་བའི་ཏིང་ངེ་འཛིན་ཀྱང་འཐོབ་བོ། །རིན་པོ་ཆེ་འབྱུང་བ་ཞེས་བྱ་བའི་ཏིང་ངེ་འཛིན་ཀྱང་འཐོབ་བོ། །དགའ་བར་བྱེད་པ་ཞེས་བྱ་བའི་ཏིང་ངེ་འཛིན་ཀྱང་འཐོབ་བོ། །པད་མ་བཀོད་པ་ཞེས་བྱ་བའི་ཏིང་ངེ་འཛིན་ཀྱང་འཐོབ་བོ། །ནམ་མཁའ་མཛོད་ཅེས་བྱ་བའི་ཏིང་ངེ་འཛིན་ཀྱང་འཐོབ་བོ། །
D185.061.0139b07.01