完整藏文原文 · 德格版页 当前仅加载第 83 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
རཀྟ་གཉིས་མེད་སྦྱོར་བའོ། །ཡང་ན་རཀྟ་འདོད་ཆགས་རྒྱལ། །རླུང་གིས་མདའ་བསྐུལ་དེར་སོན་སེམས། །ཨཱ་རི་སྟོང་ཉིད་སྙིང་རྗེ་གཅིག །རཀྟ་ཡ་མཱ་རི་ཞེས་བརྗོད། །དགའ་བ་བཞི་ཡི་མིང་ལྔ་པོ། །སྐད་ཅིག་བཞི་རུ་ཤེས་པར་བྱ། །དེ་ནས་གཏི་མུག་ལ་སོགས་པའི། །
D478.083.0322b01.01དོན་ནི་མངའ་བདག་ཁྱོད་གསུངས་ཤིག །གཏི་མུག་གཤིན་རྗེ་མཐར་བྱེད་ནི། །རྣམ་སྣང་མཛད་དོ་ཕྲ་མ་ཡི། །གཤིན་རྗེ་མཐར་བྱེད་རིན་ཆེན་འབྱུང་། །འདོད་ཆགས་གཤིན་རྗེ་མཐར་བྱེད་ནི། །སྣང་མཐའ་ཕྲག་དོག་གཤིན་མཐར་བྱེད། །དོན་གྲུབ་དབུས་སུ་མི་བསྐྱོད་
D478.083.0322b02.01པ། །གཤིན་རྗེ་མཐར་བྱེད་དམར་པོའོ། །ཙརྩི་ཀཱ་སོགས་ངོ་བོ་ཅི། །ས་ཁམས་སྤྱན་མ་ཙརྩི་ཀཱ། །ཆུ་ཁམས་མཱ་མ་ཀཱི་ཕག་མོ། །མེ་ཁམས་དཀར་མོ་དབྱངས་ཅན་མ། །རླུང་ཁམས་སྒྲོལ་མ་གཽ་རཱིའོ། །མཁའ་ཁམས་རྡོ་རྗེ་རོ་ལངས་མ། །བཅོམ་ལྡན་
D478.083.0322b03.01འདས་ལ་འཁྱུད་པའོ། །འདོད་ཆགས་ཆེན་པོའི་རྗེས་ཆགས་ལས། །བདེ་བ་ཆེན་པོའི་རོ་ཡིས་ནི། །གཉིས་མེད་ངོ་བོ་དཔའ་བོ་སྟེ། །བཅུ་དྲུག་ཆ་རྫོགས་ཟླ་བ་བཞིན། །ཞེས་པ། གཤིན་རྗེའི་གཤེད་དམར་པོའི་རྒྱུད་དུ་མིང་མདོར་བསྟན་པའི་ལེའུ་སྟེ་བཅུ་གསུམ་
D478.083.0322b04.01པའོ།། །།རོ་ལངས་མས་ནི་དམ་འཁྱུད་ནས། །ཚེམས་ཀྱིས་མ་མཆུ་བཙིར་བྱས་ནས། །སེམས་ཅན་དོན་ཕྱིར་གཏོར་མ་ཆེ། །ལྷ་མོ་དེ་ཡིས་དེ་ལ་ཞུས། །བཅོམ་ལྡན་འདས་ཀྱིས་བཀའ་སྩལ་པ། དཔལ་གཤིན་རྗེའི་གཤེད་དམར་པོའི་ང་རྒྱལ་བྱས་ནས།
D478.083.0322b05.01སྟེང་དུ་བླ་རེ་དང་། རྔ་ཡབ་དཀར་པོ་དང་། ཕྱི་རོལ་ཏུ་གར་དང་། གླུས་ཉེ་བར་མཛེས་པར་བྱས་པ། རྒྱན་ཐམས་ཅད་ཀྱིས་བརྒྱན་པ། གཡོན་པ་དང་ཅིག་ཤོས་དྲིལ་བུ་དང་རྡོ་རྗེའི་སྒྲ་དབྱངས་ཀྱིས་ཡོངས་སུ་གང་ལ་འབར་ཞིང་གསལ་ལ་རྒྱས་པའི་སྣོད་ཀྱི་གཏོར་མ་དོར་བར་
D478.083.0322b06.01བྱ་སྟེ་སྣོད་གཉིས་གཞག་པར་བྱའོ། །སྣོད་གཅིག་ཏུ་གོ་ཀུ་ད་ཧ་ན་དང་། བི་ར་ཤུ་མཱ་མུ་བདུད་རྩི་ལྔ་དང་བཅས་པའི་ཤ་དང་། ཞོ་དང་། ཉ་ཤས་ཡང་དག་པར་གང་བར་བྱའོ། །གཞན་དུ་ཁྱིམ་ལ་སོགས་པའི་ལྷ་རྣམས་གཞག་པར་བྱས་ནས། ཨོཾ་ཧྲཱིཿཥྚྲཱིཿབི་ཀྲྀ་ཏཱ་ནན་ཧཱུྃ་
D478.083.0322b07.01