完整藏文原文 · 德格版页 当前仅加载第 81 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུའོ། །ལྷ་མོས་གསོལ་པ། ཀྱཻ་བཅོམ་ལྡན་འདས་སེམས་ཅན་རྣམས་ཀྱི་བདེ་བ་ཕུན་སུམ་ཚོགས་པའི་རྒྱུ་ཉེ་བར་བསྟན་པར་བྱ་བའི་དོན་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཟླ་བ་གཟས་ཟིན་པའི་དུས་སུ་སྨན་ཏ་ཀ་རིའི་རྩ་བ་དང་། ཨུཏྤལ་
D440.081.0058a01.01མ་དྷི་ཀའི་རྩ་བ་དང་། དེའི་རྩ་བ་ཡོངས་སུ་བཟུང་ནས་བཞག་སྟེ། སྨིན་དྲུག་གི་ཟླ་བ་ལ་ཉི་མ་གཟས་ཟིན་པའི་དུས་སུ་ལྕགས་གསུམ་གྱིས་ལེགས་པར་ཡོངས་སུ་དཀྲིས་ནས་ཁར་བཅུག་ན་རིལ་བུའི་དངོས་གྲུབ་ཏུ་འགྱུར་རོ། །ཉིན་རེ་བཞིན་དུ་ཉི་མ་དང་པོ་ལ་བ་ཏིའི་རྩ་བ་དང་།
D440.081.0058a02.01གཉིས་པ་ཐོག་གིས་ལྷུང་བའི་ཤིང་དང་། གསུམ་པ་ལ་ནི་རེ་ཀེ་ལ་དང་། བཞི་པ་ལ་སེ་བའི་འབྲས་བུ་དང་། ལྔ་པ་ལ་བུད་མེད་ཀྱི་ཁྲག་དང་། དྲུག་པ་ལ་དངོས་གྲུབ་མཆོག་གོ། །བཅོམ་ལྡན་འདས་ཀྱིས་རིལ་བུའི་དམ་ཚིག་སྤྱད་པའོ། །གཞན་དུ་ནི་དངོས་གྲུབ་ཏུ་མི་འགྱུར་རོ། །
D440.081.0058a03.01རྒྱལ་གྱི་ཟླ་བའི་ནག་པོའི་ཕྱོགས་ཀྱི་བཅུ་བཞི་ལ། བི་ཌཱ་ལའི་རྩ་བ་དང་། ལཛྫ་ལུའི་མེ་ཏོག་རྣམས་གཅིག་ཏུ་བྱས་ནས་{གོ་རིམས་,གོ་རིམ་}བཞིན་དུ་ལུས་ལ་བྱུགས་ན་ཇི་ལྟར་རིགས་པར་རིལ་བུའི་དངོས་གྲུབ་འགྲུབ་པར་འགྱུར་རོ། །ཛ་ལུའི་རྩ་བ་དང་། སྲོད་ཀྱི་དུས་སུ་རིལ་བུ་བྱས་ལ་དངུལ་ཆུ་
D440.081.0058a04.01དང་བསྲེས་ལ་བྱུག་པ་བྱས་ན་མི་མཐོང་བར་འགྱུར་རོ། །ནག་པོའི་ཕྱོགས་ཀྱི་ཚེས་བརྒྱད་ལ་མི་གྲིར་ཤི་བའི་ཤ་དང་ཁྲག་བླངས་ནས་ཕྱག་དྲུག་པའི་མགོན་པོ་ནག་པོ་བསྒོམས་ལ། ཉི་མ་ཤར་བའི་དུས་སུ་བདུད་རྩིའི་རིལ་བུ་ཁར་བཅུག་ན་མི་མཐོང་བར་འགྱུར་རོ། །གཟའ་མིག་དམར་ལ་སྨན་
D440.081.0058a05.01མ་ཧཱུ་ག་ག་ས་བོན་རང་གི་ཁུ་བ་དང་བསྲེས་ཏེ་ལྕགས་གསུམ་གྱི་ཕྱེ་མ་དང་བསྲེ་བ་བྱས་ནས། པད་ཏྲ་པི་ཤ་ཙིའི་ཁུ་བ་དང་ཡོངས་སུ་བསྲེ་བ་བྱས་པ་བྱི་བླའི་མཁྲིས་པ་དང་རིལ་བུ་བྱས་ནས་ཉི་མ་བདུན་དུ་དུར་ཁྲོད་དུ་སྦས་ཏེ། མཚན་མོའི་དུས་སུ་བླངས་ནས་ཇི་ལྟར་བགེགས་མེད་པར་བྱ་བའི་
D440.081.0058a06.01ཕྱིར། ནག་པོ་ཆེན་པོ་ཕྱག་བཅུ་དྲུག་པའི་སྔགས་བཟླས་ལ་སྲུང་བའི་དོན་དུ་ལན་བདུན་དུ་གཏོར་མ་སྦྱིན་པར་བྱའོ། །དེས་དེར་བགེགས་ཞི་བར་འགྱུར་ཏེ། འཕོངས་སུ་བཅུག་ན་ལམ་ནས་འགྲོ་ན་ཡང་མི་མཐོང་བར་འགྱུར་རོ། །ཙ་ཏྲ་ས་ཀུ་ལ་མཉམས་པ་དང་དུར་ཁྲོད་ཀྱི་སོལ་བ་
D440.081.0058a07.01