完整藏文原文 · 德格版页 当前仅加载第 81 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྒྲ་སྒྲོགས་པ། མཆེ་བ་གཙིགས་པ། ཁ་དོག་སྔོ་ནག་སྤྱན་གསུམ་པ། དབུ་སྐྲ་ཁམ་པ་གྱེན་དུ་བརྫེས་པ། (སྟགས་,སྟག་)གི་པགས་པ་ན་བཟར་གསོལ་བ། ཁྲག་འཐུངས་པ། རྣལ་འབྱོར་མ་གཉིས་ཀྱིས་བསྐོར་བ་བསྒོམས་ནས་སྔགས་རྒྱུན་དུ་བཟླས་སོ། །
D440.081.0080a01.01ཆུ་འགྲམ་གྱི་ས་ལས་ཕྲེང་བ་བྱ། ཥ་ཎ་པའི་སྐུད་པ་ལ་བརྒྱུས་པ་ཐོགས་ལ། ཨོཾ་ཧཱུྃ་ཙཾ་སརྦ་སིདྡྷི་དཱ་ཡཀྵ་ཡ་སྭཱ་ཧཱ་ཞེས་པ་ཟླ་བ་དྲུག་བཟླས་ན་རྣལ་འབྱོར་པ་གང་འདོད་པ་འགྲུབ་པར་འགྱུར་རོ། །ཁྲག་དང་། ཆང་དང་། ཤ་གསར་པ་དང་། སྲན་མ་མཥ་ལས་བྱས་པའི་
D440.081.0080a02.01ཟན་རྣམས་ལ་གཏོར་མ་བྱས་དེ་ཡིས་ཉི་མ་རེ་སྦྱིན་ནོ། །ལྗོན་ཤིང་གི་དྲུང་ངམ། དུར་ཁྲོད་དམ། ཆུ་འགྲམ་རྣམས་སུ་ཡང་དེ་ལྟར་བྱའོ། །ས་བོན་ཡི་གེ་ཙཾ་ལས་ཞིང་སྐྱོང་སེར་སྐྱ་གསུམ་བསྐྱེད་པ་ནི་རྣལ་འབྱོར་པ་དགེ་བ་དང་། མི་དགེ་བའི་ལས་རྒྱུན་དུ་སོ་སོར་བྱས་ནས་དངོས་
D440.081.0080a03.01གྲུབ་བསྒྲུབ་པར་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་ཞིང་སྐྱོང་བཞེངས་པའི་ལེའུ་སྟེ་སུམ་ཅུ་པའོ།། །།རྩའི་འཁོར་ལོ་བཤད་པར་བྱའོ། །གསུམ་འདྲེས་པའི་རྣལ་འབྱོར་དང་ལྡན་པའི་སློབ་དཔོན་ལ་བྱང་ཆུབ་སེམས་དཔའ་ཆེན་པོ་གནས་པ་སྟེ། རང་
D440.081.0080a04.01འདོད་སྤངས་པ་ལ་ཡང་དག་པར་སྤྱོད་པ་ནི་ཨ་བ་དྷཱུ་ཏཱི་དང་ལ་ལ་ནཱ་དང་ར་ས་ནཱ་རྣམས་འདུས་པར་བྱའོ། །རྩ་དྲུག་ཅུ་རྩ་བཞི་བསྟན་པར་གྱུར་པའི་ནུས་པ་བརྩིས་པ་ནི་ལ་ལ་ནཱ་ཤེས་རབ་ཀྱི་རང་བཞིན་ཅན་དུ་ཤེས་པའོ། །ར་ས་ནཱ་ཁམས་བདེ་བའི་རང་བཞིན་ཅན་ཚོད་ཤེས་པའོ། །
D440.081.0080a05.01ཨ་བ་དྷཱུ་ཏཱི་ནི་བདེ་བ་ཆེན་པོའི་རང་བཞིན་ཅན་མན་ཤེས་པའོ། །ཁམས་དཀར་པོ་བསྐྱེད་པ་དང་། ཁམས་གསུམ་བསྐྱེད་པའོ། །ཨཊྛ་ཨུཊྛེ་ཧཱ་ནཱ་ཧཱ་ཨི་ཨ། ས་ཨ་ལ་སཾ་མོ་ཧེ། ཙ་ཙ་ཙི་ཨུ་ཧ་རཱ་ཛ་ནེ་ཏཱཾ་བྷཱནྟི་ཨོ། ནཱ་ཧ་ཧ་ནཱ་དྷ་སཾ་ཀུ་ལ་བྷ་ཝ་ཨི་སྭ་ར་ཧ་བྷ་ན་ཨི་ཀཱ་ལ། ཀཱ་ལ་ཧ་
D440.081.0080a06.01ཀ་རི་ཙི་ཨ་ནཾ་པ་ཨི་སྭཱ་ཧཱ། འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་རྩའི་འཁོར་ལོའི་ལེའུ་སྟེ་སུམ་ཅུ་སོ་གཅིག་པའོ།། །།དེ་ནས་བཅོམ་ལྡན་འདས་བྱང་ཆུབ་སེམས་ཀྱི་རྡོ་རྗེས་བདག་ལ་སྨྲས་པ་ནི་སེམས་ཀྱི་རང་བཞིན་སྐད་ཅིག་མ་བཅུ་དྲུག་ཏུ་ཡང་དག་པར་སྐྱེ་བ་དེ།
D440.081.0080a07.01