完整藏文原文 · 德格版页 当前仅加载第 61 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་འཛུམ་པའི་དོན་ཡོངས་
D191.061.0240a01.01སུ་ཞུས་པ། མཁྱེན་པ་ཀུན་ལ་མངོན་སུམ་སྤྱན་མངའ་ཞིང་། །ཆོས་རྣམས་ཀུན་ལ་ནེམ་ནུར་རྣམ་པར་རྒལ། །འཇིག་རྟེན་ཀུན་དང་མི་མཉམ་མཐུ་མངའ་བ། །རྒྱལ་དབང་ཅི་སླད་འཛུམ་པ་རབ་ཏུ་མཛད། །ཁྱོད་ཀྱིས་མཐའ་ཡས་དུས་ནས་སྦྱིན་པ་བྱིན། །
D191.061.0240a02.01ཁྱོད་ཁྲིམས་རྣམ་དག་ནོར་བུ་རིན་ཆེན་འདྲ། །ཁྱོད་ཀྱི་བཟོད་པའང་མི་གཡོས་ལྷུན་པོ་བཞིན། །དྲང་སྲོང་ཆེན་པོ་ཅི་སླད་འཛུམ་པ་མཛད། །བསམ་གཏན་བརྙེས་ཤིང་བརྩོན་འགྲུས་སྟོབས་ལྡན་པ། །གནོད་བྲལ་ན་དང་རྒ་ལས་རྣམ་པར་གྲོལ། །རྒྱ་མཚོ་
D191.061.0240a03.01འདྲ་བར་ཤིན་ཏུ་ཟབ་པའི་བློ། །ཐུབ་ཆེན་ཅི་སླད་འཛུམ་པ་རབ་ཏུ་མཛད། །བྱམས་ལ་གནས་ཤིང་ཐུགས་རྗེར་གནས་པ་པོ། །ཐུབ་པ་བཏང་སྙོམས་དང་ནི་དགའ་ལ་གནས། །འདོད་ཆགས་ལ་སོགས་འཇིགས་བསལ་རབ་ཏུ་ཞི། །ཐུབ་དབང་ཅི་སླད་འཛུམ་པར་
D191.061.0240a04.01རབ་ཏུ་མཛད། །ཁྱོད་སྤུ་གཅིག་ནས་བྱུང་བའི་འོད་ཟེར་གྱིས། །ཕྱོགས་བཅུའི་འཇིག་རྟེན་མཐའ་ཡས་ཁམས་རྣམས་སུ། །ཉི་ཟླ་མྱུར་དུ་མོག་མོག་རབ་མཛད་དེ། །གཟི་བརྗིད་ཟིལ་གྱིས་གནོན་ཅིང་མིག་ཀྱང་སྩོལ། །འགྲོ་བའི་མགོན་གཅིག་ཁྱོད་གསུང་རྣམ་
D191.061.0240a05.01པར་དག །སྙན་ཅིང་ཡིད་འོང་ཡན་ལག་དྲུག་ཏུ་ལྡན། །གང་དག་ཉན་པ་དེ་དག་མི་ངོམས་ཤིང་། །ཉོན་མོངས་ཐམས་ཅད་མ་ལུས་ཞི་བར་བགྱིད། །ཕྱོགས་བཅུ་མཐའ་ཡས་སེམས་ཅན་གང་མཆིས་པའི། །སེམས་ཀྱི་སྤྱོད་པ་དུ་མ་གང་ལགས་པ། །དེ་མཁྱེན་དེ་
D191.061.0240a06.01དག་སོམ་ཉི་གཅོད་པ་པོ། །རང་བྱུང་ཅི་སླད་འཛུམ་པ་རབ་ཏུ་མཛད། །དེང་སུའི་སེམས་ནི་བྱང་ཆུབ་སླད་དུ་ངེས། །སུ་ཞིག་སངས་རྒྱས་ཐེག་པ་ཡངས་པར་ཞུགས། །ཁྱབ་བདག་གང་གི་ཡིད་བསམས་རབ་ཏུ་གྲུབ། །ཐུབ་དབང་ཅི་སླད་འཛུམ་པ་རབ་ཏུ་མཛད། །གང་
D191.061.0240a07.01