完整藏文原文 · 德格版页 当前仅加载第 80 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
དང་གང་གི་ལམ་དུ་ནི། །རང་འདོད་སེམས་ཀྱི་འབད་པ་ཡིས། །ཐམས་ཅད་སྙིང་པོ་བསྡུས་ནས་ནི། །རྣལ་འབྱོར་མཆོག་ནི་བརྩམ་པར་བྱ། །རྡོ་རྗེ་ཁུ་ཚུར་དམ་བཅིངས་ནས། །སྨོན་ལམ་བླ་མེད་རྒྱུ་ཡི་ནི། །ཨོྃ་སྭ་བྷཱ་བ་ཤུདྡྷཱཿསརྦྦ་དྷརྨཱཿསྭ་བྷཱ་བ་
D429.080.0240a01.01ཤུདྡྷོ྅ཧཾ། ཡོ་ག་ཤུདྡྷཱཿསརྦྦ་དྷརྨཱ་ཡོ་ག་ཤུདྡྷོ྅ཧཾ། བཛྲ་ཤུདྡྷཱཿསརྦྦ་དྷརྨཱ་བཛྲ་ཤུདྡྷོ྅ཧཾ། སྨོན་ལམ་ཀུན་མཆོག་དོན་དུ་ནི། །ལྷ་ཉིད་དམིགས་པར་བྱ་བ་ཡིས། །རྣམ་ཤེས་རང་འདོད་པར་བྱས་པས། །སྲེད་དང་རྨོངས་པ་རྣམ་པར་སྤངས། །ཟླ་བའི་དཀྱིལ་
D429.080.0240a02.01འཁོར་དབུས་གནས་པར། །བདག་ཉིད་ལུས་ནི་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །དུང་དང་ཀུནྡ་མཉམ་པའི་འོད། །བདག་ཉིད་སེམས་དཔའི་སྐྱིལ་མོ་ཀྲུང་། །ཕྱག་ན་རྡོ་རྗེ་དྲིལ་བུ་དང་། །སྐུ་ལ་རྒྱན་རྣམས་ཀུན་གྱིས་བརྒྱན། །རྡོ་རྗེ་མེ་
D429.080.0240a03.01འོད་རབ་འཕྲོ་བ། །འཇིགས་པ་མེད་ཅིང་འཚེ་མེད་པར། །དངོས་པོ་དངོས་པོར་བསྒོམ་པར་བྱ། །ཨཱ་ལི་ཀཱ་ལི་རབ་སྦྱོར་བས། །ས་བོན་ས་བོན་བྱུང་བ་ཡི། །ཕྱག་འཚལ་བསྲེག་པ་མཐར་བཞག་པ། །རང་འདོད་པ་ཡི་སེམས་ཀྱིས་བཟླ། །རིམ་བཞིན་འགགས་
D429.080.0240a04.01པའི་ཕྱི་ནས་ནི། །བདག་མེད་ཤིན་ཏུ་མཉམ་པར་གཞག །གཟུགས་ཀུན་རྣམ་པར་དབུག་ནས་ནི། །ཁམས་གསུམ་དུ་ནི་མི་རྟོག་གོ། །ཟླ་བ་ལ་སོགས་བདག་ཉིད་མེད། །ཀུན་ནས་ཐམས་ཅད་སྟོད་པར་རིག །སྟོང་ཉིད་སྟོང་པ་སྟོང་ཆེན་དང་། །དངོས་མེད་
D429.080.0240a05.01དངོས་པོར་བསྒོམས་པ་ཡིས། །བསྒོམས་ནས་ལྷག་མའི་མཐའ་རུ་ནི། །རྣམ་ཤེས་སྒྲོན་མ་ལྟ་བུར་འབར། །དེ་ཡི་འོད་ཟེར་སྣང་བ་ཡིས། །ཁམས་གསུམ་མུན་པ་བསལ་ནས་ནི། །འབར་ཞིང་རབ་ཏུ་ཕྲ་བའོ། །རྣམ་ཤེས་ཡེ་ཤེས་སྣང་བ་ཉིད། །དངོས་དང་
D429.080.0240a06.01དངོས་པོ་མེད་པའི་དབུས། །གཟུགས་དང་གཟུགས་མེད་དབུས་ཉིད་དང་། །འདུ་ཤེས་འདུ་ཤེས་མེད་པར་ལྡན། །ཡུད་ཙམ་ལྟ་བར་རིག་པའོ། །གཟུགས་དང་སྟོང་བ་ལ་སོགས་དབུས། །འདི་ཡི་མཚན་ཉིད་མཚོན་པ་ཉིད། །འགོག་པའི་སྦྱོར་བའི་རིམ་
D429.080.0240a07.01