完整藏文原文 · 德格版页 当前仅加载第 61 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ཆར་པ་ཆེན་པོ་རབ་ཏུ་ཕབ་སྟེ། རོ་གཅིག་པའི་ཆུའི་རྒྱུན་དེས་རྩྭ་དང་། ཤིང་གེལ་བ་དང་། སྨན་དང་། ནགས་ཚལ་རྣམ་པ་ཐ་དད་པ་རྣམས་སྐྱེ་བར་བྱེད་ཅིང་གནས་རྣམ་པ་ཐ་དད་པ་རྣམས་སུ་ཆུ་དེ་རོ་ཐ་དད་པ་དང་། ཁ་དོག་ཐ་དད་པར་ཡང་གནས་ལ། འཇམ་དཔལ་སྤྲིན་ནི་མི་
D185.061.0120b01.01རྟོག །རྣམ་པར་མི་རྟོག་སྟེ། འོན་ཀྱང་ལྷུན་གྱིས་གྲུབ་ཅིང་རྣམ་པར་མི་རྟོག་པར་བྱ་བ་ཐ་དད་པ་རྣམས་འབྱུང་ངོ་། །འཇམ་དཔལ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་
D185.061.0120b02.01སངས་རྒྱས་ཀྱི་སྐུའི་སྤྲིན་གྱིས་ཁྱབ་པར་མཛད་དེ། སེམས་ཅན་དགེ་བའི་རྩ་བ་སྣ་ཚོགས་བསགས་པ། སྨོན་ལམ་དང་། ལྷག་པའི་བསམ་པ་དང་། མོས་པ་ཐ་དད་ཅིང་མོས་པ་ཐ་དད་པ་ལ་གནས་པ་ཐམས་ཅད་ལ་ཆོས་ཀྱི་ཆར་ཆེན་པོ་མངོན་པར་ཕབ་སྟེ། འཇམ་དཔལ་ཆོས་ཀྱི་ཆར་
D185.061.0120b03.01དེ་ཡང་རོ་གཅིག་པ་ཡིན་མོད་ཀྱི། འཇམ་དཔལ་སེམས་ཅན་དགེ་བའི་རྩ་བ་སྣ་ཚོགས་བསགས་པ། སྨོན་ལམ་དང་། ལྷག་པའི་བསམ་པ་དང་། མོས་པ་ཐ་དད་ཅིང་མོས་པ་ཐ་དད་པ་ལ་གནས་པ། དགེ་བའི་རྩ་བ་དང་། སྨོན་ལམ་དང་། ལྷག་པའི་བསམ་པ་དང་། མོས་པ་
D185.061.0120b04.01ཐ་དད་པ་ལ་ཞུགས་པ་རྣམས་ལ་རྣམ་པ་ཐ་དད་པ་ཉིད་ཀྱི་ཆོས་ཐ་དད་པ་ཁོ་ནའི་ཆར་པས་ནུས་པ་ཇི་ལྟ་བ་དང་། མཐུ་ཇི་ལྟ་བ་བཞིན་དུ་དགེ་བའི་རྩ་བ་བསྐྱེད་ཀྱང་འཇམ་དཔལ་དེ་བཞིན་གཤེགས་པ་ནི་མི་རྟོག །རྣམ་པར་མི་རྟོག་སྟེ། འདི་ལྟ་སྟེ། སེམས་ཅན་འདི་དག་ལ་ནི་ཉན་ཐོས་ཀྱི་ཡེ་
D185.061.0120b05.01ཤེས་སུ་འགྱུར་བའི་དགེ་བའི་རྩ་བ་དག་རྣམ་པར་བསྐྱེད་པར་བྱའོ། །སེམས་ཅན་འདི་དག་ལ་ནི་རང་སངས་རྒྱས་ཀྱི་ཡེ་ཤེས་སུ་འགྱུར་བའི་དགེ་བའི་རྩ་བ་དག་རྣམ་པར་བསྐྱེད་པར་བྱའོ། །སེམས་ཅན་འདི་དག་ལ་ནི་སངས་རྒྱས་ཀྱི་ཡེ་ཤེས་སུ་འགྱུར་བའི་དགེ་བའི་རྩ་བ་དག་རྣམ་པར་བསྐྱེད་པར་བྱའོ། །
D185.061.0120b06.01སེམས་ཅན་འདི་དག་ལ་ནི་རྒྱལ་ཆེན་བཞི་པའི་ལྷའི་གནས་སུ་སྐྱེ་བའི་དགེ་བའི་རྩ་བ་དག་རྣམ་པར་བསྐྱེད་པར་བྱའོ། །སེམས་ཅན་འདི་དག་ལ་ནི་སུམ་ཅུ་རྩ་གསུམ་གྱི་གནས་སུ་སྐྱེ་བའི་དགེ་བའི་རྩ་བ་དག་རྣམ་པར་བསྐྱེད་པར་བྱའོ། །དེ་བཞིན་དུ་སྦྱར་ཏེ་འཐབ་བྲལ་རྣམས་དང་། དགའ་ལྡན་
D185.061.0120b07.01