完整藏文原文 · 德格版页 当前仅加载第 83 函德格 325b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་ཐམས་ཅད་དེས་ཤེས་བྱེད། །སངས་རྒྱས་ལམ་གྱི་མན་ངག་གོ །འཇུག་ངོགས་ཆེན་པོར་དེས་བཀྲུས་ཏེ། །དེ་བཞིན་གཤེགས་པས་མངོན་དབང་བསྐུར། །དེ་ཡང་གང་དང་གང་འགྲོ་བ། །དེར་ནི་སངས་རྒྱས་འོང་བར་བྱེད། །ཀུན་ཏུ་བྱང་
D478.083.0325b01.01ཆུབ་སེམས་དཔའ་ཉིད། །སྣ་ཚོགས་སེམས་ཅན་ཕན་པར་བྱེད། །ཧཱ་ཧཱའི་ཡི་གེ་སྒྲོགས་བྱེད་ཅིང་། །ཡང་ནས་ཡང་དུ་ཅི་ཞེས་པས། །ཕྱོགས་བཅུར་རྣམ་པར་གནས་པ་ཡི། །བདུད་རྣམས་ཀུན་ཏུ་འབྲོས་པར་བྱེད། །ཐལ་མོ་སྦྱར་བར་བྱས་ནས་དེའི། །
D478.083.0325b02.01ཞབས་ལ་ཀུན་གྱིས་འདུད་པར་བྱེད། །སྣ་ཚོགས་གཟུགས་འཆང་བུད་མེད་ནི། །སྣ་ཚོགས་འདོད་པས་གླག་ཚོལ་ཏེ། །ཆུ་ཤིང་ཏིལ་མཆོག་མ་ལ་སོགས། །བཀུག་ནས་རྫོགས་པར་ལོངས་སྤྱོད་བྱེད། །ཅེས་པ་གཤིན་རྗེའི་གཤེད་དམར་པོའི་རྒྱུད་དུ་རླུང་
D478.083.0325b03.01གི་དེ་ཉིད་དེ་ལེའུ་བཅུ་བཞི་པའོ།། །།དེ་ནས་རླུང་གི་རྣམ་གྲངས་ནི། །བཅོམ་ལྡན་འདས་ཀྱིས་བསྟན་དུ་གསོལ། །རབ་ཏུ་ཕྱེ་ནས་བཤད་ཀྱིས་ཉོན། །རིགས་ཀྱི་དབྱུ་གུ་སོ་གཉིས་ལ། །ཐུན་ཚོད་བཞི་རུ་འགྱུར་བ་ཡིན། །བཅུ་དྲུག་གཉིས་ཀྱིས་
D478.083.0325b04.01རྣམ་པར་འགྱུར། །ཐུན་གཅིག་དབྱུ་གུ་ལྷག་པ་ལ། །ཐུན་ཕྱེད་དབྱུ་གུ་བཞི་ཡིན་ཏེ། །དེས་ན་རིམ་པ་བཞིན་འགྱུར་རོ། །ཉིན་དང་མཚན་མོར་རིམ་པས་ཀྱང་། །འཕོ་བ་བཅུ་དྲུག་རབ་ཏུ་བརྗོད། །མེ་དང་རླུང་དང་ཆུ་དང་ནི། །དབང་ཆེན་དཀྱིལ་འཁོར་བཞི་
D478.083.0325b05.01པོ་ནི། །འབབ་པས་དབྱུ་གུ་བཞིར་རབ་གྲགས། །རླུང་ནི་བཞི་པོ་རྣམ་འཕེལ་ལས། །འཁོར་ལོ་བཞི་རུ་རབ་ཏུ་བརྗོད། །རྣམ་པ་སྣ་ཚོགས་ལ་སོགས་བཞི། །སྐད་ཅིག་ཐང་ཅིག་སོགས་དབྱེ་ལས། །རྣམ་པ་བཞི་རུ་དེ་བརྗོད་དོ། །དེ་བཞིན་དགའ་བ་བཞི་པ་སྟེ། །
D478.083.0325b06.01གནས་ནི་བཞིར་ཡང་རབ་ཏུ་བརྗོད། །སྐུ་གསུམ་དེ་ལ་སྐུ་བཞི་པ། །དེ་བཞིན་ཐམས་ཅད་བཞི་རུ་ཡང་། །ཕྱི་སོགས་རིམ་པ་དེ་བཞིན་ནོ། །རྣལ་འབྱོར་བཞི་དང་བཞི་པ་ནི། །སྐུ་ནི་བཞི་རུ་ཡང་དག་བརྗོད། །འདིས་ནི་དབྱུ་གུ་བཞིར་འགྱུར་ཏེ། །རབ་ཏུ་དབྱེ་བས་དྲུག་ཅུ་བཞི། །
D478.083.0325b07.01