完整藏文原文 · 德格版页 当前仅加载第 80 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཁྲོ་བའི་ཚུལ་གྱིས་ནི། །ལྷ་མོའི་སྙིང་པོ་ཉིད་དུ་ཐིམ། །ཉི་མའི་ལག་པའི་གདན་ལ་ནི། །ཟླ་བའི་ལག་པས་རེག་བྱས་ལ། །དེ་ཡིས་འཁྱུད་ཅིང་འཁྱུད་ནས་ནི། །ལྷ་མོའི་ཡེ་ཤེས་ཉིད་དུ་ཐིམ། །ལྟོ་བའི་ཡེ་ཤེས་མེ་ཡི་ལྷ། །དེ་ཡི་
D429.080.0248a01.01གནས་སུ་ཚིམ་པར་བྱ། །ཤེས་རབ་ཐབས་ལ་ཐིམ་པ་ཡིས། །གཉིས་མེད་སྦྱོར་བས་ཚིམ་པ་ཉིད། །ཨོྃ་ཧ་ཧོ་ཧྲཱིཿཨ། ས་བོན་ཆེན་བོའི་ས་བོན་ནི། །འདི་ཡིས་ས་བོན་བསམ་པར་བྱ། །རིམ་པ་འདི་ཡིས་མཆོད་པ་ནི། །སྨན་གྱི་རྒྱུར་ནི་མ་ཡིན་ནོ། །ལྷ་
D429.080.0248a02.01མོ་བཀྲེས་དང་སྡུག་བསྔལ་འཕྲོག །སྒེག་ཅིང་སྙན་པར་སྨྲ་བ་དང་། །ང་རྒྱལ་མེད་པའི་ང་རྒྱལ་བྱེད། །བརྩོན་མེད་པ་ཡི་བརྩོན་འགྲུས་བཅས། །ཀུན་ནས་སྐལ་ལྡན་ལྷ་མོས་ནི། །རྨོངས་བྱེད་འཇིགས་དང་འགུགས་པར་བྱེད། །ཡིད་མི་གཞུངས་དང་ངོ་
D429.080.0248a03.01ཚ་འཇིགས། །ལྷ་མོ་སྙན་མས་འཇོམས་པར་བྱེད། །དེ་ལྟར་ཡོན་ཏན་ལྷ་མོ་ལྡན། །ཡིད་འོང་བདུད་རྩི་སྙན་པ་མོ། །འདོད་དང་ཐར་པའི་གོ་འཕང་གནས། །གང་ཞིག་ལྷ་མོ་འདི་ཡི་ལམ། །ཆུ་སྦྱར་ནེ་ཙོ་གཏམ་དང་ནི། །སྒེག་དང་གར་ནི་ལྔ་ལྡན་
D429.080.0248a04.01པའོ། །ལྷ་མིན་བརྩོན་འགྲུས་བདུན་པ་སྟེ། །དྲན་པ་ཉམས་བྱེད་བརྒྱད་པའོ། །ལྷ་མོ་ཕོ་ཉ་བརྒྱད་ཀྱི་ལས། །མྱུར་དུ་སེམས་ནི་འཕྲོག་པའོ། །རྣལ་འབྱོར་བ་ཡི་བདག་ཉིད་སེམས། །འདོད་པའི་སེམས་ཀྱི་རྣམ་པར་བྱེད། །ཇི་ལྟར་གསུངས་པའི་
D429.080.0248a05.01མཚན་ཉིད་ཀྱིས། །འབད་པས་ཐང་ཀ་སྣ་ཚོགས་དགྲམ། །པདྨའི་གདན་ལ་བཞུགས་པ་ནི། །ཉི་མའི་དཀྱིལ་འཁོར་གྱིས་བརྒྱན་པར། །ཀུན་ནས་ཕོ་ཉ་བརྒྱད་པ་ནི། །བུད་མེད་གཟུགས་སུ་དེ་ཡི་ཚུལ། །ཕྱོགས་ཀྱི་མདོག་དང་མདོག་ཏུའོ། །གཟུགས་
D429.080.0248a06.01མཛེས་ཡོན་ཏན་ལྡན་པ་ཡི། །དུང་ཆེན་ལ་སོགས་ལག་པ་ན། །གནས་དང་གནས་ལ་བདུད་རྩིའི་ཆུ། །ཤ་ལྔ་ཡི་ནི་སྣོད་ལ་སོགས། །བཟའ་དང་སྟོན་མོས་ཉེ་བར་མཛེས། །དེ་ཡི་གཟུགས་བརྙན་མདུན་དུ་ནི། །མཁས་པ་ཡིས་ནི་བསྒྲུབ་པར་བྱ། །
D429.080.0248a07.01