完整藏文原文 · 德格版页 当前仅加载第 81 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་རྗེ་བྲི་བར་བྱ་སྟེ། བདུད་རྩི་ལྔ་ཉིན་རེ་བཞིན་ཁར་བཅུག་ལ་རེངས་པར་བསྒོམ་པར་བྱའོ། །འདིར་མི་གང་གིས་སྒྲུབ་ཐབས་གཞན་བསྒྲུབ་པ་སྟེ་རྐང་པ་བཞི་ལ་སོགས་པ་ཡང་དག་པར་རེངས་པར་བྱ་བ་ནི་དེའི་དུས་སུ་བློ་གྲོས་ཅན་གྱིས་སྨན་བརྩམ་པར་བྱ་སྟེ། བྱི་
D440.081.0073b01.01བའི་ཤ་དང་། རུས་སྦལ་གྱི་ཤ་དང་། སྦྲུལ་གྱི་ཤ་རྣམས་ཕྱེ་མར་བྱས་ལ་བསྣུན་ན་ཕྱུགས་ཐམས་ཅད་རེངས་པར་འགྱུར་རོ། །གཞན་ཡང་སྨན་སུ་ཏ་ཀ་དང་། ཕ་ལ་ནི་དང་རུས་སྦལ་གྱི་མགོ་བོ་དང་། སྨན་ཛ་ཡན་ཏི་རྣམས་བསྲེས་ནས་གཏོར་ན་མི་རྣམས་ངེས་པར་རེངས་པར་
D440.081.0073b02.01འགྱུར་རོ། །གུ་གུལ་དཀར་པོ་དང་། སྨན་ཀ་ཎརྡུ་ཀ་ཡ་ར་ཀའི་སིམ་བཱུ་རི་དང་ཕུ་ལ་ཌི་རྣམས་ཆ་བསྙམས་ཏེ་སྦྱངས་པ་གཏོར་ན་སྦྲུལ་རེངས་པར་འགྱུར་རོ། །ཤུ་དག་དང་། སྨན་ཀུ་མཱ་རཱི་དང་། བེ་ལི་དྷ་རྣམས་བསྣུན་ན་ངེས་པར་རེངས་པར་འགྱུར་རོ། །སྨན་སིམ་བྷི་དང་། ཀ་ལ་
D440.081.0073b03.01ཌ་དང་། ཀ་ཀྵ་ཏྭི་དང་རང་འབྱུང་རྣམས་ཕྲེང་བར་བྱས་རྐེད་པར་བཅིངས་ན་ས་བོན་རེངས་པར་འགྱུར་རོ། །སྤྲིན་རེངས་པར་བྱེད་པ་ཡང་དེ་ཉིད་དོ། །སྤྲིན་རེངས་པ་དགྲོལ་བ་བརྗོད་པར་བྱ་སྟེ། སྨན་སི་ཛི་དཱ་དང་པུ་ག་ནཱ་དང་། ས་མ་ཎ་ཌ་དང་། རུས་སྦལ་རྣམས་ཆ་བསྙམས་པ་
D440.081.0073b04.01ཡིས་སྤྲིན་རེངས་པ་གྲོལ་བར་འགྱུར་རོ། །འདི་ནི་དཔལ་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་རེངས་པའི་ལེའུ་སྟེ་བཅུ་དགུ་པའོ།། །།གཞན་ཡང་འདིར་ཡང་དག་པར་བརྗོད་པར་བྱ་སྟེ། བྱ་བ་མ་ཡིན་པ་བྱེད་པ་རྣམས་བསད་ནས་འཇིག་རྟེན་པ་བདེ་བ་ལ་དགོད་
D440.081.0073b05.01པའི་ཕྱིར་འཇིགས་བྱེད་ཆེན་པོ་བསྒོམ་པར་བྱ་བ་ནི་ཞལ་གཅིག་པ། ཁ་དོག་ནག་པོ་ལྟོ་འཕྱང་བ། གྲི་གུག་དང་ཐོད་པ་ཕྱག་ན་འཛིན་པ། མ་ཧེ་ལ་ཞོན་པ་ཀླུ་བརྒྱད་ཀྱིས་བརྒྱན་པ། མཆེ་བ་གཙིགས་པ་དབུ་སྐྲ་གྱེན་དུ་འབར་བ། འཇིགས་པར་བྱེད་པ་ཡང་འཇིགས་
D440.081.0073b06.01པར་བྱེད་པ། ལོ་བཅུ་དྲུག་པའི་ཆ་བྱད་འཛིན་པ། མཚན་མ་གྱེན་དུ་བསྒྲེང་བ། གཅེར་བུ་སྦོམ་ལ་ཐུང་བ། ས་བོན་ཡི་གེ་ཧཱུྃ་ལས་འོད་ཟེར་འཕྲོ་བ་འདི་རྣམས་དང་ལྡན་པ་བསམས་པ་ཙམ་གྱིས་དགྲ་ཐམས་ཅད་བརླག་པར་འགྱུར་ཞིང་རྒྱུན་གཅོད་པ་དང་། མགོ་བོ་འགས་
D440.081.0073b07.01