完整藏文原文 · 德格版页 当前仅加载第 61 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལགས་ཀྱི་ཆོས་ཀྱི་དབྱིངས་རྟོགས་པ་རྣམས་ནི་འདི་ལྟར་དེ་བཞིན་གཤེགས་པའམ། ཆོས་སམ། བསྟན་པ་ཞེས་བགྱི་བར་སེམས་པ་མ་མཆིས་ལགས་སམ། དེ་ནས་གནས་བརྟན་འོད་སྲུང་ཆེན་པོས་གནས་བརྟན་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་
D191.061.0235a01.01སོ། །ཚེ་དང་ལྡན་པ་ཤ་ར་དྭ་ཏིའི་བུ་འདི་ལྟ་བུའི་སྤོབས་པ་དང་ལྡན་པའི་བུ་མོ་འདི་དེ་བཞིན་གཤེགས་པའི་སྤྱན་སྔར་འགྲོ་བས་ན་དེར་ནི་ཆོས་བསྟན་པ་ཆེན་པོ་ཡང་འབྱུང་བར་འགྱུར་བས་བདག་ཅག་ཟན་བཅད་དེ་ཕྱིར་ལོག་ན་ནི་འོ་བུ་ཅག་ལ་ལེགས་ཀྱིས། བདག་ཅག་ཆོས་
D191.061.0235a02.01མཉན་པ་དེ་ལྟ་བུ་ལས་ཕྱི་རོལ་དུ་གྱུར་ན་ནི་མ་ཡིན་ནོ། །དེ་ནས་ཉན་ཐོས་ཆེན་པོ་དེ་དག་ཕྱིར་ཕྱོགས་ཏེ་དེ་ཉིད་ནས་ཕྱིར་ལོག་པར་གྱུར་ཏོ། །དེ་ནས་བུ་མོ་ཟླ་མཆོག་ཚལ་ཆེན་པོའི་ཁང་པ་བརྩེགས་པའི་གནས་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་
D191.061.0235a03.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཇི་ལྟར་ཐོགས་པའི་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་
D191.061.0235a04.01དང་། བ་དན་དག་གིས་བཅོམ་ལྡན་འདས་ལ་མངོན་པར་གཏོར་ཏེ། མངོན་པར་རབ་ཏུ་གཏོར་ཏོ། །སྐྱེ་བོ་ཕལ་པོ་ཆེ་དེ་དག་གིས་ཀྱང་ཇི་ལྟར་ཐོགས་པའི་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་དག་གིས་བཅོམ་ལྡན་འདས་ལ་མངོན་པར་
D191.061.0235a05.01གཏོར་ཏེ། གཏོར་མ་ཐག་ཏུ་དེ་ནས་དེའི་མོད་ལ་མེ་ཏོག་དེ་དག་མེ་ཏོག་གི་གདུགས་རྒྱར་དཔག་ཚད་བཅུ་ཙམ་པ་ཞིག་ཏུ་གྱུར་ཏེ། བཅོམ་ལྡན་འདས་ཀྱི་དབུའི་གཙུག་གི་དྲང་ཐད་ཀྱི་སྟེང་ན་འདུག་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་བུ་མོ་ཟླ་མཆོག་ལ་འདི་
D191.061.0235a06.01སྐད་ཅེས་སྨྲས་སོ། །བུ་མོ་ཁྱོད་གང་ནས་ཤི་འཕོས་ཏེ་འདིར་འོངས། འདི་ནས་ཤི་འཕོས་ནས་ནི་གང་དུ་འགྲོ་བར་འགྱུར། བུ་མོས་སྨྲས་པ། འཇམ་དཔལ་འདི་ཇི་སྙམ་དུ་དགོངས། གང་བདག་གི་སུག་པ་གཡས་པ་ན་དེ་བཞིན་གཤེགས་པའི་སྐུ་པད་མ་ལ་བཞུགས་པ་འདི་གང་ནས་
D191.061.0235a07.01