完整藏文原文 · 德格版页 当前仅加载第 80 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
འབར་ཞིང་འབར་བ་ཡི། །མེ་ཡི་ཡི་གེར་རྣམ་པར་གྲགས། །སྡེ་ཚན་བརྒྱད་ཀྱི་དང་བོར་ནི། །དེ་ཉིད་སྟོང་པའི་དངོས་པོ་དང་། །རླུང་གི་ས་བོན་དམར་པོ་ནི། །རླུང་གི་ས་བོན་དུ་ནི་གྲགས། །བརྒྱད་པའི་མཐའ་ཡི་ས་བོན་ནི། །ཁ་དོག་སྔོན་
D429.080.0235a01.01པོའི་འོད་མཉམ་པ། །སྙིང་གར་ས་ཡི་ས་བོན་ནི། །དེ་ཉིད་པ་ཡི་ས་བོན་ནོ། །འདི་རྣམས་ས་བོན་ས་བོན་ལ། །ཐིག་ལེའི་ཡི་གེ་རྩ་བར་རོ། །རྩ་བར་ཉིས་འགྱུར་རེ་ཕ་དང་། །རླུང་གི་ས་བོན་གསུམ་པར་རོ། །རྩ་བར་སྒྲ་ནི་བཞི་པའོ། །སྟེང་དུ་ཐིག་ལེ་སྦྱར་བ་
D429.080.0235a02.01དང་། །དེ་ཉིད་བཞི་པའི་ས་བོན་ནི། །བཞི་པའི་ཡི་གེ་དྲུག་པའོ། །རྨོངས་པ་ཆུ་ཡི་ས་བོན་ནི། །གཡོ་བའི་རླུང་གི་ས་བོན་དང་། །ས་ནི་ཉོན་མོངས་པར་འགྱུར་རོ། །ཕྱུགས་ནི་མེ་ལ་ཀུན་ཏུ་སྦྱར། །ཡི་གེ་བརྒྱད་པའི་ས་བོན་ནི། །རྣལ་འབྱོར་མ་བརྒྱད་སེམས་
D429.080.0235a03.01དང་བཅས། །བདག་ཉིད་དེ་ཉིད་གཙོ་བོ་ཡི། །འཁོར་བ་ཐམས་ཅད་གཅོད་མཛད་པ། །ཐམས་ཅད་ཀུན་ནས་སྤྱི་བོ་དང་། །ཡི་གེ་ཀུན་ནས་གནས་པའོ། །ས་བོན་འདི་ནི་ཀུན་ནས་བཟུང་། །ཡེ་ཤེས་ས་བོན་ཞེས་བྱའི་མིང་། །རྟག་པའི་རྩ་བར་མནན་པ་དང་། །
D429.080.0235a04.01སྒྲ་དང་ཐིག་ལེར་སྦྱར་བར་བྱ། །དཀར་པོ་ཀུནྡ་ཟླ་བའི་མཆོག །ཡེ་ཤེས་རྣམ་ཤེས་ས་བོན་ཉིད། །རྒྱུ་པའི་གཟུགས་ཀྱི་ས་བོན་ནི། །ས་བོན་ས་བོན་དེ་བས་མཆོག །ཡེ་ཤེས་རྣམས་ཤེས་བྱ་བའི་མིང་། །ལས་ཀུན་ལ་ནི་རབ་སྦྱར་བྱ། །བྱང་ཆུབ་སེམས་དཔའ་ཞི་
D429.080.0235a05.01བ་ནི། །ཞི་བའི་གཟུགས་ཅན་རྫུ་འཕྲུལ་ཆེ། །མཐར་ནི་སྭཱ་ཧཱ་རིང་པོར་ལྡན། །སྔོན་དུ་བསྙེན་པའི་སྔགས་པ་ཡིས། །གཉི་ག་ལུས་ལ་བསྒོམས་ནས་ནི། །འདི་ཡིས་ལྷ་མོ་སྦྱར་བར་བྱ། །སྔགས་བས་བསྲེག་པའི་སྔགས་པ་ནི། །སྔོན་དུ་དབྱུག་པ་མེད་
D429.080.0235a06.01པའོ། །ལྷ་མོའམ་ཡང་ན་ལྷ་མོ་ལ། །ཁྲོ་བོའི་གཟུགས་འཇོམས་ལ་སོགས་པའི། །འཇོམས་པའི་ཡི་གེ་མཐའ་བཞག་སྟེ། །བཟླས་ཤིང་བསྙེན་པ་ལ་སོགས་བྱ། །གཟུགས་དང་གཟུགས་ཅན་དངོས་པོ་ཡིས། །ཁྲོ་བོ་ཁྲོ་མོ་ཁྱད་པར་ཉིད། །སྲེག་
D429.080.0235a07.01