完整藏文原文 · 德格版页 当前仅加载第 61 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་ཁྱོད་ནི་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་གསུང་བ་ནི་བཙུན་པ་ཤ་ར་དྭ་ཏིའི་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་སྐྱེ་བ་མ་མཆིས་པ། འགག་པ་མ་མཆིས་པ། ཆད་པ་མ་
D191.061.0234b01.01མཆིས་པ། རྟག་པ་མ་མཆིས་པ། དོན་གཅིག་པ་མ་ལགས་པ། དོན་ཐ་དད་པ་མ་ལགས་པ། འོང་བ་མ་མཆིས་པ། འགྲོ་བ་མ་མཆིས་པ། བརྗོད་དུ་མ་མཆིས་པ། འབྱུང་བ་མ་མཆིས་པ། རང་བཞིན་མ་མཆིས་པ་ལགས་པས་དེ་ལ་ནི་གང་མངོན་པར་རྫོགས་
D191.061.0234b02.01པར་འཚང་རྒྱ་བར་འགྱུར་བ་འགའ་ཡང་དམིགས་སུ་མ་མཆིས་ལགས་སོ། །དེ་ཅིའི་སླད་དུ་ཞེ་ན། བྱང་ཆུབ་ནི་གཉིས་ཀྱི་མཚན་ཉིད་མ་ལགས་པ་སྟེ། བྱང་ཆུབ་ནི་གཉིས་སུ་མ་མཆིས་ཤིང་གཉིས་དང་བྲལ་བ་ལགས་པའི་སླད་དུའོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་
D191.061.0234b03.01བུས་བུ་མོ་ཟླ་མཆོག་ལ་འདི་སྐད་ཅེས་སྨྲས་སོ། །བུ་མོ་ཁྱོད་དེ་བཞིན་གཤེགས་པའི་སྤྱན་སྔར་སོང་ཤིག་དང་། ཁོ་བོ་ཅག་ཀྱང་ཆོས་མཉན་པའི་ཕྱིར་དེར་འདོང་ངོ་། །དེ་ནས་གནས་བརྟན་ཤ་ར་དྭ་ཏིའི་བུ་ལ་བུ་མོ་ཟླ་མཆོག་གིས་འདི་སྐད་ཅེས་སྨྲས་སོ། །བཙུན་པ་ཤ་ར་དྭ་ཏིའི་
D191.061.0234b04.01བུ་དེ་བཞིན་གཤེགས་པ་ནི་ཉན་འཚལ་བ་རྣམས་ལ་ཆོས་སྟོན་པར་མི་མཛད་ལགས་སོ། །ཤ་ར་དྭ་ཏིའི་བུས་སྨྲས་པ། བུ་མོ་འོ་ན་དེ་བཞིན་གཤེགས་པ་སུ་དག་ལ་ཆོས་སྟོན་པར་མཛད། བུ་མོས་སྨྲས་པ། བཙུན་པ་ཤ་ར་དྭ་ཏིའི་བུ་གང་དག་ཉན་པར་བགྱིད་ཀྱང་དགའ་
D191.061.0234b05.01བར་མི་བགྱིད་དེ། མངོན་པར་དགའ་བ་མི་བགྱིད་པ་རྣམས་ལའོ། །ཤ་ར་དྭ་ཏིའི་བུས་སྨྲས་པ། བུ་མོ་སེམས་ཅན་མང་པོ་དག་ཆོས་མཉན་པའི་ཕྱིར་དེ་བཞིན་གཤེགས་པའི་སྤྱན་སྔར་འདོང་ཞིང་དེ་བཞིན་གཤེགས་པ་ཡང་དེ་དག་ལ་ཆོས་སྟོན་པར་མི་མཛད་དམ། བུ་མོས་
D191.061.0234b06.01སྨྲས་པ། བཙུན་པ་ཤ་ར་དྭ་ཏིའི་བུ་དེ་བཞིན་གཤེགས་པར་འདུ་ཤེས་ཤིང་ཆོས་ལ་ངར་འཛིན་པ་ལ་གནས་པའི་སེམས་ཅན་རྣམས་ནི་འདི་སྙམ་དུ་འདི་ནི་དེ་བཞིན་གཤེགས་པ་སྟེ། བདག་ཅག་ལ་ཆོས་སྟོན་པར་མཛད་པའོ། །འདི་ནི་ཆོས་ཏེ་བསྟན་པར་བགྱི་བའོ་སྙམ་དུ་
D191.061.0234b07.01