完整藏文原文 · 德格版页 当前仅加载第 81 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་སྐར་མའི་ལེའུ་སྟེ་བཞི་བཅུ་རྩ་བདུན་པའོ།། །།གཞན་ཡང་ནམ་ཡིད་ཆེས་པའི་དུས་སུ་མཁས་པས་རྒྱུ་བའི་རྩ་གཉིས་མནན་པར་བྱ་ཞིང་། ཤིན་ཏུ་དགའ་བ་ལ་སོགས་པ་ལ་ཉེ་བར་གནས་ནས་ཤེས་
D440.081.0086a01.01བྱ་ཐམས་ཅད་ལྟེ་བའི་དཀྱིལ་འཁོར་དུ་མནན་ན་འགྲོ་བ་རྣམས་ཀྱི་བདེ་བ་ཐེ་ཚོམ་མེད་པར་ཐོབ་པ་ནི་ཡུལ་རྣམས་ཡེ་ཤེས་ཀྱི་མེས་བསྲེགས་ནས་སྒྱུ་མ་སྣང་བའོ། །མ་འོངས་པའི་དུས་ནའང་འགྲོ་བ་རྣམས་ཀྱིས་ཤིན་ཏུ་ཡོངས་སུ་དག་པ་དྲི་མ་མེད་པ་བསམ་དུ་མེད་པའི་
D440.081.0086a02.01ཞིང་བཟང་པོར་སྐྱེ་བར་འགྱུར་རོ། །རྣལ་འབྱོར་འདིས་འོ་མ་འཐུངས་ན་ལྦུ་བ་ལྟར་དྲི་མ་མེད་པར་འགྱུར་རོ། །རླུང་ཕྱིར་འདོན་ཅིང་དག་པར་བྱས་ན་དགེ་བ་བསམ་པ་འགྲུབ་པར་འགྱུར་རོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་དགེ་བ་བསམ་པའི་ལེའུ་སྟེ་བཞི་བཅུ་
D440.081.0086a03.01རྩ་བརྒྱད་པའོ།། །།ལྷ་མོས་གསོལ་པ། བཅོམ་ལྡན་འདས་ལམ་གྱི་ཆོ་གའི་རིམ་པ་བཤད་དུ་གསོལ། གང་གིས་གང་སྦར་ལ་སྦྱིན་བསྲེག་བྱ། སྙིང་རྗེ་དང་ལྡན་པས་སེམས་ཅན་ཐམས་ཅད་བདེ་བ་ལ་ཇི་ལྟར་དགོད། དང་པོར་དངོས་གྲུབ་འདོད་པའི་སྔགས་བཟླས་པ་བྱས་ནས་སྦྱིན་
D440.081.0086a04.01བསྲེག་བྱའོ། །མྱུར་བ་ནི་རྟག་པ་བསྟན་ན་བདེ་བའི་རང་བཞིན་ཡེ་ཤེས་གོ་སྟེ། སྐད་ཅིག་དེ་ལ་ལུས་ཅན་རྣམས་ཀྱིས་ཡེ་ཤེས་འཐོབ་པར་འགྱུར་རོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་ལམ་གྱི་ཆོ་གའི་རིམ་པའི་ལེའུ་སྟེ་བཞི་བཅུ་རྩ་དགུ་པའོ།། །།གཞན་ཡང་ཨ་ཐརྦ་ཤ་བ་རཱིའི་
D440.081.0086a05.01སྔགས་ཀྱི་ལེའུ་བཤད་པར་བྱའོ། །ཨོཾ་སརྦ་མནྟྲ་ཎི་དཱ་ནཾ་ཀྵེ་མཾ་རྃ་ཧཱུྃ་ཀྵཿཧཿཞེས་པའི་སྔགས་ཀྱི་རྒྱལ་པོ་འདི་ཕོགས་གཅིག་བཀླགས་པ་ཙམ་གྱིས་སྒྲུབ་པ་པོ་རྣམས་ཀྱི་སྡིག་པ་ཐམས་ཅད་ཚེགས་མེད་པར་ཟད་པར་འགྱུར་རོ། །འདི་ནི་དཔལ་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་ཨ་ཐརྦ་ཤ་བ་རཱིའི་སྔགས་ཀྱི་ལེའུ་
D440.081.0086a06.01སྟེ་ལྔ་བཅུ་པ་རྫོགས་{སྷོ,སོ}།། །།ལྡང་འཕྲུལ་གྱི་གཙུག་ལག་ཁང་ཆེན་པོ་ར་ས་ར་མོ་ཆེར་ཕ་རྒྱལ་ཁམས་པས་ཞུས་པའི་དོན་དུ། པཎྜི་ཏ་ཆེན་པོམནྟ་ཤྲཱི་དང་། ཞུ་ཆེན་གྱི་ལོ་ཙཱ་བ་རྭ་དགེ་སློང་ཆོས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་བ།། །།
D440.081.0086a07.01