完整藏文原文 · 德格版页 当前仅加载第 81 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ཀྱི་ལེའུ་སྟེ་གསུམ་པའོ།། །།དེ་ནས་དབང་གི་ལེའུ་བཤད་པར་བྱ་སྟེ། དང་པོར་ནག་པོ་ཆེན་པོ་ཕྱག་གཉིས་པའི་སྔགས་སྟོང་ཕྲག་བཅུ་བཟླས་ལ་སློབ་མ་ལ་དབང་བསྐུར་ཏེ། ཐོག་མར་བུམ་པའི་དབང་བསྐུར་བ་ཐུབ་པ་དྲིལ་བུའི་སྒྲ་དང་། རྡོ་རྗེའི་སྦྱོར་བ་དང་
D440.081.0049b01.01ལྡན་པས་ཆུ་ལ་སོགས་པ་དབང་ལྔ་རྣམས་ཀྱི་བྱེ་བྲག་གིས་སོ། །དྲུག་པ་ལ་རྡོ་རྗེའི་རིམ་པ་རྣམས་ཀྱིས་དང་། བདུན་པའི་དབང་བསྐུར་བའི་བྱེ་བྲག་ནི་ཇི་ལྟ་བར་ཤེས་རབ་དང་མཉམ་པར་སྦྱོར་བའོ། །བརྒྱད་པ་ཞེས་པ་ནི་འདི་ལ་རྣལ་འབྱོར་མས་ཡོངས་སུ་འཁྱུད་པའོ། །དགུ་པ་
D440.081.0049b02.01ལ་སྐྱེས་བུ་ཉིད་ལ་རྗེས་སུ་སྐྱེ་བའོ། །བཅུ་པ་ལ་ནམ་མཁའི་ཆུ་རྣམས་ཀྱིས་སོ། །བཅུ་གཅིག་པ་རྣམས་ཀྱིས་ཀྱང་རིམ་པས་ཡང་དག་པའི་རིག་པས་བསྒྲུབས་པས། གནས་དང་གནས་སུ་རྗེས་སུ་འབྱུང་བ་ཐུབ་པ་ཀ་པི་ལ་བརྞྞ་ཤི་བ་ཇི་ལྟ་བར་རིམ་པས་ཞི་བའི་ཡེ་ཤེས་སྒྲུབ་པ་
D440.081.0049b03.01འདི་གསང་ལ་སྤྱད་པར་བྱ་བ་བདུད་རྩི་ལྔ་དང་ཤེས་རབ་མ་འདི་རྣམས་ཀྱིས་སོ། །མ་དང་། སྲིང་མོ་དང་། བྱ་རོག་རྐང་མ་དང་། མི་ཐུང་མ་དང་། སྒུར་མོ་རྣམས་དང་ཡང་དག་པར་སྦྱོར་བར་བྱ་བ་དང་། ཇི་ལྟར་བཀའ་སྩལ་པ་ལྟར་མིང་ཐམས་ཅད་ཡང་དག་པར་བཟུང་ངོ་། །
D440.081.0049b04.01དེ་ལྟར་བྱས་ན་མངའ་བདག་ལས་དབང་བསྐུར་ཇི་ལྟ་བ་བཞིན་ཉེ་བར་འགྱུར་རོ། །བླ་མས་སློབ་མ་བརྟགས་ལ་སྦྱིན་པར་བྱའོ། །མངའ་བདག་ཁྱོད་ཐབས་དང་ལྡན་པས། བདག་ཉིད་ཆེན་པོ་བདག་ཅག་གིས་མིང་ཐམས་ཅད་སྤྱད་པས་སེམས་ཅན་གྱི་སྡུག་བསྔལ་སྤོང་བ་ཇི་ལྟ་བའི་ལམ་
D440.081.0049b05.01གསུངས་པ་ཞིག་བཅོམ་ལྡན་འདས་སྐྱེ་བོ་རྣམས་ཀྱི་དོན་དུ་གང་ཡིན་པ་དེ་དབང་གི་དོན་བྱེ་བྲག་གི་རིམ་པ་ལས་ཇི་ལྟ་བར་ཤེས་པར་མཛོད་ཅིག །དུས་དང་ཚོད་ཇི་ལྟ་བར་ཤེས་པ་ལས་སོ། །དཔལ་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་དབང་གི་རིམ་པར་ཕྱེ་བ་སྟེ་ལེའུ་བཞི་
D440.081.0049b06.01པའོ།། །།དེ་ནས་ཡང་ལྷ་རྣམས་དབང་བསྐུར་བ་བཤད་པར་བྱ་སྟེ། དང་པོར་ལྷ་མོ་ལ་སོགས་པ་རྣམས་ཀྱིས་བུམ་པའི་དབང་བསྐུར་བར་བྱའོ། །ལྷ་མོ་བརྒྱད་རྣམས་ཀྱིས་ནི་བདུད་རྩིས་སོ། །མཆོད་ཡོན་དང་ཞབས་བསིལ་བྱིན་ནས་བསྟོད་པ་དང་། སྔགས་
D440.081.0049b07.01