完整藏文原文 · 德格版页 当前仅加载第 83 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་རྣམས་ཀྱང་རྣལ་འབྱོར་གོམས་པ་ཁོ་ནས་ཐམས་ཅད་སྒྲུབ་པར་བྱེད་ཀྱི་གཞན་དུ་མ་ཡིན་ནོ། །སྐྱེས་བུའི་གོམས་པའི་སྦྱོར་བས་ཐར་པའི་དོན་དང་འདོད་པའི་དོན་བྱུང་བ་དང་མ་བྱུང་བ་དང་སྔོན་དུ་གནས་པ་རྣམས་རྣམ་པ་སྣ་ཚོགས་པ་དང་སངས་
D478.083.0307a01.01རྒྱས་ཉིད་ཀྱི་དངོས་གྲུབ་ཀྱང་སྐྱེ་བ་འདི་ཉིད་ལ་འགྱུར་རོ། །ལས་ཐམས་ཅད་ཡོངས་སུ་སྤངས་ནས་དེར་སོན་པའི་ཡིད་དུ་གྱུར་ནས། ཇི་སྲིད་རང་ཉིད་འོངས་ནས་སྨྲ་བར་བྱེད་དེ། ཀྱེ་ཀྱེ་སྒྲུབ་པ་པོ་མཆོག་ཅི་ཡིན་པ་དེ་སྩལ་བར་བགྱིའོ། །དེ་ནས་མཆོད་ཡོན་བྱིན་ནས་ཕྱག་
D478.083.0307a02.01བྱས་ཏེ་དངོས་གྲུབ་བླང་བར་བྱས་པ་དེ་སྦྱིན་པར་བྱེད་དོ། །ཨོྃ་ཧྲཱིཿཥྚྲཱིཿཔི་ཀྲྀ་ཏཱ་ན་ན་ཨཱ་གཙྪ་ཨཱ་གཙྪ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། དེ་ནས་རྡོ་རྗེ་རོ་ལ་ངས་མ་སྒྲུབ་པར་འདོད་ན། རྡོ་རྗེ་རོ་ལངས་མའི་གཟུགས་བརྙན་བྱ་སྟེ། རས་སམ་འབྲས་བུ་ལ་བྱའོ། །རྗེ་བཙུན་གྱི་ཁ་དོག་དང་
D478.083.0307a03.01དབྱིབས་མདུན་དུ་ཡང་དག་པར་བཞག་ནས། ཇི་ལྟར་འབྱོར་པའི་མཆོད་པ་བྱས་ཏེ། དེ་དག་རང་རང་སོ་སོའི་གཟུགས་མ་འདྲེས་པས་ཀུན་ཏུ་མཐོང་བ་དེ་སྲིད་དུ་བཟླས་པར་བྱའོ། །ཇི་སྲིད་དུ་འོངས་ནས་སྒྲུབ་པ་པོ་ལ་འཁྱུད་དེ་སྨྲས་པ། ཀྱེ་སྒྲུབ་པ་པོ་ཁྱེད་ཀྱི་བཀའ་བསྒོ་བ་ཅི་
D478.083.0307a04.01ལགས། སྒྲུབ་པ་པོས་མཆོད་ཡོན་བྱིན་ནས་སྨྲ་བར་བྱ་སྟེ། བདག་གི་ཆུང་མར་འགྱུར་བའོ་ཞེས་པས་ཆུང་མར་འགྱུར་རོ། །དེ་ལ་ལོངས་སྤྱད་པས་གཤིན་རྗེའི་གཤེད་ཀྱི་གཟུགས་སུ་གྲུབ་པར་འགྱུར་རོ། །ཨོྃ་དྭེ་ཥ་ར་ཏི་ཨཱ་གཙྪ་ཨཱ་གཙྪ་ནུ་ད་ནུ་ད་ཏྲུ་ཊ་ཏྲུ་ཊ་ཧཱུྃ་ཛཿསྭཱ་ཧཱ།
D478.083.0307a05.01ཡང་ན་ཨོྃ་བཛྲ་བེཏྟ་ལི་ཨཱ་གཙྪ་ཨཱ་གཙྪ་ཧཱུྃ་ཛཿསྭཱ་ཧཱ། གཞོན་ནུ་མ་ལོ་བཅུ་དྲུག་ལོན་པ་ཡན་ལག་བཟང་མོ་བག་མར་བླངས་པས་སམ། ཡང་དག་པར་བཟུང་ནས། བསྐྱེད་དེ་སྐལ་ལྡན་མར་བྱས་ཏེ། དབང་བསྐུར་བའི་རྣལ་འབྱོར་མ་སྔགས་ཀྱི་སྒོམ་པའི་ཚུལ་གྱིས་
D478.083.0307a06.01ཡང་དག་པར་མཆོད་དེ། ལག་པ་གཡོན་པས་འཁྱུད་ལ་རྣལ་འབྱོར་མའི་གཟུགས་སུ་བསམས་ནས་ཇི་སྲིད་དུ་འབར་བར་གྱུར་པ་དེ་སྲིད་དུ་བཟླས་པར་བྱའོ། །དེ་ནས་དེ་ལ་བཟུང་ནས་གཤིན་རྗེའི་གཤེད་ཀྱི་གཟུགས་སུ་གྲུབ་པར་འགྱུར་རོ། །ཨོཾ་བཛྲ་བེཏྟ་ལི་ཛྭ་ལ་ཧཱུྃ་ཛཿསྭཱ་ཧཱ།
D478.083.0307a07.01