完整藏文原文 · 德格版页 当前仅加载第 83 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་ཉེར་སྤྱོད་ལྔའི་མཆོད་པ་རྣམས་ཀྱིས་དང་། ཕྱོགས་བཞིར་རྡོ་རྗེ་ཐོད་པ་རྣམས་སུ་ཡང་དག་པར་གང་བའི་གཏོར་མ་བྱས་ཏེ་ཕྱི་རོལ་ཏུ་ཕྱོགས་ཀྱི་གཏོར་མ་བཅུ་བྱས་ནས་དེ་བཞིན་དུ་མཆོད་སྦྱིན་གྱི་ཤིང་ལས་བྱུང་བའི་དབྱུག་པ་རྣམས་ཀྱིས་བགེགས་ལ་ཕུར་བུས་འདེབས་
D478.083.0310b01.01ཤིང་འགྱིང་བ་དང་བཅས་པས་གསང་སྔགས་ཀློག་པའམ། ཕྱི་རོལ་དུ་ཡང་དེ་ཉིད་ཀྱི་ངོས་བཞིའི་ཕྱི་རོལ་དུ་ཨྃ་ཡྃ་བྲྃ་ཤྲྃའོ། །གཏོར་མ་སྦྱིན་པ་སྔོན་དུ་འགྲོ་བས་དྲིལ་བུ་དཀྲོལ་ཏེ། དེ་བཞིན་དུ་ཀློག་པར་བྱེད་པའི་ཀློག་པ་པོ་དང་། སྒྲུབ་པ་པོ་བཞི་ཡིས་གར་བྱེད་པ་ལ་བརྩོན་པའོ། །
D478.083.0310b02.01ཤ་བཀག་པའི་ཕྱིར་བཟའ་བ་མ་ཡིན་པ་མེད་དོ་ཞེས་ས་ལུ་ལ་སོགས་པ་ལྔ་བཟའོ། །བསོད་ནམས་རྣམ་པ་བཞི་ཞེས་ཤེས་པར་བྱ་སྟེ། །དབྱེ་བ་ཇི་ལྟ་བ་ཤེས་པར་བྱའོ། །ཡོངས་སུ་གང་བའི་ཐོད་པ་རུ་ཆང་གི་བཏུང་བ་ཅུང་ཟད་བྱའོ། །ཐབ་ཏུ་ཡང་བློ་དང་ལྡན་པས་སྦྱིན་སྲེག་བྱའོ། །ཇི་
D478.083.0310b03.01ལྟར་གསང་སྔགས་མཉམ་པར་གཞག་པས་དཔའ་བོའི་དབང་པོ་ཉིད་བསྒྲུབ་པར་བྱའོ། །དེ་ནས་སྦྱིན་སྲེག་འབུམ་ཕྲག་གཅིག་བྱས་ན་གལ་ཏེ་འདོད་ན་ཐུན་མོང་དུ་འཁོར་ལོས་སྒྱུར་བའི་རྒྱལ་སྲིད་ཐོབ་བོ། །འདི་ཉིད་ཀྱིས་ཉིས་འགྱུར་གྱིས་འགྱུར་བ་འདིར་ཐེ་ཚོམ་མེད་དོ། །དེ་
D478.083.0310b04.01ནས་ལྷ་མོས་གསོལ་པ། ཕྲ་མོའི་རྒྱལ་སྲིད་ཐོབ་པ་ལ་དགྲ་འབྱུང་སྟེ། ཐབས་ཆེས་མང་པོ་ཅི་ཞིག་གིས་ལྷའི་དབང་པོ་ཡིད་ཀྱི་ཤིང་རྟ་ཡང་དག་པར་གང་བར་འགྲོ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྙིང་རྗེ་དང་ལྡན་པས་སེམས་ཅན་
D478.083.0310b05.01གྱི་བསམ་པ་ཡོངས་སུ་རྫོགས་པར་བྱེད་པར་འགྱུར་བ་དང་། གལ་ཏེ་དགེ་འདུན་མཆོད་པའི་ཚོགས་ཀྱི་བཟའ་བར་བྱ་བ་ཡང་རྗེས་སུ་ཉིན་རེར་བྱེད་པ་དང་། དེའི་དོན་ཡང་བྱ་སྟེ་སེམས་ཅན་མཆོད་པར་བྱས་པར་འགྱུར་རོ། །སྔགས་ཀྱི་བསམ་གཏན་ལ་བརྩོན་པས་
D478.083.0310b06.01དང་པོར་དབང་བསྐུར་བར་བྱ་སྟེ། རང་གི་སྙིང་པོ་དང་ཉེ་བའི་སྙིང་པོའི་གསང་བའི་སྔགས་རབ་ཏུ་སྦྱིན་པར་བྱའོ། །ཐུན་མཚམས་གསུམ་དུ་གཏོར་མ་དྲུག་ཅུ་རྩ་བཞི་པ་བྱིན་ནས་ཇི་ལྟ་བ་བཞིན་དུ་བྱའོ། །བྱ་བའི་རང་བཞིན་དེས་སེམས་ཅན་མཆོད་པ་ཇི་ལྟ་བ་བཞིན་དུ་འགྱུར་རོ། །
D478.083.0310b07.01