完整藏文原文 · 德格版页 当前仅加载第 80 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱིས་ཡོངས་སུ་སྐྱོབ། །ཀྱེ་མ་སྟོང་བ་ཉིད་ཀྱི་མཐུས། །དངོས་ཀུན་རྣམ་པར་མནན་པའོ། །སངས་རྒྱས་འབྲས་བུ་རབ་སྟེར་བའི། །མཁས་པ་ཡིས་ནི་གཟུང་བར་བྱ། །རྨོངས་པ་བཅད་པའི་དོན་དུ་ནི། །དུས་གསུམ་དུ་ནི་ཚིགས་བཅད་བརྗོད། །འཆག་
D429.080.0255b01.01དང་ཉལ་དང་འགྲོ་བ་དང་། །འདུག་དང་འགྲོ་བ་ཐམས་ཅད་དུ། །སྔགས་ཀྱི་སྦྱོར་བ་བརྟན་བྱས་ནས། །སེམས་དང་སེམས་ཀྱིས་ཉལ་བར་བྱ། །སྐྱེ་དང་སྐྱེ་བར་བརྒྱུད་པ་ཡི། །འབྱུང་བ་ལྔ་ཡི་ལུས་ཀྱི་སྡིག །ཉིན་མཚན་གཉིས་ཀྱི་སྤྱོད་པ་ཡིས། །
D429.080.0255b02.01ལུས་ཀྱི་དྲི་མ་དག་པ་ཉིད། །ཟླ་བ་དྲུག་ཏུ་སྤྱད་བྱས་པས། །རང་འདོད་ལྷ་ནི་འགྲུབ་པའོ། །བརྟུལ་ཞུགས་སྤྱད་པའི་རྣལ་འབྱོར་པས། །མི་ཤེས་པས་ཀྱང་ཡེ་ཤེས་འཐོབ། །དེ་ལྟར་ཡོན་ཏན་རང་བཞིན་ཞིང་། །བརྟུལ་ཞུགས་སྤྱོད་པ་ཡི་ནི་རྒྱུ། །བརྟུལ་
D429.080.0255b03.01ཞུགས་སྦྱོར་བ་སྦྱོར་བ་ཡིས། །ཐམས་ཅད་རྨོངས་པ་རྣམ་པར་སྤངས། །ཐབས་ཀྱི་མཚན་ཉིད་མཚོན་པ་ཡིས། །མཉམ་ཉིད་ལྟ་བ་རྫོགས་བྱས་ནས། །རྣམ་དག་ལྟ་བ་འབའ་ཞིག་གོ། །ཀུན་ནས་སྟོང་པ་མཉམ་པའི་རོས། །དངོས་པོ་ཀུན་གྱི་མཚན་
D429.080.0255b04.01ཉིད་མེད། །ཀུན་ནས་སྟོང་པ་ཉིད་ཀྱི་མཐར། །རྣམ་པར་རྟོག་པ་ཇི་ལྟ་བུར། །རྨོངས་པས་བརྟགས་ཤིང་རྣམ་བརྟགས་པའི། །དག་པའི་སེམས་དང་སེམས་པར་བཅས། །རྨོངས་པ་ཉོན་མོངས་རྒྱ་མཚོའི་ལུས། །འདོད་པ་ཁྲོ་བོའི་གཞི་དེ་ནི། །རྣོ་
D429.080.0255b05.01བའི་སེམས་ཀྱིས་རྨོངས་པ་ནི། །ཡེ་ཤེས་ལྡན་པའི་ལུས་ཀྱི་དབྱེ། །སྣུམ་པའི་བཟའ་དང་འཇམ་པའི་གོས། །སྣ་ཚོགས་དབང་བོས་རེག་པ་ཡིས། །གཏི་མུག་ཆགས་པས་གོ་བཟློག་པས། །སྲིད་པར་ལྟུང་བའི་ལས་སུ་འགྱུར། །ལས་ནི་བྱ་བའི་དབང་
D429.080.0255b06.01པོར་འགྱུར། །རྨོངས་པ་ཡེ་ཤེས་མི་རྟག་པའོ། །འདོད་དང་ཁྲོ་དང་ང་རྒྱལ་འཇོམས། །སྲིད་པར་འཆིང་བའི་བཟའ་བའོ། །འབྱུང་པོ་འབྱུང་ལ་བརྩེ་བ་དང་། །ཀུན་ནས་སྡིག་པ་མི་བརྟག་གོ། །མགོན་མེད་སྡུག་བསྔལ་ཕོངས་པ་ལ། །ནོར་བས་
D429.080.0255b07.01