完整藏文原文 · 德格版页 当前仅加载第 61 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ལ་གཞན་གྱིས་གནོད་མི་འགྱུར། །ཡབ་བདག་འཇིག་རྟེན་དག་ལ་བྱམས་པ་ཆེ། །ངན་བུ་བདག་བཞིན་འགྲོ་ལ་དགའ་བར་གནས། །ནམ་ཡང་གཞན་ལ་སྡུག་བསྔལ་མ་བགྱིས་པས། །དེ་ཕྱིར་ངན་བུ་སྡུག་བསྔལ་མི་འགྱུར་ཡབ། །ཆགས་བྲལ་ནམ་
D191.061.0228a01.01ཡང་འདོད་ཆགས་མ་མཆིས་ཤིང་། །བྱམས་པ་ཡོངས་བསྒོམས་ཞེ་སྡང་མ་མཆིས་ལགས། །བདག་ལ་ཆགས་སྡང་གཏི་མུག་མ་མཆིས་ཏེ། །དེ་ཕྱིར་ངན་བུ་གཞན་གྱིས་མི་ཐུབ་ཡབ། །ཡབ་དང་ཡུམ་ལ་བྱམས་པ་མཆིས་པ་ལྟར། །འགྲོ་བ་ཀུན་ལ་རྒྱུན་དུ་བདག་དེ་བཞིན། །
D191.061.0228a02.01ཡབ་གང་འཇིག་རྟེན་དག་ལ་དེ་འདྲར་བྱམས། །དེ་ནི་ནམས་ཀྱང་གཞན་གྱིས་གནོད་མི་འགྱུར། །ནམ་མཁའ་དོག་ས་འཛིན་པར་བགྱིད་གྱུར་རམ། །ལྷུན་པོ་ཡུངས་འབྲུའི་ནང་དུ་གནས་གྱུར་ཏམ། །རྒྱ་མཚོ་ཆེན་པོ་གནག་རྗེས་ཞུགས་གྱུར་ཀྱང་། །བདག་འཇོམས་
D191.061.0228a03.01བགྱིད་པར་རྔོ་ཐོགས་མ་མཆིས་ཡབ། །དེ་ནས་བུ་མོ་ཟླ་མཆོག་གིས་ཚིགས་སུ་བཅད་པ་དེ་དག་སྨྲས་ནས་རང་གི་ཕ་མ་ལ་འདི་སྐད་ཅེས་སྨྲས་སོ། །ཡབ་ཡུམ་དེའི་སླད་དུ་འདི་ལྟར་དེང་ནས་དགུང་བདུན་ན་བུ་མོ་ཟླ་མཆོག་ཕྱིར་འབྱུང་བར་འགྱུར་ཞིང་བྱུང་ནས་ཀྱང་རང་གང་འདོད་པའི་
D191.061.0228a04.01ཁྱིམ་ཐབ་འདམ་པར་འགྱུར་གྱིས། དེར་ཁྱོད་ཅག་གིས་བསྒྲིམ་པར་བྱ་ཞིང་ལམ་སྲང་དང་བཞི་མདོ་དང་སུམ་མདོའི་ཕྱོགས་ཐམས་ཅད་ཀྱང་རྒྱན་དག་གིས་བརྒྱན་པར་བྱ་ཞིང་། མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པའི་ཆོ་ག་དག་གིས་ཀྱང་བྱི་དོར་
D191.061.0228a05.01གྱིས་ཤིག་ཅེས་ཤུལ་པོ་ཆེ་དང་། བཞི་མདོ་དང་། སུམ་མདོ་ཐམས་ཅད་དུ་དྲིལ་དཀྲོལ་ཞིང་སྒྲ་བསྒྲག་ཏུ་གསོལ། དེ་ནས་བུ་མོ་ཟླ་མཆོག་གིས་ཕ་མ་གཉིས་རང་གི་ཁྱིམ་ནས་བྱུང་སྟེ། འདི་སྐད་དུ་དེང་ནས་ཞག་བདུན་ན་བུ་མོ་ཟླ་མཆོག་ཕྱིར་འབྱུང་བར་འགྱུར་ཞིང་བྱུང་ནས་ཀྱང་བུ་མོ་
D191.061.0228a06.01གང་འདོད་པའི་ཁྱིམ་ཐབ་འདམ་པར་འགྱུར་གྱིས། དེར་ཁྱེད་ཅག་གིས་བསྒྲིམ་པར་བྱ་ཞིང་ལམ་སྲང་དང་། བཞི་མདོ་དང་། སུམ་མདོའི་ཕྱོགས་ཐམས་ཅད་རྒྱན་དག་གིས་བརྒྱན་པར་བྱ་ཞིང་། མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པའི་ཆོ་ག་
D191.061.0228a07.01