完整藏文原文 · 德格版页 当前仅加载第 80 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་ཚན་བདུན་པ་ནི། །ནོར་བུར་སྒོང་ལྡན་བཟླས་ནས། །ཐིག་ལེ་ཙམ་ཞིག་ཟོས་པ་ཡིས། །མོང་ལ་ཚོར་བ་མི་བཟད་འབྱུང་། །ས་ཡལ་སོགས་སྡེ་ཚན་དང་། །ཉི་ཤུར་ར་ཡི་ཆུ་ཡིས་སྤངས། །ཅུང་ཞིག་ཙམ་ཞིག་ཟོས་པ་ཡིས། །ཉི་མ་ཉི་ཤུ་ན་
D429.080.0239a01.01དེ་འཆི། །དན་ཏི་མཚམས་ཀྱི་སྲིན་བུ་དང་། །མར་དང་སྦྲང་རྩི་སྦྱར་ནས་ནི། །བཟའ་དང་བཏུང་བ་ཟོས་ནས་ནི། །མཛེ་ནད་ཀྱིས་ནི་ཡན་ལག་གཟིར། །མཚམས་སོགས་ཐང་ཆུའི་སྲིན་བུ་ནི། །བཟའ་དང་བཏུང་བར་རབ་བྱིན་ན། །རྣམ་པར་རྨོངས་ཤིང་དྲན་པ་ཉམས། །
D429.080.0239a02.01དེ་ཉིད་མེད་ཅིང་མཉམ་གཞག་མེད། །རབ་སྦྱོར་སྙིང་པོ་བསྡུས་པ་ཉིད། །གསང་ཞིང་གསང་བར་བྱས་པ་ཡི། །རྨོངས་ཤིང་བླུན་པའི་སེམས་ཅན་སོགས། །སྦྱོར་བ་འདི་ཡིས་ལོངས་སྤྱོད་ལྡན། །དཀོན་མཆོག་གསུམ་ལ་བརྙས་པ་དང་། །སློབ་དཔོན་དང་ནི་
D429.080.0239a03.01གསང་སྨོད་དང་། །སྡིག་གིས་གོས་པར་མི་འགྱུར་བ། །རྣལ་འབྱོར་མ་ནི་ཀུན་གྱིས་གསུངས། །ཉོན་མོངས་རྨོངས་སོགས་བག་ཆགས་དང་། །ཤེས་རབ་ཞན་ཅིང་ཡིད་མི་གཞུངས། །སྔགས་ཀྱི་སྣོད་མིན་སྙིང་རྗེ་མེད། །སྨན་གྱི་བྱ་བ་ལ་འཇུག་པའོ། །གདན་
D429.080.0239a04.01བཞི་པ་ཡི་རྒྱུད་ཀྱིས་ནི། །གསུམ་པ་ཡི་ནི་གསུམ་པའོ། །དེ་ཡི་སྦྱོར་བ་མཐོང་ནས་ནི། །བརྡ་ཡི་སྐད་ཀྱིས་བསྡུས་པའོ། །ལེའུ་བཞི་པ་ཞེས་བྱ་པ་རྫོགས་སོ།། །།དེ་ཡི་རྩ་བའི་སྙིང་པོའི་དོན། །སྔགས་ཀྱི་སྦྱོར་བའི་རིམ་པ་ཡི། །དེ་ཉིད་བསྡུས་པའི་འགྲུབ་
D429.080.0239a05.01པའོ། །དེ་ཉིད་སྨན་པས་ལུས་ཉོན་མོངས། །ཤེས་རབ་ཐབས་ནི་རྒྱུར་གྱུར་པས། །རང་འདོད་ལས་ནི་བསྒྲུབ་པར་བྱ། །ཤེས་རབ་ཡེ་ཤེས་སྣང་བའོ། །ཐབས་ནི་རིགས་པའི་ཚུལ་ཉིད་དོ། །རྣལ་འབྱོར་ཤེས་རབ་རྩ་བ་འདི། །ཐབས་ནི་དེ་ཡི་གྲོགས་ཉིད་དོ། །
D429.080.0239a06.01གང་ཞིག་ཐབས་དང་ཤེས་རབ་ལྡན། །ཉོན་མོངས་ལུས་ལས་རྣམ་པར་རྒྱལ། །སྲིད་པའི་ཉེས་སྐྱོན་དུ་མ་ཡང་། །སྲིད་པ་དང་ནི་རྨོངས་པ་གཞི། །དངོས་པོའི་གནས་ནི་མི་རྟག་པས། །དེ་ཕྱིར་ཤེས་རབ་ཡོངས་སུ་སྤངས། །དངོས་མེད་དངོས་པོ་ཡང་མ་ཡིན། །སྐྱེ་
D429.080.0239a07.01