完整藏文原文 · 德格版页 当前仅加载第 80 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་མེད་སེམས་ཀྱི་ལོངས་སྤྱོད་པའོ། །རྨོངས་པའི་གནས་དང་གནས་སུ་ནི། །སྲིད་པའི་ངོ་བོ་ཉིད་དུ་མཆོད། །རྨོངས་པ་གཅོད་སོགས་རྣལ་འབྱོར་པ། །སྲིད་པའི་འདམ་སོགས་རྒལ་དཀའ་བ། །དག་པའི་ཆོས་ཀྱི་སྒྲོན་མ་ཡིས། །སྒྲིབ་པའི་མཚན་མ་
D429.080.0241b01.01འཇོམས་པ་ཡི། །ཆོས་དག་པ་ཡི་ཐབས་ཀྱིས་ནི། །དག་པའི་ལུས་ནི་སྐྱོན་མེད་པའོ། །དངོས་དང་དངོས་མེད་ལྡན་པ་ཡིས། །ལེགས་བྱས་ཉེས་བྱས་འདུ་ཤེས་ཅན། །འདོད་ཆགས་ལ་སོགས་ཉོན་མོངས་དག །རྒྱ་མཚོ་ལྟ་བུར་གཏིང་དཔག་དཀའ། །
D429.080.0241b02.01བཅུ་གཉིས་ལུས་ཀྱི་བདག་ཉིད་ཅན། །རྨོངས་པ་ཡེ་ཤེས་རྣམ་པར་གནས། །དག་པའི་ཆོས་ཀྱི་ཆུ་ཡིས་ནི། །ལྷན་ཅིག་གནས་པའི་དྲི་མ་འཁྲུ། །རང་བཞིན་པདྨའི་དབྱེ་བ་ཡིས། །ཉོན་མོངས་ལ་སོགས་གདུང་བ་གཅོད། །རྣམ་རྟོག་འཇིགས་པ་ཆེན་པོ་
D429.080.0241b03.01ནི། །སྲིད་པའི་རྒྱུ་སྟེ་མེ་བཞིན་ནོ། །དེ་ཕྱིར་རྣམ་རྟོག་རིང་དུ་སྤང་། །རྣལ་འབྱོར་བ་ཡི་འགྲོ་བ་རྟོགས། །མཉམ་ཉིད་སེམས་ནི་བསྐྱེད་བྱས་ནས། །ཀུན་ནས་ཐམས་ཅད་མཉམ་པར་བལྟ། །རབ་ཏུ་མི་གནས་མིང་ཅན་ལ། །ལས་དང་ལས་ཀྱི་མཚན་
D429.080.0241b04.01ཉིད་མེད། །བདུད་རྩི་ལྔ་ཡི་རང་བཞིན་ཡང་། །བདུད་རྩིས་ལུས་ནི་ཚིམ་པར་བྱ། །རྟག་ཏུ་བདུད་རྩིས་མཆོད་པའོ། །དངོས་སུ་མེད་ན་རྣམ་པར་བརྟག །ལྕགས་ཀྱུ་རྣམ་པ་ལྔ་དྲངས་ནས། །ཐམས་ཅད་ཀུན་ནས་རིམ་པས་མཆོད། །སྦྱོར་བས་
D429.080.0241b05.01མཁའ་འགྲོ་ལ་སོགས་ནི། །བདག་ཉིད་དབང་དུ་མྱུར་དུ་འགྱུར། །རྟག་ཏུ་དེ་ཉིད་ཀྱིས་བཟའ་ཞིང་། །མེད་ན་གཞན་ལས་རྣམ་པར་བརྟག །གཤེར་བའི་བདུད་རྩི་ཀུན་ནས་བས་མ། །བཟའ་བ་ཡང་ན་ཤ་ཉིད་དུ། །རྟག་ཏུ་དགའ་བའི་ངོ་བོ་ཡིས། །རྟགས་
D429.080.0241b06.01དང་རྣམ་རྟོག་རྣམ་པར་སྤངས། །རང་བཞིན་དག་པའི་དཔའ་བོ་ནི། །དག་པའི་ལུས་སུ་གདོན་མི་ཟ། །རྟག་ཏུ་རྣལ་འབྱོར་བ་སྤངས་པ། །བགྲོད་དང་བགྲོད་མིན་རྣམ་པར་སྤངས། །ལོ་མའི་དང་ནི་འདབ་མའི་རྒྱུ། །སྣོད་ལ་ཐམས་ཅད་མྱུ་གུའི། །དེ་ཡི་པདྨ་
D429.080.0241b07.01