完整藏文原文 · 德格版页 当前仅加载第 81 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
ཚྭ་གསུམ་སྦྱར་བ་བརྡུངས་ན་རྒྱལ་པོར་འགྱུར་རོ། །ཤེས་རབ་ཀྱིས་གང་འདོད་པའི་རྗེས་སུ་འགྲོ་བར་བྱ་བའི་ཕྱིར་མཁས་པས་བརྟག་པར་བྱའོ། །བསམ་པ་ཙམ་གྱིས་ཞི་བར་བྱ་བ་འགྲུབ་ན་ལུས་ཀྱི་བྱ་བ་འགྲུབ་བོ། །འདི་ནི་ནག་པོ་ཆེན་པོའི་རྒྱུད་
D440.081.0079a01.01ཀྱི་རྒྱལ་པོར་བྱ་བའི་ལེའུ་སྟེ་ཉི་ཤུ་རྩ་ལྔ་པའོ།། །།གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་སྟོབས་དང་ལྷ་མོ་གཉིས་ཀྱིས་སྟབས་གཅིག་ཏུ་ཡང་དག་པར་གསོལ་བ་བཏབ་པ། ཀྱེ་བཅོམ་ལྡན་འདས་གསུངས་ཤིག །འདོད་པ་དང་གཏི་
D440.081.0079a02.01མུག་གི་རང་བཞིན་ཇི་ལྟར་གོ་བར་བྱེད། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལྔ་ལ་དབང་བསྐུར་བ་ཐོབ་པའི་མི་གང་གིས་བླང་བར་བྱ་སྟེ། ཚེས་བརྒྱད་དམ་བཅུ་བཞི་ལ་གསེར་སྲང་ལྔ་བཤིག་ལ་མཎྜལ་གྲུ་བཞི་པ་གཅུས་པར་ཟུར་བཞི་རུ་ལྷ་མོ་བྲིས་ནས་སྦྱིན་སྲེག་
D440.081.0079a03.01གི་བྱ་བ་བྱའོ། །ཤེས་རབ་ཡེ་ཤེས་གོ་བས་ཕྱག་རྒྱ་དང་མཉམ་པར་རབ་ཏུ་སྦྱོར་ཞིང་བཟའ་བ་དང་། བཏུང་བ་ལ་ལོངས་སྤྱད་ན་ངེས་པར་འགྲུབ་པར་འགྱུར་རོ། །ཀྱེ་ཚེ་དང་ལྡན་པ་ཤེས་རབ་རྗེ་མོ་དེས་ངེས་པར་གཞན་ཡང་ངེས་སོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་
D440.081.0079a04.01པོ་ལས་ཕྱག་རྒྱའི་དཀྱིལ་འཁོར་གྱི་ལེའུ་སྟེ་ཉི་ཤུ་རྩ་དྲུག་པའོ།། །།བསླབ་པའི་ལེའུ་བཤད་པར་བྱའོ། །བསླབ་པ་རབ་ཏུ་གསལ་བར་འགྲོ་བ་ཇི་ལྟར་བསླབ་པར་འདོད་པས་སློབ་པའི་དུས་སུ་ཆང་དང་ཤ་དང་བླ་མ་རྡོ་རྗེ་སེམས་དཔའི་ཤེས་རབ་ལ་དུས་ཐམས་ཅད་དུ་གནས་
D440.081.0079a05.01པས་གཙུག་ཏོར་སྟེང་གི་ཆུ་བོ་ལ་ཤེས་རབ་ཅེས་པ་དང་། རྣལ་འབྱོར་མ་ཞེས་པར་བདག་དང་གཞན་གྱི་དོན་དང་ལྡན་པས་བཤད་པར་བྱ། བྱ་བ་བྱེད་པས་ཞུ་བ་ལ་ཕྱག་རྒྱ་མ་ཞེས་པ་དང་། རྡོ་རྗེའི་གནས་ཞེས་པ་དང་། རྗེ་མོ་ཤེས་པར་ཐེ་ཚོམ་མེད་དོ། །སེམས་གཡོ་འགུལ་མེད་པ་ལ་
D440.081.0079a06.01བསླབ་པ་ཞེས་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་བསླབ་པའི་སྡོམ་པའི་ལེའུ་སྟེ་ཉི་ཤུ་རྩ་བདུན་པའོ།། །།གཞན་ཡང་བཅོམ་ལྡན་འདས་ཀྱིས་བཀའ་སྩལ་པ། དེ་ཁོ་ན་ཞེས་པ་ནི་མཚུངས་པ་རྒྱུན་དུ་འགྲོ་བའི་སེམས་རྗེས་སུ་གནས་པའི་རང་བཞིན་
D440.081.0079a07.01