完整藏文原文 · 德格版页 当前仅加载第 61 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་སྦྱིན་པ་བྱིན་ཞིང་ཇི་ལྟར་ཡོངས་སུ་བསྔོས། བུ་མོས་སྨྲས་པ། རིགས་ཀྱི་བུ་འདི་ལྟ་སྟེ། དཔེར་བགྱི་ན་དེ་བཞིན་གཤེགས་པའི་སྤྲུལ་པ་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་སྦྱིན་པ་ཞིག་ཕུལ་བར་གྱུར་ན་དེ་ལ་རྒྱུ་བ་ཇི་ལྟ་
D191.061.0236a01.01བུ་ཞིག་འབྱུང་བར་འགྱུར་ལགས། སྨྲས་པ། བུ་མོ་སྤྲུལ་པ་ལ་ནི་རྒྱུ་བ་འགའ་ཡང་འབྱུང་བ་མེད་དོ། །བུ་མོས་སྨྲས་པ། རིགས་ཀྱི་བུ་བདག་གིས་ཀྱང་སྔོན་གྱི་དེ་བཞིན་གཤེགས་པ་དག་ལ་དེ་ལྟར་སྦྱིན་པ་བྱིན་ཞིང་ཡོངས་སུ་བསྔོས་པ་ལགས་སོ། །བྱང་ཆུབ་སེམས་
D191.061.0236a02.01དཔའ་ཐོགས་མེད་སེམས་ཀྱིས་སྨྲས་པ། བུ་མོ་ཁྱོད་སེམས་ཅན་རྣམས་ལ་ཇི་ལྟར་བྱམས་པས་ཁྱབ་པར་བྱེད། བུ་མོས་སྨྲས་པ། རིགས་ཀྱི་བུ་སེམས་ཅན་དེ་དག་ཇི་ལྟ་བ་ཁོ་ན་བཞིན་དུའོ། །སྨྲས་པ། བུ་མོ་སེམས་ཅན་དེ་དག་ཀྱང་ཇི་ལྟ་བུ་ཡིན། སྨྲས་པ། རིགས་
D191.061.0236a03.01ཀྱི་བུ་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས་ལ། སེམས་དེ་ཡང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས་པས་བྱམས་པ་བསྒོམ་པ་དེ་ནི་འདི་འདྲའོ་ཞེས་གདགས་པར་རྔོ་མི་
D191.061.0236a04.01ཐོགས་ལགས་སོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་སྨྲས་པ། བུ་མོ་ཁྱོད་ཀྱིས་ཆོས་ཀྱི་མིག་ཐོབ་བམ། བུ་མོས་སྨྲས་པ། རིགས་ཀྱི་བུ་བདག་གིས་ཤའི་མིག་ཀྱང་མ་ཐོབ་ལགས་ན་ཆོས་ཀྱི་མིག་ལྟ་ཐོབ་པར་ག་ལ་འགྱུར། བྱང་ཆུབ་སེམས་
D191.061.0236a05.01དཔའ་བློ་གྲོས་བརྟན་པས་སྨྲས་པ། བུ་མོ་ཁྱོད་ཡུན་ཇི་སྲིད་ཅིག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས། བུ་མོས་སྨྲས་པ། རིགས་ཀྱི་བུ་ཡུན་ཇི་སྲིད་ཅིག་ནས་སྨིག་རྒྱུ་ལ་ཆུ་ཡང་དག་པར་ཞུགས་པའི་ཡུན་དེ་སྲིད་ནས་བདག་
D191.061.0236a06.01ཀྱང་བྱང་ཆུབ་ལ་ཡང་དག་པར་ཞུགས་ལགས་སོ། །དེ་ནས་བྱང་ཆུབ་སེམས་དཔའ་བྱམས་པས་བུ་མོ་ཟླ་མཆོག་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཡུན་ཇི་སྲིད་ཅིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར།
D191.061.0236a07.01