完整藏文原文 · 德格版页 当前仅加载第 61 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ལས་བྱས་པའི་སྒོ་གང་དང་། རྟ་བབས་དང་། སྐར་ཁུང་གིས་བརྒྱན་པ། དར་གྱི་ལྡ་ལྡི་མང་པོས་བྲེས་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་དག་བྱས་ཏེ། རང་སངས་རྒྱས་ཀྱི་གནས་སྟོང་ཕྲག་གྲངས་མེད་པ་དག་དང་།
D185.061.0142a01.01རང་སངས་རྒྱས་དེ་དག་ལ་ཉིན་གཅིག་བཞིན་ལྷའི་ཟས་རོ་བརྒྱ་དང་ལྡན་པ་དང་། ལྷའི་གོས་དག་ཀྱང་བྱིན་ཞིང་དེ་ལྟར་བྱིན་པ་བསྐལ་པ་གང་གཱའི་ཀླུང་གི་བྱེ་མ་སྙེད་དག་ཏུ་བྱིན་པ་བས་འཇམ་དཔལ་རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་སངས་རྒྱས་
D185.061.0142a02.01ཞེའམ། འཇིག་རྟེན་གྱི་མགོན་པོ་ཞེའམ། དེ་བཞིན་གཤེགས་པ་ཞེའམ། ཐམས་ཅད་མཁྱེན་པ་ཞེས་བྱ་བའི་སྒྲ་ཐོས་ན་འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་ན་གང་གིས་དེ་བཞིན་གཤེགས་པའི་སྐུ་རི་མོར་བྲིས་པའམ། གཟུགས་སུ་བྱས་པ་
D185.061.0142a03.01མཐོང་བ་ལྟ་ཅི་སྨོས་ཏེ། འདི་ཉིད་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །གང་གིས་མར་མེ་ཕུལ་བའམ། བདུག་པའམ། སྤོས་སམ། མེ་ཏོག་དག་གམ། རོལ་མོའི་སྒྲའམ། མཆོད་པ་སྣ་ཚོགས་གཞན་དག་བྱེད་པ་ལྟ་ཅི་སྨོས་ཏེ། འདི་ཉིད་
D185.061.0142a04.01དེ་བས་ཆེས་བསོད་ནམས་གྲངས་མེད་པར་སྐྱེད་དོ། །གང་གིས་དེ་བཞིན་གཤེགས་པའི་ཕྱིར་ཉི་མ་གཅིག་བསླབ་པ་གཅིག་བསྲུང་བ་ལྟ་ཅི་སྨོས་ཏེ། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །འཇམ་དཔལ་རིགས་ཀྱི་བུའམ། རིགས་ཀྱི་བུ་མོ་
D185.061.0142a05.01གང་ལ་ལ་ཞིག་གིས་དེ་བཞིན་གཤེགས་པ་བྱང་ཆུབ་སེམས་དཔའ་དང་བཅས་པ། ཉན་ཐོས་དང་བཅས་པ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་སྙེད་རྣམས་ལས་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་དང་། ལྷའི་ན་བཟའ་དག་ཀྱང་
D185.061.0142a06.01འབུལ་ལ། དེ་ལྟར་འབུལ་བ་བསྐལ་པ་གང་གཱའི་ཀླུང་གི་བྱེ་མ་སྙེད་དག་ཏུ་འབུལ་ཞིང་སངས་རྒྱས་བཅོམ་ལྡན་འདས་དེ་དག་ཡོངས་སུ་མྱ་ངན་ལས་འདས་ནས་ཀྱང་དེ་བཞིན་གཤེགས་པ་རེ་རེའི་ཕྱིར་མཆོད་རྟེན་ཚད་གླིང་བཞི་པ་ཙམ་རྣམ་པ་ཐམས་ཅད་ཀྱི་མཆོག་དང་ལྡན་པ་ཡོན་
D185.061.0142a07.01