完整藏文原文 · 德格版页 当前仅加载第 61 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ལྡན་དབང་སྒྱུར་གང་ཡིན་པ། །དེ་ནི་ཚངས་སྤྱོད་ཡངས་པ་སྤྱོད་པ་ཡིན། །རྟག་ཏུ་འདོད་པ་དག་ལ་བརྐམ་པ་རྣམས། །དམུས་ལོང་འོན་པ་གླེན་པ་ཁྱི་ཕག་དང་། །རྔ་མོ་བོང་བུ་སྤྲེའུ་དང་གླང་པོ་དང་། །སྟག་དང་གནག་རྟ་ཕྱེ་ལེབ་སྤྲང་བུར་འགྱུར། །
D191.061.0232a01.01གང་དག་ཚངས་སྤྱོད་ཡངས་པ་སྤྱོད་བྱེད་པ། །ས་ཡི་དབང་ཕྱུག་དགའ་བ་རྣམས་དང་ནི། །ཚོང་དཔོན་ཁྱིམ་བདག་བློན་པོར་གྱུར་ནས་ནི། །བདེ་ཞིང་ཡིད་བདེ་ཞི་བར་འགྲོ་བར་འགྱུར། །རང་རྒྱལ་རྣམས་དང་དེ་བཞིན་དགྲ་བཅོམ་དང་། །སངས་རྒྱས་མཚན་གྱིས་སྤྲས་པ་
D191.061.0232a02.01གསལ་གྱུར་ཅིང་། །བླ་མེད་བྱང་ཆུབ་ཞི་བ་རྟོགས་གྱུར་ནས། །སེམས་ཅན་ཚོགས་ཆེན་རྣམས་ཀྱི་དོན་མཛད་འགྱུར། །འདོད་པས་འཁོར་བ་དག་ན་བསྲེག་པ་དང་། །ཡང་ན་དུ་བས་བདུག་ཅིང་གསད་པའམ། །བཅིང་དང་དེ་བཞིན་བརྡེག་བསྡིགས་མགོ་དང་ནི། །རྣ་མིག་སྣ་དང་རྐང་
D191.061.0232a03.01པ་གཅད་པར་འགྱུར། །འདོད་སྤྱོད་ཉེས་པ་གཅིག་ཏུ་མ་ཟད་དེ། །འདོད་རྣམས་མི་འཐུན་ཉེས་པ་མཐའ་ཡང་མེད། །གལ་ཏེ་མྱུར་དུ་དེ་ནས་ཐར་འདོད་ན། །ཚུར་ཤེག་རྒྱལ་བ་དེ་ཡི་སྤྱན་སྔར་འདེང་། །ལྷ་མིས་མཆོད་པའི་སངས་རྒྱས་མ་གཏོགས་པར། །རྟེན་དང་དཔུང་
D191.061.0232a04.01གཉེན་གཞན་དག་ཡོད་མིན་ཞིང་། །རྒྱལ་བ་འབྱུང་བ་བསྐལ་པ་བརྒྱར་དཀོན་གྱིས། །ཐམས་ཅད་ལྷན་ཅིག་འགྲོགས་ཏེ་འདོང་བར་བྱ། །བུ་མོ་ཟླ་མཆོག་གིས་ཚིགས་སུ་བཅད་པ་དེ་དག་སྨྲས་མ་ཐག་ཏུ་དེ་ནས་དེའི་མོད་ལ་ས་ཆེན་པོ་རབ་ཏུ་གཡོས་པར་གྱུར་ཅིང་། ནམ་
D191.061.0232a05.01མཁའི་དཀྱིལ་ན་འཁོད་པའི་ལྷའི་བུ་རྣམས་ཀྱིས་ཀྱང་ཨ་ལ་ལ་ཞེས་ཅ་ཅོ་དང་ག་ཞའི་སྒྲ་ཆེན་པོ་འབུམ་ཕྲག་དུ་མ་དག་རབ་ཏུ་ཕྱུང་སྟེ། མེ་ཏོག་གི་ཆར་དག་ཀྱང་རབ་ཏུ་ཕབ། སིལ་སྙན་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཀྱང་རབ་ཏུ་གསིལ་ཏོ། །སྐྱེ་བོ་ཕལ་པོ་ཆེ་དེ་དག་
D191.061.0232a06.01ཀྱང་ཤིན་ཏུ་ཡིད་བྱུང་ཞིང་སྤུ་ཟིང་ཞེས་བྱེད་ལ་ངོ་མཚར་དུ་འཛིན་པར་གྱུར་ནས་འགའ་ཡང་ཕྱིན་ཆད་འདོད་ཆགས་དང་། ཞེ་སྡང་དང་། གཏི་མུག་དང་། ཁྲོ་བ་དང་། འཐབ་པ་དང་། འཆབ་པ་དང་། གནོད་སེམས་དང་། རྣམ་པར་གནོད་པ་མེད་ཅིང་ཐམས་ཅད་ཀྱང་སེམས་
D191.061.0232a07.01