完整藏文原文 · 德格版页 当前仅加载第 80 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི། །ཤིན་ཏུ་མཉམ་པར་བཞག་པས་བསྒོམ། །ཡན་ལག་གཟིར་མེད་པ་དང་། །སེམས་ཀྱི་སྐྱོ་བ་མེད་པ་ཡིས། །རིམ་དང་རིམ་པ་ཙམ་བྱས་ནས། །འཁོར་བ་གཅོད་ཅིང་གཅོད་པའོ། །རྟག་ཏུ་ཉིད་ཀྱི་སེམས་ཀྱིས་ནི། །ཡང་དག་བྱང་ཆུབ་རིམ་པ་
D429.080.0240b01.01བསྟན། །ཤིན་ཏུ་བཅད་ཅིང་བལྟས་ནས་ནི། །རྣལ་འབྱོར་འདི་ནི་བླང་བར་བྱ། །ཨོྃ་བྷ་ཏ་ལི་བྟ་ཏ་ལི་པེ་ཏ་མུ་ཁི་ཧཱུྃ་ཕཊ་སྭཱ་ཧཱ། རྡོ་རྗེ་མཁའ་འགྲོ་རྣལ་འབྱོར་གྱིས། །བརྒྱད་བརྒྱ་རུ་ནི་བཟླས་པར་བྱ། །གཟུགས་ཀུན་རྫོགས་ཤིང་མཛེས་པ་ཡི། །བཙོ་མའི་གསེར་དང་
D429.080.0240b02.01འདྲ་བའི་འོད། །པདྨའི་གདན་ལ་བཞུགས་ནས་ནི། །རྡོ་རྗེ་འོད་ཟེར་ཀུན་ནས་འཕྲོ། །ཡེ་ཤེས་སྦྱོར་བའི་སེམས་ཀྱིས་ནི། །སྔགས་པས་འབུམ་ཕྲག་གསུམ་བཟླས་ན། །འདོད་དང་གྲོལ་བ་རྒྱ་ཆེན་པོའི། །ཕྱིས་ནི་ལས་རྣམས་བརྩམ་པར་བྱ། །དུར་ཁྲོད་ཐལ་བ་སོགས་
D429.080.0240b03.01བླངས་ལ། །སྣོད་ལ་དཀྱིལ་འཁོར་བྲི་བར་བྱ། །དེ་ཡི་སོལ་བའི་ཕྱེ་མ་ཡིས། །གང་དུ་དཀྱིལ་འཁོར་སྤྲུལ་བ་ཡིས། །གྲུ་བཞི་པ་ལ་སྒོ་བཞི་བ། །རྟ་བབས་བཞིས་ནི་རྣམ་པར་བརྒྱན། །དེ་ཡི་དབུས་སུ་པདྨ་བྲི། །ཐོད་པ་བརྒྱད་ཀྱིས་རྣམ་པར་བརྒྱན། །
D429.080.0240b04.01དྲི་དང་བདུག་པ་མར་མེ་དང་། །གཏོར་མའི་དེ་ཉིད་དེ་ཉིད་དང་། །ཀུན་ནས་ཉ་ཕྱེས་དངོས་པོ་ཡི། །སྣ་ཚོགས་མཆོད་པ་རྒྱ་ཆེན་པོ། །ཡེ་ཤེས་མཁའ་འགྲོ་དགུག་པ་ནི། །ཕོ་ཉ་བཞི་དང་ཀུན་ཏུ་ལྡན། །སེང་གེ་སྟག་མོ་ཅེ་སྤྱང་དང་། །འུག་པ་མོ་ནི་ཕྱོགས་
D429.080.0240b05.01བཞིར་རོ། །ཐམས་ཅད་ཀུན་ནས་ཀུན་ཏུ་ནི། །མཉམ་པ་ཉིད་ཀྱི་སེམས་ཀྱིས་མཆོད། །དེ་ཡི་ཤར་གྱི་གནས་སུ་ནི། །མེ་ཡི་ལས་ནི་རབ་ཏུ་བྱ། །དུར་ཁྲོད་ཤིང་གི་ལྷག་མ་དང་། །དེ་ཡི་ཤིང་གི་བ་དན་གསུམ། །དེའམ་འོན་ཏེ་གདོལ་པའི་མེས། །འབད་
D429.080.0240b06.01པས་མེ་ནི་རབ་ཏུ་སྦར། །རྡོ་རྗེ་ལྕགས་ཀྱུ་རྒྱ་ཆེན་པོ། །མར་དང་སྦྲང་རྩི་བསྲེས་བྱས་པས། །མཆོག་གི་སྔགས་ནི་བཟླ་བྱ་ཞིང་། །བསྲེགས་པས་ལྷ་མོ་ཚིམ་པར་འགྱུར། །ཐམས་ཅད་གནས་དང་ཕྱོགས་ནས་ནི། །སྣ་ཚོགས་གཟུགས་ནི་འཇིགས་པ་དང་། །
D429.080.0240b07.01