完整藏文原文 · 德格版页 当前仅加载第 81 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་ནས་རང་བྱུང་སྲེག་བླུགས་ལྔ་བརྒྱ་དབུལ་བར་བྱའོ། །ཨོཾ་ཀ་རཱ་ལ་བི་ཀྃ་རཱ་ལ་མ་ཧ་ན་ད་ཧཱུྃ་གྲྀཧྞ་གྲྀཧྞ་ཀཾ་ཏྲ་གི་སྭཱ་ཧཱ། སྲེག་བླུགས་ཀྱི་སྔགས་སོ། །འདི་ནི་དངོས་གྲུབ་ཀྱི་སྔགས་ཏེ་དེའི་མིག་བཟུང་ནས་ཁར་བཅུག་ན་མི་སྣང་བར་འགྱུར་རོ། །འཛམ་བུའི་གླིང་ན་རྙེད་པར་དཀའ་བའི་
D440.081.0058b01.01དངོས་གྲུབ་འབྱོར་པས་ངེས་པར་འགྲུབ་པར་འགྱུར་རོ། །སོ་མ་སྐྱེས་པའི་བྱིས་པའི་ལྕེ་བླངས་ལ་ཀཉྫིའི་ནང་དུ་ཉི་མ་གཅིག་བཞག །ཉི་མ་གཉིས་པ་ལ་རའི་མར་ལ་བཞག །དེ་བཏོན་ནས་ཉི་མ་གསུམ་པ་ལ་རང་འབྱུང་གི་ནང་དུ་བཞག །དེ་ནས་དེ་རིལ་བུ་བྱས་ནས་མར་ཁུ་ཆེན་པོ་དང་
D440.081.0058b02.01བཙོས་ནས་དེ་ནས་ཉི་མ་བདུན་དངུལ་ཆུའི་ནང་དུ་བཞག་པ་དང་། ཉི་མ་ལྔ་སྦྲང་རྩིའི་ནང་དུ་བཞག །རིགས་ངན་གྱི་ཐོད་པའི་ནང་དུ་ཉི་མ་གཅིག་བཞག་པ་དེ་བླངས་པ་དང་། བྱི་ལའི་ཁྲག་བསྐུས་ནས་བསྐམས་པ་དང་། བྱ་བཟང་པོའི་ཤ་དང་ཅེ་སྤྱང་གི་ཤ་རྣམས་མཉེས་ནས་རིལ་བུ་བྱས་
D440.081.0058b03.01པ་བཙོས་ཏེ། ཁར་བཅུག་ན་མི་སྣང་བར་གྱུར་ཏོ། །ལྷ་མོ་འདི་ནི་ཤིན་ཏུ་ངོ་མཚར་བ་རྣམས་སོ། །ཤི་ཀ་དང་། ག་པུར་དང་། དེ་བཞིན་དུ་ན་ག་རཱ་དང་། མུ་རཱ་དང་། དྲི་མ་མེད་པ་དང་། ཧཱ་རཱ་དང་། སྨྱོ་བྱེད་ཀྱི་ལོ་མའི་ཁུ་བ་རྣམས་བཏགས་ནས་རིལ་བུ་བྱས་ན་རིལ་བུའི་མཆོག་གོ། །
D440.081.0058b04.01གཞན་ཡང་བཅུ་དྲུག་ནམ་གཅིག་ཏུ་བཞུགས་པ་ནི་ཚིལ་ཆེན་དང་། འཛོ་ཏི་ས་མའི་མར་ཁུ་དྲུག་ནམ་བཞི་བྲམ་ཟེའི་ཐོད་པར་མཉེས་པ་དང་། གིང་ཧེ་ཀའི་མར་ཁུ་དང་། སོལ་བའི་ལོ་མའི་ཁུ་བ་ལུས་ལ་བྱུགས་ན་ངེས་པར་མི་མཐོང་བར་འགྱུར་རོ། །བལ་པོའི་ཟངས་ཀྱི་སྣོད་དུ་
D440.081.0058b05.01བའི་མར་བསྐོལ་བ་དང་ཚིལ་ཆེན་བྲཧྨ་ཀཱ་པ་ལའི་ནང་དུ་གླིང་དཀར་པོ་ལ་སྡོང་བུ་བྱས་ནས་བླངས་པ་དང་ཛན་དུ་པི་ཤ་ཙིའི་ཁུ་བ་དང་། བསྲེས་པས་མིག་སྨན་དང་ཐིག་ལེ་བྱས་ན་ཡང་མི་མཐོང་བར་འགྱུར་རོ། །ཀྱཻ་བཅོམ་ལྡན་འདས་ཁྱོད་ཀྱིས་འཛམ་བུའི་གླིང་པའི་སེམས་ཅན་རྣམས་
D440.081.0058b06.01ཀྱི་དོན་དུ་གསུངས་པ། ངས་ཀྱང་རིལ་བུ་ཅུང་ཞིག་བཤད་པར་བྱའོ། །སྔགས་ཀྱི་ལེའུ་ཡིས་སྔགས་བརྗོད་པ་དེའི་སྔགས་ལན་བདུན་བཟླས་པས་གསོལ་བ་བཏབ་ན་རིལ་བུའི་དངོས་གྲུབ་མཆོག་ཏུ་འགྱུར་ཏེ། གཞན་དུ་ནི་མ་ཡིན་ནོ། །ཐམས་ཅད་དུ་ཡོངས་སུ་རྫོགས་པར་བྱས་
D440.081.0058b07.01