完整藏文原文 · 德格版页 当前仅加载第 80 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
ཟླ་དྲུག་སྤྱད་པ་ཡི། །རང་འདོད་ཡེ་ཤེས་འགྲུབ་པར་འགྱུར། །བརྟུལ་ཞུགས་ཀྱི་སྤྱོད་པ་རྣམ་པར་བསྟན་པའི་ལེའུ་ཞེས་བྱ་བ་རྫོགས་སོ།། །།དེ་ནས་ཐམས་ཅད་སྙིང་པོ་ནི། །དེ་ཉིད་ཀུན་གྱི་དོན་བསྡུས་པ། །འཁོར་བའི་
D429.080.0257a01.01བརྟན་དང་གཡོ་བཅས་པའི། །ཀུན་གྱི་སྙིང་པོར་རབ་སྦྱོར་བའོ། །དང་པོར་རེ་ཞིག་རྣལ་འབྱོར་པས། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །སྔོན་དུ་བསྙེན་པ་ལ་སོགས་བྱ། །རྡོ་རྗེའམ་ཤེས་རབ་རྣལ་འབྱོར་གྱིས། །
D429.080.0257a02.01འབུམ་ཕྲག་གསུམ་དུ་བཟླས་བྱས་ནས། །ཕྱིས་ནི་རང་འདོད་པ་ཡི་ལས། །འགྲུབ་པར་འདི་ལ་ཐེ་ཚོམ་མེད། །སྤྲ་ཚིལ་ལས་ནི་གཟུགས་བརྙན་བྱ། །ཚ་བའི་མར་ཁུས་བྱུགས་བྱས་ལ། །སྙིང་གར་མིང་ནི་བཞག་པ་དང་། །ཚིགས་དང་ཚིགས་སུ་ཚེར་
D429.080.0257a03.01མས་དགང་། །སྐྱུར་བོ་ཚྭ་དང་མ་རུ་ཙེར། །གཟུགས་བརྙན་དང་ནི་ཡང་དག་ལྡན། །སྣོད་དུ་བསྲེས་ལ་ཡང་དག་གཞག །ཡེ་ཤེས་ལུས་ལ་ལུས་ཀྱི་ནི། །རྐང་པ་གཡས་པས་མནན་པར་བྱ། །རྣོ་བའི་སེམས་ཀྱིས་བཟླས་བྱས་པས། །མཚན་མོ་
D429.080.0257a04.01གཅིག་གི་མཐའ་རུ་ནི། །འགྲུབ་པར་འདི་ལ་ཐེ་ཚོམ་མེད། །སྨིན་པའི་མེ་ལ་གཞག་བྱས་ན། །རྒྱལ་པོ་མྱུར་དུ་གདུང་བར་འགྱུར། །དཀོན་མཆོག་གསུམ་ལ་གནོད་པ་ལ། །ལས་འདི་ཡིས་ནི་སྦྱར་བར་བྱ། །ཧྲཱིཿཨ་མོ་གྷ་སི་སི་ད་ཧ་ད་ཧ་གྲྀ་ཧྞ་ཧཱུྃ་ཧྲཱིཿ
D429.080.0257a05.01ཕཊ། སྔ་དྲོ་ཉི་མ་ཤར་དུས་ལ། །མེ་ཏོག་དཀར་པོའི་མཎྜལ་དང་། །སྤོས་དང་མར་མེའི་ཆོ་ག་ཡིས། །ཞི་བའི་ལས་ནི་རྣམ་པར་བྱ། །ཆུ་དང་འོ་མ་བསྲེས་པའི་སྣང་། །དེར་ནི་གཏོར་མ་སྦྱར་ནས་ནི། །སྔགས་ནི་བརྒྱ་རྩ་བརྒྱད་དུ་བཟླས། །རྒྱལ་པོ་
D429.080.0257a06.01ནད་དང་བྲལ་བར་འགྱུར། །ཨོཾ་ཨ་མྲྀ་ཏ་བྷ་རེ་དེ་ཧཱུྃ་ཧཱུྃ་ཧཱུྃ། ཨ་ཨ་ཨ། ཐམས་ཅད་ལས་ནི་བསྡུས་བྱས་ལ། །ཆུ་བོ་ཆེན་པོའི་རྒྱུན་ལ་བསྐུར། །རིམས་ནད་རབ་ཏུ་ཞི་བར་བྱེད་པ་ཞེས་བྱ་བའི་ལེའུ་རྫོགས་སོ།། །།དེ་ནས་རབ་སྦྱོར་སྙིང་པོ་
D429.080.0257a07.01