完整藏文原文 · 德格版页 当前仅加载第 61 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་པ་བརྩེགས་པའི་གནས་ན་བཞུགས་སོ། །དེའི་ཚེ་ཡངས་པ་ཅན་གྱི་གྲོང་ཁྱེར་ཆེན་པོ་ན་ལིཙྪ་བཱི་དྲི་མ་མེད་པར་གྲགས་པ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ལོངས་སྤྱོད་མང་བ། མཛོད་དང་བང་བ་མང་བ་ཞིག་གནས་ཏེ། དེ་ལ་ཆུང་མ་དྲི་མེད་མ་
D191.061.0226a01.01ཞེས་བྱ་བ་མཛེས་པ། བལྟ་ན་སྡུག་པ། ཁ་དོག་བཟང་པོ། རྒྱས་པ་མཆོག་དང་ལྡན་པ་ཞིག་ཡོད་དེ། ཟླ་བ་དགུ་འདས་པ་དང་། དེ་ལས་བུ་མོ་གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་དང་ཉིང་ལག་ཐམས་ཅད་ལེགས་པར་རྫོགས་པ་ཞིག་བཙས་སོ། །
D191.061.0226a02.01བུ་མོ་དེ་བཙས་མ་ཐག་ཏུ་ཁྱིམ་དེ་ཐམས་ཅད་སྣང་བ་ཆེན་པོས་ཁྱབ་པར་གྱུར་ཅིང་ས་ཆེན་པོ་ཡང་རབ་ཏུ་གཡོས་པར་གྱུར། ཕྱི་རོལ་གྱི་སྒོ་གང་གི་ཝ་དག་ལས་ཀྱང་མར་ཁུ་དང་། འབྲུ་མར་དག་རབ་ཏུ་འཛག་ཅིང་ཞན་པ་དང་། མགོན་མེད་པ་དང་། བཀྲེན་པ་དང་། སྡུག་ཕོངས་པ་གང་ཡིན་
D191.061.0226a03.01པ་དག་ཅི་བདེར་ཡོངས་སུ་སྤྱོད་དོ། །ཡངས་པ་ཅན་གྱི་གྲོང་ཁྱེར་ཆེན་པོ་ན། རྔ་བོ་ཆེ་དང་། རྫ་རྔ་དང་། ཁར་རྔ་དང་། སིལ་སྙན་དང་། ཕེག་རྡོབ་པ་གང་ཡིན་པ་དེ་དག་ཐམས་ཅད་ཀྱང་མ་བརྡུངས་པར་སྒྲ་འབྱིན་པར་གྱུར་ཅིང་མེ་ཏོག་གི་ཆར་ཆེན་པོ་དག་ཀྱང་རབ་ཏུ་བབ་པར་གྱུར། ཁྱིམ་
D191.061.0226a04.01གྱི་གྲྭ་བཞིར་ཡང་རིན་པོ་ཆེ་སྣ་ཚོགས་ཀྱིས་རབ་ཏུ་གང་བའི་གཏེར་ཆེན་པོ་བཞི་བྱུང་ཞིང་ཁ་བྱེ་སྟེ་ཀུན་ཏུ་སྣང་བར་གྱུར་ཏོ། །བུ་མོ་དེ་བཙས་མ་ཐག་ཏུ་ངུ་སྐད་མི་འབྱིན་ཅིང་མཆི་མ་མི་བློག་ལ་ལྷག་པར་ཡང་སོར་མོ་བཅུ་ཐལ་མོ་སྦྱར་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྡིག་
D191.061.0226a05.01ལས་བྱས་པས་འདིར་ནི་གཙང་མ་ཡི། །ལུས་སུ་མི་སྐྱེ་ཡིད་དུ་འོང་བར་མིན། །སྡིག་ལས་བྱས་པས་འདིར་ནི་ལོངས་སྤྱོད་དག །འབྱོར་པའི་ཁྱིམ་རྣམས་སུ་ཡང་མི་སྐྱེའོ། །སྦྱིན་དུལ་ཡང་དག་སྡོམ་དང་བག་ཡོད་ཅིང་། །གུས་དང་བཅས་པས་བླ་མ་བསྙེན་བཀུར་བའི། །གྱ་ནོམ་རང་
D191.061.0226a06.01བཞིན་ལས་ཀྱི་རྟག་ཏུ་ནི། །ལོངས་སྤྱོད་བདག་ཉིད་ཆེན་པོའི་ཁྱིམ་དུ་འགྲུབ། །འདྲེན་པ་རྒྱལ་བ་འོད་སྲུང་བསོད་སྙོམས་ཕྱིར། །ཡངས་པ་ཅན་གྱི་གྲོང་དུ་ཞུགས་པ་ན། །བདག་གིས་ཁང་{བཟངས་,བཟང་}སྟེང་ནས་མཐོང་གྱུར་ཅིང་། །མཐོང་ནས་དེར་ནི་བདག་ཡིད་དང་བ་དྲན། །དེ་ཚེ་
D191.061.0226a07.01