完整藏文原文 · 德格版页 当前仅加载第 83 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
མོའི་སྟེང་དུ་ནི། །དགུ་བདག་དཀྱིལ་འཁོར་ཡིད་འོང་བ། །གྲྭ་བཞི་རུ་ནི་ཐོད་པའོ། །རང་གི་འདོད་ལྷའི་རྣལ་འབྱོར་ལྡན། །སྲད་བུས་ཐིག་གདབ་ཤེས་རབ་ཅན། །ལྷ་མོའི་དཀྱིལ་འཁོར་ཆེས་མང་བ། །རྣམ་པ་ཇི་བཞིན་མངོན་བྲི་བྱ། །འདབ་བཞིར་དེ་བཞིན་བྲི་
D478.083.0317b01.01བྱ་བ། །ཁྱད་པར་དབྱུག་པ་དཀར་པོའོ། །དབུས་སུ་དབྱུག་པ་དཀར་པོ་ནི། །སྣ་ཚོགས་རྡོ་རྗེ་བཞིན་བྲི་བྱ། །རིགས་ནི་ལྔ་པོ་མཚུངས་པར་བྱ། །སྐལ་ལྡན་ལེགས་པར་བསླབ་བྱས་ནས། །རྒྱུད་ལ་སོགས་པའི་སྦྱོར་བས་འདིར། །རབ་ཏུ་འབད་པས་དབང་བསྐུར་སྦྱིན། །
D478.083.0317b02.01སློབ་དཔོན་གསང་བ་ཤེས་རབ་དང་། །བཞི་པ་དེ་སླར་དེ་བཞིན་ནོ། །སློབ་དཔོན་བཞི་པོ་རྣམས་ཉིད་ཀྱིས། །ཡང་དང་ཡང་དུ་གཏོར་མ་སྦྱིན། །དྲིལ་བུ་རྡོ་རྗེ་མཉམ་པར་གནས། །སྣ་ཚོགས་རྒྱན་གྱིས་བརྒྱན་པ་ཡི། །ཀུན་ཏུ་སེར་པོའི་གོས་ཉིད་དང་། །མི་ཡི་རྒྱན་
D478.083.0317b03.01གྱིས་བརྒྱན་པའོ། །གསེར་དངུལ་ཟངས་ལྕགས་བཞི་ཡིས་ནི། །བུམ་པ་དཀྱིལ་འཁོར་ཡང་དག་དགོད། །དབུས་སུ་གསེར་གྱི་བུམ་པ་ཡང་། །སྣ་ཚོགས་རིན་ཆེན་ལེགས་པར་མཛེས། །གསེར་དངུལ་ཟངས་ལྕགས་ལས་བྱུང་བ། །འཁྲུལ་འཁོར་བཞི་པོ་
D478.083.0317b04.01རྣམས་དང་ནི། །དབུས་སུ་གསེར་གྱི་འཁྲུལ་འཁོར་ནི། །མེ་ཏོག་དམར་པོས་ལེགས་མཛེས་པའོ། །སླར་ཡང་ཕྱིར་གཞན་དཀྱིལ་འཁོར་བཞིར། །སྡོང་པོ་བཀོད་སོགས་འབད་པས་བཀླག །ཕྱི་རུ་ཟས་ཀྱི་ཁང་པ་མལ། །བཟའ་བ་འདུས་པའི་ལོངས་སྤྱོད་
D478.083.0317b05.01ཀྱང་། །དེ་བཞིན་ཁུར་བ་དང་བཅས་གཞན། །ཡོན་བཅས་དགེ་འདུན་བཟའ་བ་ཡང་། །བློ་བཟང་འབད་པས་བྱ་བ་ཡིན། །ཤར་དུ་ཝ་ཊ་ལྷོ་རུ་ནི། །ཨ་ཤྭ་ཏྠ་ནུབ་བ་ཀུ་ལ། །བྱང་དུ་ནག་གེ་སར་རོ། །ཤར་དུ་མེ་ཏོག་དཀར་ལྷོར་སེར། །དེ་བཞིན་ནུབ་དམར་
D478.083.0317b06.01བྱང་དུ་ཡང་། །ལྗང་གུ་དེ་བཞིན་སྟེང་དུ་ཡང་། །མ་རུ་ལ་ཌ་རྗེ་རིགས་དང་། །བྲམ་ཟེ་རྡོ་རྗེ་རིན་ཆེན་དབྱིག །ཤར་སོགས་གཡས་བསྐོར་བགྲོད་པ་ཡིས། །འདི་དག་ས་ག་ཟླ་བ་ལ། །སྣ་ཚོགས་རྒྱན་ཀུན་གྱིས་བརྒྱན་པའི། །མི་བདག་གིས་ནི་ངོས་བཞི་རུ། །
D478.083.0317b07.01