完整藏文原文 · 德格版页 当前仅加载第 83 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
ལོན་པའི་རྣམ་པ་ཅན། ཀླུ་བརྒྱད་ཀྱིས་རྣམ་པར་བརྒྱན་པ། མགོ་བོའི་ཕྲེང་བ་དབུ་ལ་བཅིངས་པ། མགོ་བོའི་ཕྲེང་བ་རབ་ཏུ་འཕྱང་བ། སྟག་གི་པགས་པའི་ཤམ་ཐབས་ཅན་གྱི་ལྷའོ། །རྡོ་རྗེ་ཕག་མོས་འཁྱུད་པ་ནི་བཅོམ་ལྡན་འདས་ཀྱི་
D478.083.0305a01.01གཟུགས་དང་ཁ་དོག་འདྲ་བ་ལ་གྲི་གུག་དང་ཐོད་པ་ཅན་ཕྱག་རྒྱ་ལྔས་རྣམ་པར་བརྒྱན་པའི་ལུས་ཅན་མར་བརྩོན་པའི་སེམས་ཀྱིས་བསྒོམ་པར་བྱའོ། །དེ་ནས་ང་རྒྱལ་བྱས་ན་བདག་ཉིད་གྲུབ་པར་འགྱུར་བར་ཐེ་ཚོམ་མེད་དོ། །དེ་ནས་བཛྲ་སྭ་བྷཱ་ཝ་ཨཱཏྨ་ཀོ྅་ཧཱཾ་གི་གསང་
D478.083.0305a02.01སྔགས་བཀླག་པར་བྱའོ། །དེ་ནས་བཅོམ་ལྡན་འདས་མས་རྗེས་སུ་ཆགས་པ་ཆེན་པོས་ཡན་ལག་དང་ཉིང་ལག་ཐམས་ཅད་རྣམ་པར་བལྟས་ནས་པདྨ་ར་རྡོ་རྗེ་གསོར་ཏེ་གཉིས་ཀའི་སྟག་ལྤགས་ཀྱི་ན་བཟའ་འཕྱར་བར་བསྒོམ་པར་བྱའོ། །དེ་ལ་འདི་དག་རྗེས་སུ་ཆགས་
D478.083.0305a03.01པར་བྱེད་དོ་ཞེས་བྱས་ནས་རྡོ་རྗེ་པདྨ་དག་སེམས་ལ་བྱིན་ནས་ཧཱུྃ་ཡིག་དམར་པོ་ཡོངས་སུ་གྱུར་པ་ལས་རྡོ་རྗེ་རྩེ་མོར་ཨོཾ་ཡིག་སེར་པོས་བྱིན་གྱིས་བརླབས་པ་རབ་ཏུ་བསྒོམ་པར་བྱའོ། །ཨཱཿཡིག་དམར་པོས་པདྨ་དེའི་ཟེའུ་འབྲུ་ལ་ཨཱཿཡིག་གིས་བྱིན་གྱིས་བརླབས་པའོ། །
D478.083.0305a04.01དེ་ནས་ཨོྃ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཏྨ་ཀོ྅་ཧཾ་ཞེས་བཀླགས་ནས། རྡོ་རྗེ་པདྨ་མཉམ་པར་སྦྱོར་བ་ལས་བཞེངས་པར་བ་དག་ཉིད་བསྒོམ་པར་བྱ་སྟེ། ཕྱི་རོལ་གྱི་གཉིས་གཉིས་བཞིན་ནོ། །དེ་ནས་འཕོ་བའི་གནས་སྐབས་ན་བདག་ཉིད་དུ་བསྒོམས་
D478.083.0305a05.01པའི་ལྷ་མོའི་པདྨའི་ཁོངས་སུ་དུས་མཉམ་པར་འཛག་པའི་ཁམས་གཉིས་འདྲེས་པར་བསྒོམ་པར་བྱའོ། །དཀར་པོ་དང་དམར་པོ་དེ་དག་ཡོངས་སུ་གྱུར་པས་གཏི་མུག་གཤིན་རྗེའི་གཤེད་ལ་སོགས་པ་རྣམས་བདག་ཉིད་ཇི་ལྟ་བ་བཞིན་དུ་པདྨའི་དབུས་སུ་བསམས་ནས་
D478.083.0305a06.01བཅོམ་ལྡན་འདས་མ་ལས་སྐྱེ་བར་བསྒོམ་པར་བྱའོ། །དེའི་འོག་ཏུ་དེ་རྣམས་མདུན་དུ་བལྟས་ནས་རང་རང་གི་གནས་སུ་སོ་སོར་གནས་པར་བསམ་པར་བྱའོ། །དེ་ནས་ཤར་གྱི་འདབ་མའི་ཉི་མ་ལ་གཏི་མུག་གཤིན་རྗེའི་གཤེད་ཙརྩི་ཀཱ་ནག་མོས་འཁྱུད་པའོ། །ལྷོའི་འདབ་
D478.083.0305a07.01