完整藏文原文 · 德格版页 当前仅加载第 83 函德格 326b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པའི་དབང་པོ་དྲུག་རྫོགས་པའོ། །རེག་པ་ནི་ཡུལ་དང་། དབང་པོ་དང་། རྣམ་པར་ཤེས་པ་གསུམ་འདུས་པ་ལས་སོ། །ཚོར་བ་ནི་བདེ་བ་དང་། སྡུག་བསྔལ་དང་། བཏང་སྙོམས་ཀྱི་མཚན་ཉིད་ལས་དོན་རྣམ་པ་གསུམ་དུ་
D478.083.0326b01.01དབྱེའོ། །སྲེད་པ་ནི་འཁྲིག་པའི་འདོད་ཆགས་སོ། །ཉེ་བར་ལེན་པ་ནི་འདོད་པའི་ཡུལ་ཡོངས་སུ་འཛིན་པའོ། །སྲིད་པ་ནི་འབྱུང་འགྱུར་གྱི་སྲིད་པ་ལས་ཀྱི་འབྲས་བུའོ། །སྐྱེ་བ་ནི་སླར་ཡང་ཕུང་པོ་ལ་ཉིང་མཚམས་སྦྱོར་བའོ། །རྒ་ཤི་ནི་མིང་དང་གཟུགས་
D478.083.0326b02.01ལ་སོགས་པའི་ཡན་ལག་བཞིའོ་ཞེས་སོ། །ཡན་ལག་བཅུ་གཉིས་ཁྱད་པར་ལས། །ཐུབ་པས་རྟེན་ཅིང་ཀུན་འབྱུང་བསྟན། །ཇི་སྲིད་ཉོན་མོངས་ལས་དང་ནི། །སྡུག་བསྔལ་གསུམ་དུ་དེ་རྣམས་འདུས། །དང་པོ་བརྒྱད་པ་དགུ་ཉོན་མོངས། །
D478.083.0326b03.01གཉིས་པ་བཅུ་པ་ལས་སུ་འགྱུར། །ལྷག་མ་བདུན་ནི་སྡུག་བསྔལ་ཡིན། །བཅུ་གཉིས་པོ་ནི་གསུམ་འདུས་ཕྱིར། །ཆོས་གསུམ་པོ་ནི་བསྟན་པར་འགྱུར། །ཟུང་དང་ཟུང་ལས་དེ་འབྱུང་སྟེ། །བདུན་བདུན་དག་ཏུ་འབྱུང་བ་ཡིན། །དེ་ཉིད་ཡང་ཡང་
D478.083.0326b04.01དེ་འཁོར་ཞིང་། །འཁོར་བས་སྲིད་པའི་འཁོར་ལོའོ། །འགྲོ་བ་ཕན་ཚུན་རྒྱུ་དང་འབྲས། །འགའ་ཞིག་འདིར་མེད་སེམས་ཅན་སྟོང་། །དེ་ལྟར་སྟོང་ལས་ཆོས་རབ་འབྱུང་། །ཆོས་ལས་འཕོ་བའང་ཡོད་མིན་ཏེ། །ལེགས་པར་ཀློག་དང་མར་མེ་
D478.083.0326b05.01རྒྱ། །མེ་ལོང་སྒྲ་དང་མེ་ཤེལ་དང་། །ས་བོན་ལས་ནི་ཕུང་པོ་འདི། །མཚམས་སྦྱོར་པ་དང་འཕོ་བ་མེད། །རིག་ལྡན་རྣམས་ཀྱིས་གཟུང་བྱ་བ། །འདུལ་བ་ཡང་དག་རྟོགས་ནས་ནི། །ཡན་ལག་བཅུ་གཉིས་ཁྱད་པར་གང་། །འདི་ནི་ཐུབ་པས་མདོར་བསྟན་
D478.083.0326b06.01བཤད། །ཇི་ལྟར་རྟེན་ཅིང་ཡང་དག་འབྱུང་། །དེ་རྣམས་བསྡུས་པར་ཤེས་པར་བྱ། །སོ་སོར་ངེས་བསྟན་ཉན་པར་འདོད། །དེ་དེ་སངས་རྒྱས་སྤྱོད་ཡུལ་ཞེས། །སློབ་དཔོན་འདི་བརྗོད་སྙིངསྡུག་དེར། །ཉོན་མོངས་ལས་དང་སྡུག་བསྔལ་རྣམས། །ཞེས་པས་ཇི་སྲིད་བསྡུས་པའོ། །
D478.083.0326b07.01