完整藏文原文 · 德格版页 当前仅加载第 61 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
པད་མ་དེ་མཐོང་ཞིང་དེ་བཞིན་གཤེགས་པའི་སྐུ་ཡང་མཐོང་བ་དང་། དགའ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་དེ་བཞིན་གཤེགས་པའི་སྐུ་དེ་ལ་ཚིགས་སུ་བཅད་དེ་གསོལ་པ། འདི་འདྲའི་དཔལ་དང་ལྡན་པ་ཁྱོད། །
D191.061.0229a01.01ཅི་ལགས་ལྷ་འམ་འོན་ཏེ་ཀླུ། །ལྷ་མིན་གསང་བ་མིའམ་ཅི། །སུ་ལགས་དྲིས་པ་ངེས་པར་གསུངས། །ཁྱོད་སྐུ་གསེར་མདོག་འོད་གསལ་བའི། །ཚད་ནི་དམིགས་སུ་མ་མཆིས་ཏེ། །སྐད་ཅིག་མདོག་གསེར་བཙོད་ཀ་དང་། །མྱུར་བར་ཤེལ་འོད་འདྲ་བར་གདའ། །
D191.061.0229a02.01ངན་བུ་ལྷན་ཆད་ལུས་ཀྱིས་ནི། །འདུ་ཤེས་མ་མཆིས་སེམས་མི་གཡོ། །མགོན་པོ་ཁྱོད་ཀྱི་སྐུ་མཐོང་ནས། །བདག་ནི་དགའ་བ་ཡངས་པ་སྐྱེས། །ཁྱོད་སྐུ་དཔལ་འབར་མེ་འདྲ་ཞིང་། །རི་ལས་རི་བཞིན་མཛེས་འཕགས་པ། །ཇི་ལྟར་བཟུང་ཞིང་རབ་ཏུ་གནས། །གང་
D191.061.0229a03.01ནས་འདིར་བྱོན་གང་དུ་གཤེགས། །དེ་ནས་དེ་བཞིན་གཤེགས་པའི་སྐུ་དེས་བུ་མོ་ཟླ་མཆོག་ལ་ཕྱིར་ཚིགས་སུ་བཅད་དེ་བཀའ་སྩལ་པ། ང་ནི་ལྷ་མིན་ཀླུ་ཡང་མིན། །མིའམ་ཅི་མིན་གནོད་སྦྱིན་མིན། །སངས་རྒྱས་ཤཱཀྱ་སེང་གེ་ཡིས། །ང་ནི་ཁྱོད་ཀྱི་གན་དུ་བཏང་། །ང་ནི་
D191.061.0229a04.01ལྷ་མིན་གནོད་སྦྱིན་མིན། །ཀླུ་མིན་མིའམ་ཅི་ཡང་མིན། །ཆོས་བྱུང་ང་དེང་ཁྱོད་ཀྱི་ཕྱིར། །ལྷ་མི་འདུལ་བས་བཀའ་སྩལ་ཏོ། །དེ་ནས་དེ་བཞིན་གཤེགས་པའི་སྐུ་དེ་ལ་བུ་མོ་ཟླ་མཆོག་གིས་ཚིགས་སུ་བཅད་དེ་གསོལ་པ། སངས་རྒྱས་སངས་རྒྱས་ཞེས་བགྱི་བ། །དེ་མདོག་
D191.061.0229a05.01ཅི་འདྲ་འདིར་གསུངས་ལ། །དེ་ཡི་རྟགས་དང་དབྱིབས་གསུངས་དང་། །དེ་ཐོས་བདག་གིས་རྟོགས་པར་འགྱུར། །ཁྱོད་འདིར་སངས་རྒྱས་མཚན་གསུངས་ན། །དེ་མདོག་རྟགས་དང་དབྱིབས་མི་གསུང་། །སངས་རྒྱས་རུང་སྤྱོད་གང་དང་འཐུན། །མི་མཉམ་མཛད་སྤོབས་
D191.061.0229a06.01འདིར་གསུངས་ཤིག །དེ་ནས་དེ་བཞིན་གཤེགས་པའི་སྐུ་དེས་བུ་མོ་ཟླ་མཆོག་ལ་ཕྱིར་ཚིགས་སུ་བཅད་དེ་བཀའ་སྩལ་པ། དེ་ནི་སྐུ་མདོག་གསེར་འདྲ་ཞིང་། །མཚན་མཆོག་སུམ་ཅུ་རྩ་གཉིས་མངའ། །སེམས་ཅན་ཀུན་གྱི་མཆོད་རྟེན་དེ། །དེ་ཕྱིར་སངས་རྒྱས་ཞེས་བརྗོད་
D191.061.0229a07.01