完整藏文原文 · 德格版页 当前仅加载第 61 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་སྒྱུ་རྩལ་བྱ་བ་ཀུན། །ཤེས་ཤིང་མཛེས་ལ་ཡོན་ཏན་ཀུན་ལྡན་འགྱུར། །སྲོག་ཆགས་བརྒྱ་ཕྲག་དུ་མས་མདུན་བདར་ཅིང་། །ཟླ་བ་གསུམ་དུ་རྒྱལ་བ་མཆོད་བྱས་ནས། །དེ་ནི་སྲོག་ཆགས་དྲུག་སྟོང་སུམ་བརྒྱ་དང་། །ལྷན་ཅིག་ཁྱིམ་གྱི་གནས་ནས་འབྱུང་འགྱུར་ཞིང་། །
D191.061.0241b01.01རྒྱལ་བ་མི་འཕམ་བཞུགས་དང་འདས་པ་ཡི། །ཆོས་ཀྱི་ཚུལ་ཡང་ཀུན་ཏུ་འཛིན་པར་འགྱུར། །དེ་འདྲའི་དཔའ་བོ་དེ་ནས་ཤི་འཕོས་ནས། །བདེ་བ་ཅན་གྱི་འཇིག་རྟེན་ཁམས་སུ་འགྲོ། །བློ་ལྡན་དེས་ནི་འོད་དཔག་མེད་པ་དང་། །གཞན་ཡང་ཕྱོགས་བཅུ་མཐའ་ཡས་བཞུགས་པ་
D191.061.0241b02.01ཡི། །སངས་རྒྱས་བྱེ་མང་གང་གཱ་ཀླུང་གི་ནི། །བྱེ་སྙེད་མཐོང་ཞིང་བསྙེན་བཀུར་བྱེད་པར་འགྱུར། །ཏིང་འཛིན་མངོན་ཤེས་བརྩོན་འགྲུས་སྟོབས་ཐོབ་ཅིང་། །བསྐལ་པ་བཟང་ལ་གང་དག་ཕྱིས་འབྱུང་བའི། །རང་འབྱུང་འཇིག་རྟེན་རྣམས་ལ་ཕན་བརྩོན་པ། །འཇིག་རྟེན་མགོན་
D191.061.0241b03.01དེ་དག་ལའང་བསྙེན་བཀུར་བྱེད། །བྱེ་མང་བསྐལ་པ་དེ་དག་མཆོད་བྱས་ཏེ། །སེམས་ཅན་བྱེ་མང་ཡོངས་སུ་སྨིན་བྱས་ཤིང་། །བསྐལ་པ་བྱེ་བ་སྟོང་ཕྲག་བརྒྱད་ཅུ་ན། །རྒྱལ་བ་ཟླ་བ་མཆོག་ཅེས་བྱ་བར་འགྱུར། །ཟླ་མཆོག་རྐང་གཉིས་གཙོ་བོའི་མཛོད་སྤུ་ནས། །འོད་
D191.061.0241b04.01ཟེར་གསེར་མདོག་ཤིན་ཏུ་ཡིད་འོང་བ། །གང་དག་འབྱུང་བར་འགྱུར་བ་དེ་དག་གིས། །འཇིག་རྟེན་ཁམས་དེ་ཀུན་ཏུ་གསལ་བར་འགྱུར། །གང་ཕྱིར་འོད་ཀྱིས་འཇིག་རྟེན་དེ་ཁྱབ་པས། །ཉི་ཟླ་མེ་དང་ནོར་བུའི་འོད་རྣམས་ནི། །སྣང་བར་མི་འགྱུར་རྒྱུ་སྐར་ཚོགས་མིན་ཞིང་། །ཉིན་
D191.061.0241b05.01དང་མཚན་ཡང་བགྲང་དུ་ཡོད་མ་ཡིན། །དེ་ཚེ་རང་སངས་རྒྱས་དག་ཡོད་མིན་ཞིང་། །ཉན་ཐོས་རྣམས་མེད་མུ་སྟེགས་ཅན་ཚོགས་མེད། །མཉམ་མེད་དེ་ཡི་དགེ་འདུན་རྣམ་དག་ཅིང་། །བུད་མེད་རྣམ་པར་སྤངས་པ་ཉིད་དུ་འགྱུར། །མི་རྣམས་ཐམས་ཅད་གསེར་གྱི་མདོག་འདྲ་
D191.061.0241b06.01ཞིང་། །བསོད་ནམས་བརྒྱ་ཡི་མཚན་ཅན་བལྟ་ན་སྡུག །མངལ་ན་མི་གནས་འདོད་པ་མི་སྟེན་ཅིང་། །པད་མའི་ནང་ནས་རྫུས་ཏེ་སྐྱེ་ཞིང་འབྱུང་། །རྒྱལ་སྲས་རྣམས་ཀྱི་ཚོགས་འབྱུང་གང་ཡིན་པ། །དེ་ནི་བགྲང་བས་རྟོགས་པར་མི་ནུས་ཤིང་། །ཐམས་ཅད་མངོན་ཤེས་
D191.061.0241b07.01