完整藏文原文 · 德格版页 当前仅加载第 81 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ལྕམ་པ་དང་། ཅོད་པན་ཅན་གྱི་མཁྲིས་པ་དང་། སྦྲང་རྩི་རྣམས་རབ་ཏུ་མཉེས་པའི་མིག་སྨན་མིག་གཉིས་ལ་བྱས་ན་མི་བྱ་རྒོད་བཞིན་དུ་ལྡིང་བར་འགྱུར་རོ། །དེ་ཡང་ལྷ་མོ་རྐང་མགྱོགས་ཀྱི་དངོས་གྲུབ་བཞིན་ནོ། །འདི་ལྟར་ཡང་འདི་ནི་དངོས་གྲུབ་སླ་བའོ། །
D440.081.0063a01.01འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་མིག་སྨན་གྱི་ལེའུ་སྟེ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་གསུངས་པ། འཛམ་བུའི་གླིང་པ་ཇི་ལྟར་མཆོག་ཏུ་བདེ་བ་གང་འདོད་པ་ལ་བཅུད་ཀྱིས་ལེན་རབ་ཏུ་བཤད་པར་བྱའོ། །གང་གིས་སེམས་
D440.081.0063a02.01ཅན་རྣམས་གྲོལ་བར་འགྱུར་བ། བཅུད་ཀྱིས་ནུས་པ་ཆེན་པོ་གསོལ་བའི་བཅུད་བསྟེན་པར་བྱ་སྟེ། སྦས་པ་རྣམས་རབ་ཏུ་གསལ་བའི་སྐད། དགོངས་པའི་སྐད་དང་། སྐད་ངན་པ་དང་། བརྡ་ཡིས་སོ། །མཆོག་ཏུ་དགའ་བའི་དགའ་བ་ཆེན་པོ་ཕུན་སུམ་ཚོགས་པ་ཞེས་
D440.081.0063a03.01བྱའོ། །བཅུད་ཀྱི་རིག་པ་ཤེས་པའི་རྣལ་འབྱོར་པས་དེའི་ཡང་མཆོག་ཏུ་དཔག་ཏུ་མེད་པའི་སྟོབས་བསྐྱེད་པར་འགྱུར་རོ། །བཅུད་བསྡུས་པ་ཕུན་སུམ་ཚོགས་པའི་དུས་སུ་བཅུད་སྒོང་བར་ནུས་སོ། །ར་ས་ཞེས་པའི་ཡི་གེ་གཉིས་ནི་གཉིས་ལ་ཟུང་དུ་འཇུག་པའི་རིམ་པས་བླང་
D440.081.0063a04.01ངོ་། །དང་པོར་བཅུད་རབ་ཏུ་བླུགས་པ་ནི་རའི་འོ་མར་གནུར་རོ། །དྷ་དུ་རའི་འདབ་མའི་ཁུ་བ་དང་། སེན་ད་བ་དང་། ལན་ཚྭ་དང་། བ་ལང་གི་ལྕི་བའི་ཁུ་བ་རྣམས་ཀྱིས་དེ་བཞིན་བྱས་ལ་ཀརྨ་ར་གའི་ཁུ་བ་བླུགས་ལ་ཉི་མ་ལ་ཐུན་ཚོད་གསུམ་དུ་བཞག་སྟེ། དེ་ནས་ནམ་མཁའི་ཆུ་
D440.081.0063a05.01དང་། ཅོང་ཟིའི་ཆུས་བཀྲུས་ནས། མིའི་ཁྲག་དང་ཀ་རུ་ཎའི་ཁུ་བ་བླུགས་ལ། དེ་ནས་གསེར་གྱི་ཕྱེ་མ་མན་ཆ་གཅིག་དང་། དངུལ་ཆུ་མན་ཆ་ཉི་ཤུ་རྩ་བཞི་དང་། ཟླ་བ་གཅིག་ཏུ་སིམ་པའི་འདབ་མའི་ཁུ་བ་དང་སྟབས་གཅིག་ཏུ་བཞག་ནས་མཉེས་ཏེ་དེ་བཞིན་དུ་བཀྲུས་ནས་དེའི་རྗེས་ལ་
D440.081.0063a06.01སྡེ་ཚན་གཉིས་ཀྱི་དབུ་མའི་ཡི་གེ་ཞེས་བྱ་བ་ནི་མིང་གི་ཡི་གེ་དང་པོར་བཞག་པའོ། །མཐའ་ཞེས་བྱ་བ་རབ་ཏུ་བསྟན་པ་ནི་སྡེ་ཚན་བཞི་པའི་དང་པོ་དང་། དབྱངས་ཡིག་བཞི་པས་བརྒྱན་པ་དབུ་མར་རབ་ཏུ་བསྟན་པ་ནི་སྡེ་ཚན་དྲུག་པའི་ཡི་གེ་དང་པོ་དང་། འདིའི་ཡང་མཐའ་སྡེ་ཚན་
D440.081.0063a07.01