完整藏文原文 · 德格版页 当前仅加载第 81 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
ས་སྦྱང་བ་ནི་གཏོར་མ་དང་མཛེས་པའི་སྟོན་མོ་དང་། ལྷ་བཤོས་སྔགས་ཀྱིས་བྱིན་གྱིས་བརླབས་ནས་ཕྱི་ནས་ངེས་པར་ས་བརྐོ་བར་བྱས་ན། དངོས་གྲུབ་གཞན་དུ་ངེས་པར་མི་འགྱུར་རོ། །ལྷ་མོས་གསོལ་པ། ཀྱཻ་བཅོམ་ལྡན་འདས་གང་དང་གང་དུ་རྟག་ཏུ་གནས་པ་དེའི་མཚན་ཉིད་ཇི་ལྟར་
D440.081.0057b01.01ལགས། གང་སེམས་ཅན་རྣམས་ཀྱི་སྡུག་བསྔལ་བ་བསལ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། གང་དུ་གནས་པའི་མཚན་ཉིད་ནི་ཅི་བརྗོད་པའི་ངག་རུང་བ་དང་། མི་རུང་བའི་སྨན་རྣམས་ཇི་ལྟ་བར་འགྱུར་རོ། །དེ་བསྐྱང་བ་ལ་སོགས་པའི་རིག་པས་བཟའ་བ་དང་ཡོ་བྱད་
D440.081.0057b02.01དུ་ཇི་ལྟ་བར་འགྱུར་རོ། །ངེས་པར་ལེའུ་འདིའི་དངོས་གྲུབ་ཏུ་གང་འགྱུར་བ་རྣལ་འབྱོར་པ་ཡོངས་སུ་ཚོལ་བཞིན་པས་ཉིན་པར་དང་ནུབ་མོ་མཐོང་བར་བྱ་བ་མེ་ཏོག་ཨུཏྤལ་ལ་སོགས་པ་ལྟར་རམ་གལ་ཏེ་དུ་བ་ལྟར་སེམས་ངེས་པར་བྱའོ། །ཁང་པ་སྟོང་བ་ན་བྱི་བའི་སྒྲ་ཐོས་ནས་གང་དང་གང་དུ་
D440.081.0057b03.01ངེས་པར་གྱུར་པ་ན་དེ་ན་གཏེར་ཡོད་པར་འགྱུར་རོ། །ཡུལ་དབུས་སམ་ཐད་ཀ་ལ་ཆུ་འཛིན་པ་མཐོང་ན་གང་དང་གང་དུ་མེ་ཏོག་དོར་བ་དེ་བརྟན་པར་གྱུར་པ་དང་། དེ་ནས་གཏེར་འབྱུང་བར་འགྱུར་རོ། །ཕྱག་བཅུ་དྲུག་པའི་སྔགས་ཀྱིས་བ་ཏའི་ཤིང་ལ་ལན་བདུན་དུ་བསྔགས་ནས་གསོལ་བ་བཏབ་
D440.081.0057b04.01ན་དེར་ངེས་པར་རྨི་ལམ་མཐོང་བར་འགྱུར་རོ། །མགོའི་སྒྲ་གང་ན་འདོན་པའི་ས་དེ་ན་གཏེར་ཡོད་པར་འགྱུར་རོ། །རྨ་བྱའི་སྒྲ་ཐོས་པའི་ས་གང་ན་གྲག་པ་དེའི་ས་ན་ནོར་བུ་ཡོད་པར་འགྱུར་རོ། །འདིས་ནི་སེམས་ཅན་གྱི་དོན་ཡོངས་སུ་རྫོགས་པར་འགྱུར་རོ། །འདི་ནི་དཔལ་ནག་པོ་ཆེན་པོའི་རྒྱུད་
D440.081.0057b05.01ལས་ས་འོག་གི་བུག་པ་བརྟག་པའི་ལེའུ་སྟེ་བརྒྱད་པའོ།། །།དེ་ནས་རྣལ་འབྱོར་པ་ཐམས་ཅད་ཀྱི་དོན་དུ་རིལ་བུའི་ལེའུ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིལ་བུ་ནི་ལུས་དང་ངག་དང་ཡིད་གཅིག་ཏུ་བྱས་པའོ། །གུ་ཞེས་བྱ་བ་ནི་ལུས་ལ་བརྟེན་པའོ། །
D440.081.0057b06.01ཌི་ཞེས་བྱ་བ་ནི་ངག་གི་རང་བཞིན་ནོ། །ཀ་ཞེས་བྱ་བ་ནི་སེམས་སོ། །གསུམ་གཅིག་ཏུ་བྱས་པ་ནི་རིལ་བུའོ། །དབང་པོ་གཉིས་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ནི་དུས་ཀྱི་མེ་ཡིས་རབ་ཏུ་འབར་བ་གསུམ་རོ་གཅིག་པ་ནི་རིལ་བུ་སྟེ། སེམས་ཅན་རྣམས་ཀྱི་བདེ་བ་ཕུན་སུམ་ཚོགས་པའི་
D440.081.0057b07.01