完整藏文原文 · 德格版页 当前仅加载第 80 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
མི་བཟད་ཀུ་ཅོ་རབ་སྒྲོགས་ན། །འཇིགས་པར་མི་འཇོམས་པར་འགྱུར། །དབུང་གི་ཚོགས་ནི་ཡན་ལག་བཞི། །རྒྱལ་བོ་མྱུར་དུ་འོང་འགྱུར་ན། །དེ་ལ་ཚམ་དམ་སྦྱིན་པར་བྱ། །རི་རབ་རི་ལ་སོགས་པ་དང་། །ས་གཞི་འུར་འུར་འགུལ་བ་
D429.080.0241a01.01དང་། །སྣ་ཚོགས་མི་བཟད་དྲི་དང་ནི། །འདྲེན་པའི་སེམས་ནི་འཇིག་མི་བྱ། །སེམས་ཅན་ཆེན་པོའི་རྣལ་འབྱོར་པས། །ཁྲི་ཕྲག་གཅིག་ཏུ་བསྲེག་བྱས་ན། །རྡོ་རྗེ་མཁའ་འགྲོ་བདུན་ཉིད་ནི། །འགྲུབ་པར་འདི་ལ་ཐེ་ཚོམ་མེད། །སྔགས་དང་ཕྱག་རྒྱའི་བྱ་
D429.080.0241a02.01བ་དང་། །གཏོར་མའི་ལས་དང་ལས་ཉིད་དང་། །ལུས་ལ་ལྟོས་བ་མེད་པ་ཡིས། །འགྲུབ་པར་འདི་ལ་ཐེ་ཚོམ་མེད། །ཕྱི་ནས་ཡེ་ཤེས་ལྷ་མོ་ནི། །མེ་ཡི་དབུས་སུ་སྟོན་པར་བྱེད། །བདུད་རྩི་ལྔ་དང་ལྡན་པ་ཡིས། །གཏོར་མ་དང་ནི་ཨརྒྷཾ་དབུལ། །ཟབ་
D429.080.0241a03.01ཅིང་རྒྱ་ཆེར་སྒྲོགས་པ་ཡི། །དེ་ལ་ལྷ་མོ་ཚིག་ཏུ་བརྗོད། །སེམས་ཅན་ཆེན་པོ་ཅི་ཞིག་འགྲུབ། །གང་འདོད་དངོས་གྲུབ་རབ་ཏུ་སྨྲོས། །དེ་ལ་སྒྲུབ་པོས་སྨྲས་པ་ནི། །དངོས་གྲུབ་ཆེན་པོ་འགྲུབ་ལྡན་པའི། །གལ་ཏེ་མཆོག་གི་དངོས་གྲུབ་འདོད། །གྲུབ་པ་བརྒྱད་
D429.080.0241a04.01ནི་གསོལ་བ་གདབ། །བདུད་དང་ཉོན་མོངས་གཟའ་སོགས་ཀྱིས། །གལ་ཏེ་ཡིད་གཉིས་སྐྱེས་ནས་ནི། །ཏིལ་མར་ཆེན་པོ་དང་ལྡན་པའི། །ལྕགས་ཀྱུ་ཆེན་པོ་སྦྱིན་སྲེག་བྱ། །རྡོ་རྗེ་སེམས་དཔས་གསུངས་པ་བཞིན། །འགྲུབ་པར་འདི་ལ་ཐེ་ཚོམ་མེད། །
D429.080.0241a05.01དངོས་གྲུབ་ཐམས་ཅད་རབ་སྟེར་བའི། །མཆོག་གི་ལྷ་མོ་བསྒྲུབ་པ་ནི། །ལུས་དང་སྲོག་ལ་མི་ལྟོས་པར། །མཁས་པ་ཡིས་ནི་བསྒྲུབ་པར་བྱ། །དེ་ནས་ཡེ་ཤེས་དེ་ཉིད་མཆོག །ཤིན་ཏུ་ཕྲ་ལ་རབ་ཞི་བ། །གཟུང་དང་འཛིན་པ་རྣམ་པར་སྤངས། །འབྱུང་བ་
D429.080.0241a06.01ཀུན་ལ་འདིས་ཁྱབ་པ། །འོད་ཀྱི་བདག་ཉིད་གནས་པའི་མི། །མ་རིག་ཉོན་མོངས་གཅོད་བྱེད་པ། །སྲིད་པ་ལ་སོགས་ཉོན་མོངས་རྣམས། །གང་དུག་ནས་ཀྱི་རྣམ་པ་འབྱུང་། །ལུས་ལ་སེམས་ཤིང་སེམས་པ་དང་། །བཅུ་གཉིས་དུས་ཀྱི་གནས་སུ་ཡང་། །
D429.080.0241a07.01