完整藏文原文 · 德格版页 当前仅加载第 83 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེའི་རིགས་སུ་འབྱུང་བར་འགྱུར། །བརྩོན་འགྲུས་ཆེན་པོ་སྟོབས་ཆེན་ལྡན། །བདག་གི་ཆོས་ནི་སྟོན་པ་པོ། །འགའ་ཞིག་གིས་ནི་སྦས་པའི་རྒྱུད། །འདི་ནི་ཐོབ་ནས་ལེགས་སྦེད་ཅིང་། །གསང་སྔགས་འབུམ་ཕྲག་གཅིག་ཅིག་བཟླས་ནས། །
D478.083.0319a01.01བདག་ནི་སྒྲུབ་པར་བྱེད་པར་འགྱུར། །འཛམཱུའི་གླིང་ན་སྣ་ཚོགས་པའི། །དངོས་གྲུབ་རབ་ཏུ་སྟེར་བར་བྱེད། །ཀྲྀ་ཤུ་བཱི་ཛཾ་མཱས་ཀཾ། །འདི་དག་བདུན་གྱི་རྣལ་འབྱོར་པས། །ཉེ་བར་དམིགས་པར་བྱེད་པར་འགྱུར། །སླར་ཡང་རྩོདཔའི་དུས་སུ་ནི། །བཱ་ལའི་རིགས་
D478.083.0319a02.01ལ་ས་སྤྱོད་ཀྱིས། །རྙེད་ནས་བྲན་ལ་སོགས་པ་རྣམས། །རྣལ་འབྱོར་ཅན་རྣམས་འབྱུང་བར་འགྱུར། །ཀ་ལིངྒ་དང་བངྒ་དང་། །གོ་ཌ་དང་ནི་མ་ག་དྷ། །སུ་ར་ཀ་རྒྱལ་ཨུ་བི་ཀྲྀ། །བི་ཛི་ཀ་ལའི་རྒྱལ་པོ་དང་། །གོ་ད་ར་མ་ཀ་ལིངྒ། །བི་མོ་ཛི་ཞེས་བྱ་སོགས་ཀྱི། །
D478.083.0319a03.01རྒྱལ་པོ་དཔལ་ལྡན་གཤིན་རྗེའི་གཤེད། །དམར་པོའི་རྣལ་འབྱོར་པ་འབྱུང་འགྱུར། །འགའ་ཞིག་གཟི་བརྗིད་ལྡན་པ་དང་། །འགའ་ཡང་བརྩོན་འགྲུས་ལྡན་པ་དང་། །འགའ་ཡང་ཕ་རོལ་གནོན་པ་ཆེ། །འགའ་འདིར་དང་པོར་འཇིག་རྟེན་པ། །སླར་ཡང་སྔགས་
D478.083.0319a04.01ལ་མཆོག་གཞོལ་པས། །སླར་ཡང་རྒྱལ་སྲིད་དབང་པོ་སོགས། །འཁོར་ལོས་སྒྱུར་བར་འགྱུར་བ་ཡིན། །གསང་སྔགས་ཆེན་པོ་ལེགས་སྦས་པ། །བྱིས་པའི་རྣལ་འབྱོར་ལ་མི་བསྟན། །བདེན་པར་སངས་རྒྱས་ཉིད་འདོད་པ། །རྒྱུད་ལ་འཇུག་པ་ལ་བསྟན་
D478.083.0319a05.01བྱ། །བདག་གིས་བཤད་པའི་རྒྱུད་འདི་ལ། །དང་པོར་དབང་བསྐུར་བྱ་བ་སྟེ། །ཕྱི་ནས་འདི་ནི་བསྟན་པར་བྱ། །རྒྱུད་རྒྱལ་རྒྱུད་ཀྱི་མཆོག་གྱུར་པ། །སྔགས་དང་བསམ་གཏན་བརྗོད་ཉུང་བ། །བཀླག་པ་ཙམ་གྱིས་འགྲུབ་པར་འགྱུར། །གང་སྡིག་ལས་ལ་དགའ་
D478.083.0319a06.01བ་དང་། །དད་པ་དམན་པས་འགྲུབ་མི་འགྱུར། །གང་ཡང་སྡིག་པ་བྱེད་པ་ཡང་། །བསླབ་པ་འཛིན་པར་བྱེད་ན་ནི། །འབད་མེད་དངོས་གྲུབ་ཉིད་འགྲུབ་པར། །འགྱུར་བར་འདི་ནི་ཐེ་ཚོམ་མེད། །དགེ་བ་བཅུ་ལས་བརྩམས་ནས་ནི། །ཕྱི་ནས་ཆོས་ནི་རབ་གསལ་བྱ། །
D478.083.0319a07.01